مقال هذا هو الخليج “تعالو شوفوا شو يكتبون عنا عقب ما ياخذون خير بلادنا

19 thoughts on “مقال هذا هو الخليج “تعالو شوفوا شو يكتبون عنا عقب ما ياخذون خير بلادنا”

1. كل الكلام المذكور اعلاه صحيح وما في داعي للمجاملات .

2. اشوفه خلى بلاده وعاش 33 سنه عندنا فالخليج وعاش عيشه ما يحلم فيها في اي مكان فالعالم ….شو اللي جابرة يعيش عندنا ما دام انه ينتقد؟؟؟ لكن هاي المشكله ياخذون الخير وينتقدون …انا متاكد في كثير منهم لين الحين عايشين على خير بلادنا سواء كانوا اجانب من دول اجنبية او اسيويه او افريقيه او حتى دول عربية ومع الاسف ما يحمدون ربهم على النعمه اللي محصلينها عندنا …..

3. بغض النظر عن الكاتب ان كان انجليزي او عربي او مريخي المهم الريال مركز على مواضيع بالفعل صايرة في مجتمعنا ولكن مسولها شوية تكبير عشان الناس تلاحظ هالاشياء بشكل واضح وانا اقول الحمدالله انا في دولة قدرت تنظم بعض الأشياء مثل التنظيم الالكتروني للجمهعور في مراجعات معظم المؤسسات وانتوا كلكم تذكرون كيف كانت المشاكل قبل على الكانترات …

   أما اللي يبا منكم يشوف كيف احترام الاشارات الضوئية يجرب يزور بعض الدول الخليجية وبيشوف كيف الريال في هالمقال مقصر في وصف هل الخليج واحترامهم لاشارات المرور…

   وبخصوص النقطه اللي يقول فيها ان لم تعد من الخليج مليونيرا فلن تتمكن من ذلك في جميع دول العالم فهذا وصف بسيط لمحفظة البوم وابو ندبه وباجي المحافظ الوهمية والمشعوذين والنصابين اللي يوهمون الناس انهم رابحين ملايين وفي الآخر يخلونهم على الملاليم والجرايد كل يوم تشهد..وغير وغير وغير الريال صادق في اللي قاله بنسبة 200 % وإذا تبون تشوفون وتتأكدون أكثر دشوا على اليوتيوب وسووا بحث عن (الزئبق الأحمر ومنها دوروا في المواضيع اللي تخص مكاين الخياطه وشوفوا كم الريال صادق في وصف هل الخليج)

4. الي ذكره سطحيات .. وموجوده في كل الشعوب .. تقل وتزيد على حسب العوامل ..

   انا عايش في بريطانيا حاليا .. وتعالي شوفوا الشعب الراقي .. هه

   الحمـــدلله علـــى نعـــمه الاســـلام .. اقولها مــن خاطري والله

   واظني يتمنى اليوم قبل باجر يرد الخليج ..

Comments are closed.