الرجاء محد يكون متعصب كل شي بالعقل بس خلونا نقارن ماراح نخسر شي
الكزس الباترول الجديد
1- المحرك 5700 360 حصان المحرك 5600 400 حصان
2- القير 6 نسب القير 7 نسب
3-اوضاع القيادة شارع ورملة اوضاع القيادة شارع رملة جبال ثلوج
4-الجنوط 20 الجنوط 20
5- اليتات عادي اليتات زينون
6- فتحة يو اس بي+6سيدي فتحة اي بود ويو اس بي وذاكرة 9 جيجا و 6سيدي
7- الثلاجة تفتح طرف واحد الثلاجة تفتح طرفين امام وخلف
8-شاشة ترفيه واحدة شاشتين ترفيه مع سماعات بلوتوث لكل شاشة
8-الشكل الخارجي عائلي الشكل الخارجي شبابي
9- الداخلية الكزس 9من10 الداخلية 8من 10
10-الدبة تفتح وتغلق كهربائيا الدبة تفتح وتغلق كهربائيا
11-ثلاث كميرات خمس كميرات
12- رادار امامي ردار امامي ورادار علوي لحفظ المركبة في مسارها
13- السعر 360 الف السعر 260 الف
ولااحد يقول شوف السعر لما تجي تبيع لازم تكون الكزس اكثر لانك دافع 100 الف زيادة
من وجهة نظري الباترول الجديد للاسف تفوق على الكزس وهذي هي الحقيقة

98 thoughts on “مقارنه بين الباترول الجديد والكزس”

  2. مع اني من عشاق الباترول بس الحق ينقال , اللكزسس موتر عملي وماعليه كلام لكن ياه من يكسر راسه
    أبا ناس تتكلم بحقايق مابا واحد يقولي ذوقه

    -لاتقولون لي النيسان بينباع برخيص وماعرف شوه , الموتر بعده مب موجود فالوكاله وينباع بأغلى من سعره

    -والي يقول اللكزس جيك فمخباك , اول شي انته يوم ماعندك بيزات وتبا تضمن سعر موترك عقب ماتكرفه (مد ريولك عقد لحافك) وحتى الفتك الجديم سعره مب طايح بس طبعا في فرق لصالح اللكزس بس حط فبالك انه النيسان ارخص

    – النيسان موتر عملي والكل يشهد , شوف كم نيسان جديم فالبلاد وكم اسعارهن وكم استيشن جديم اقصد موديلات التسعينات كرت الاستيشن امبونه طايح ماطاح الا انبطح

    -اللكزس من سنة 2000 لين اليوم مب عارفين يحطولها زنن فالليت العادي
    عطوني موتر فوورويل فخم مافيه زنن ؟ الرنج الاودي البورش والفتك طبها من سنة 98 لين يومك

    -هل الموتر بيكون فيه خرابات؟ النيسان من سنه ونص موجود فالبلاد يعني موجود من الصيف الي طاف والموتر مجرب الف مره قبل لا ينزل ولا تنسون الموتر عليه ظمان

    شباب الي يقولون شكله مب حلو وماعرف شوه ترااه الاستيشن اول ما طاح خلق الله ذمته وانا اولهم وألحين يازينه أحس شكله رزه , يعني النيسان يمر فنفس الحاله

    فالاخير الموتر أقوا أفخم أحلى وأرخص من اللكزس

    عيل نيسان شوووو خلت حق نسخة الانفنتي الي أكدو انها بتنزل , نفس حجم الباترول بس انفنتي

    ماقول غير عليها العوض اللكزس & الاستيشن

    وداعا تيوتا

  3. استغفر الله العظيم

    صلوا على الرسول -صلى الله عليه وسلم –

    كرة قدم بيضاربون ، سيارات بيضاربون ، اكل بيضاربون

    لا حول ولا قوة الا بالله

    ليش جذا يستوي لانه الشيطان -لعنة الله عليه- يدخل بينا

    كل واحد الحين يتعوذ من ابليس عن الي قاله

    أعوذ بالله منك يا أبليس

  4. هههههههههههههه

    طماشه كل واحد جنه يدافع عن حرمته مب حديد ههههه

    بعدين المقارنه وقت ماينزل الموتر مب نيي نقارن ونحن بعدنه ماجربنه الموتر
    عمرها ماصارت هذه
    يعني نقارن شكليا بس والباقي بعد التجريب

    بعدين النيسان من متى صار فخم؟ توهم فكرو فيه ههههههههه وعلى ذلك طايحين مدح حسسوني انه بنتلي صار هالسنه ههههه

    هي مسأله عناد ترى واقعيا مب مسألة مقارنه

    يعني عادي تحصلك واحد مقتنع باللكزس بس عنااد اييك يقولك لا والله مب زين لا والله البترول افضل

    ويستمر الدفاع عن النساء الحديديات هههههههه وشكرا لحسن استماعكم

Comments are closed.