السلام عليكم ورحمة الله وبركاته
خلونا نسوي مقارنة بين الفطيم وبهوان من ناحية الخدمة والسعر ونشوف منوة افضل
اكنب تجاربك والمواقف اللي سارت معاك
انا اشجع وافضل بهوان لانة الافضل من ناحية السعر والخدمة
79 thoughts on “مقارنة بن بهوان والفطيم(تويوتا) -اسعار تجارب مواقف”
Comments are closed.
من سنة ونص تقريباً اشتريت تويوتا للحرمة
في البداية كنت ناوي أشتري السيارة من الفطيم (لأنه منا وفينا)
سرت الوكالة ولفيت على السيارات وتميت واقف تقريباً 10 دقايق أبا حد يقولي “السلام عليكم” على الأقل لكن ماشي
سرت أنا ورزيت بويهي عند واحد من الموظفين
طبعاً مافي حد عنده ، لكنه مسوي نفسه مشغول بالكمبيوتر
سألته عن سعر السيارة اللي أباها
رد علي بدون نفس وبدون ما يلتفت صوبي حتى : 109 آلاف
طبعاً أنا شفت الإسلوب قلت مافي داعي أسأل عن مواصفات أو أي أسئلة ثانية
لكني تجرأت وسألته : هل السعر هذا نهائي ؟
إلتفت لي بطرف عينه ، مع إبتسامة استهزاء مرسومة على طرف وجهه
وقال : هو في سيارات أصلاً ؟
قلت له : شكراً وفي خاطري أقول (مع إنك ما تستاهلها)
طلعت من عندهم على مكتب بهوان في النادي السياحي
استقبلني واحد اسمه (أنكت)
ما خلا بروشورات ولا كتالوجات إلا ويابها لي
طبعاً مع النسكافيه
وعطاني سعر أقل من الفطيم بـ 3 آلاف درهم
ولو خذت لون ثاني غير الأبيض كنت بحصل خصم 5 آلاف تقريباً
وطبعاً السيارة توصلك على الريكفري لباب بيتك إذا تحب
بعد هذا كله ، ما طلعت من عندهم إلا وأنا مخلص كل شي
عن نفسي بشتري من بهوان حتى لو كانت أسعارهم أغلى من الفطيم
انا بقول لك السبب
لأنة عندك سيارة تويوتا وارد الفطيم
صااااااااااااااااااااادوة
والله مادري شو اقول عن الفطيم
غير انه يبا حد يصلبهم من راسهم العود فدبي لين تحت
والأمور طيبه
=======
الفطيم أوكيه بس يرفعون لك الضغط والسكري حبتين
الا اذا عطيتهم العين الحمرا ودخلت عالبوس مالهم سواء مدير قطع الغيار او مدير الصيانه بيخلص امورك ودسكاونت وغيره
========
يعني اتصورو جير سيارتي منزل فالوكاله ومحطووط من كم اسبوع
المهم الحبايب قالولي اسير أدور القطع الي تركب عالجير لانهم مسوين سيرش عالسيستم على وكالات الفطيم الي فدبي وبوظبي ومش موجودات هالقطع المهم … قالولي بيسون لي طلبيه عليهن من اليابان وبيتأخرن شهر وشوي .. والمبلغ الي بدفعه حق الطلبيه كان دبل .. المهم وايد معاملتهم مب لين هناك وانا اخليهم يخورطوون عليه لين مايقولون بس عسب أولف عليهم يوم جافوني مليت منهم ولا بسوي طلبيه ..
قالولي اسير البهوان واجيك هناك.. وسرت عند الجماعه البهوان وحصلت القطع بس مب كلهن وخذيت الاسعار ورديت عالجماعه
وقبل لاارد عالجماعه خبرت الوالد بالموضوع … وقلنا فووقه لين مدير قطع الغيار
دشينا عليه عرض ومسحنا فيهم بلاط الأرض وقالنا الهنيدي خلاص سيرو الكونتر
المهنده الي عالكونتر كلهم متنافضين وسوولنا الطلبيه وخذيت القطع كلهن وبأرخص عن البهوان
وبدل هالشهر وشوي الي قالي اياها
وصلن القطع بـ اقل من 15 يوم
=============
لا لا اسمحلي مب جشع وطمع ههه
لانه يعتقدون كل مواطن اماراتي عنده بير نفط فالبيت هههه ولا غلطان؟
السبب مجهول