السلام عليكم ورحمة الله وبركاته
خلونا نسوي مقارنة بين الفطيم وبهوان من ناحية الخدمة والسعر ونشوف منوة افضل
اكنب تجاربك والمواقف اللي سارت معاك
انا اشجع وافضل بهوان لانة الافضل من ناحية السعر والخدمة
79 thoughts on “مقارنة بن بهوان والفطيم(تويوتا) -اسعار تجارب مواقف”
Comments are closed.
السلام عليكم
أنا ما أقول مين هو احسن بس في مواقف مرت علي وبخبركم شو استوي معي،،
في سنة 2008 خذيت سيارة لكزس من الفطيم وكان بهوان أرخص ب10000 درهم بس خذيت من الفطيم لأن مال بهوان أقل مواصفات من الفطيم..
سرت عندهم عشان الصيانة وكل مرة يضرب 700 أو 900 درهم على أيل وفلتر وبعدين استوى موقف وطلعت من الفطيم نهائيا…
عندنا تويوتا استيشن موديل 2000 وبغيت سوي لها صيانة كاملة 100 ألف كيلومتر في الفطيم اتصل لي الموظف قال السيارة تكلف 9000 درهم فتحت عيوني وقالته شو ماخذ من عندكم تويوتا ولا مرسيدس قالي لي هذا السعر بعد خصم 35% على قطع غيار!!! قلت ما شاء خصم 35% وبعدين قلته غير آيل وفلتر بس عشان ما أدفع 200 درهم مال الفحص ودفعت مبلغ يمكن 900 درهم عشان الخدمة 100 ألف ويا ريت ما وقعت على ورقة الخدمة ورحت للوكالة وقلت له أبي ورقة أعطال عشان أصلحها برا الوكالة قال ماشي قلته ليش قال قانون الشركة قالته بعد شراء الوالد 8 سيارات من الوكالة في 16 سنة تكون المعاملة بهذه الطريقة والتشيكات الى 80 ألف كانت في الفطيم مال السيارة!! سكت الموظف وحاول يشرحلي المواصفات صيانة قلته السلام عليكم،،دقيت سلف ورحت دينا تريد وبصراحة موظفين احسن صيانة أرخص وشرح للمشاكل بطريقة أفضل وأبسط وبعدين غير الأشياء وخذ عني 3800 درهم ..
لكزس رحت وكالة الفطيم للتغيير السفايف قال 1100 درهم بعد الخصم قلت ليش قال أنها سيارة غالية ورحت لدينا تريد وبدلت على 650 درهم..
بغيت أخذ الكامري رحت الفطيم قال السيارة على 89 ألف للرقم 2 و79 ألف درهم للرقم 3 وطلعت من عنده ورحت بهوان اللي عطاني رقم 2 76 ألف درهم ورقم 3 65 ألف درهم ورقم واحد على 83 ألف درهم وخذيت كامري من بهوان…
اللحين بعد هذه مواقف حد منكم بيروح الفطيم؟؟؟
السلام عليكم ورحمة الله وبركاته
جزاك الله خير على المعلومة
بس نحن مانتكلم عن اشخاص معيننين
نحن نتكلم عن الوكالة بصفة عامة كخدمة
الرجاء الابتعاد عن الاسماء
ماجد الفطيم غير عبدالله الفطيم ….. عبدالله الفطيم هو صاحب الوكالة
السلام عليكم ورحمة الله وبركاته
الرجاء من الاعضاء عدم التجريح عشان نوصل لفايدة من الموضوع وعشان ماينحذف الموضوع
اكتبو عن تجاربكم وسلبيات وايجابيات كل وكيل
تجربتي
انا من عشاق التويوتا اشتري سيارة بمعدل سيارة كل سنتين
طبعا كل سيايري اخذهن من بهوان لانه وارد بهوان رملي حجري
+مواصفات افضل واكثر
+خدمة ممتازة من المعرض اللي الصيانة
+سعر افضل للبيع
+وجود قطع غيار في السيارة للخدمة القوية او هيفي ديوتي heavy duty مثل السفايف والجامبينات او الريش للكروزر البك اب
+الفطيم 7 ريش بهوان 12 ريشة وغيرة من المواصفات
اخر سيارة خذتها الاسبوع اللي طاف كروزر بك اب وارد بهوان مواصفات حلوة وسعر منافس
الفطيم
خذت منهم سيارة وحدة وكنت مجبور اخذها عشان اللون
السيارة اف جي
اللون بيج سيارتي ثاني سيارة بيج تنزل عند الفطيم الاولي خذها شيبة منصوري الله يحفظة
شهر 12 سنة 2007
اتصور دافع مبلغ حجز 60 الف درهم وخذت ورقة الحجز ورقم الشاصي وكل شي
وعدوني بوصول السيارة من دبي لبوظبي ثاني يوم المهم يوم سرت
طلع لي مدير جنسيتة مصرية وقال اسف ياسعيد السيارة راحت عليك و و و و رووح خذ فلوس الحجز
انا من النوع اللي اصارخ باعلى صورت لدرجة الشو روم كلة وقف يطالع
عقب الهزاب والصراخ
قال خلاص خذ السيارة
القهر السيارة واقفة ورا المعرض مغسلة وجاهزة بس شكلة المدير حد راشنة ب 2000 درهم عشان يسحبها مني
وسلامتكم
قرقرنا وايد
بهوان افضل من الفطيم
السلام عليكم ورحمة الله وبركاته
اخوي خذ ستيشن من عند الفطيم ومن اول يوم الجير خربان … عافانا الله .. حتى ونحن نعطيهم بيزات يغشوننا