السلام عليكم ورحمة الله وبركاته
انا حبيت اعرض موضوعي عن حد منكم يصير له نفس الشي وينصبون عليه
اتصلو فيني من مكتب سفريا بعجمان ( بن جبر للسفريات ) احزروووووا يا ناس
اتصلوا فيني يمكن اكثر من 8 مرات لين ما سحبوني عندهم . واستقبلوني احسن استقبال
حوالي 3 ساعات وهم يعطوني احلى واحلى الاغراآآت عشان ادفع وقالوا لي اتسافر معانا ببللش
وغيره من الاشياء الفضيعه الي حتى لو قالوا لك اشترك معانا 50000 تشترك واتقول ببلاش
المهم سهلوا علي العرض من دفع مبلغ 21000 درهم الى 4000 والباقي قلوا لي اقساط 1000 وقلت ما اقدر وقالوا 500 ولين 250 خلوها لي بس عشان ادفع .
المهم دفعوني مقدم 8400 درهم . واليوم الثاني اتصلت فيهم وقلت لهم بسافر
وظهر الكلام اللي سمعته كله كذب ونصب واحتيال .. المهمم خذوا عني ال 8400 ومع السلامه
وكل ما اراجعهم يخلوني في الرسبشن ولا حد يعبرني . واذا اتصل يخلوني على اللاين . وين هاك الاستقبال يوم الدفع . شوفولنا حل مع ها الشركات يا عالم . الكل ساكت عنهم .
واتمنى حد يساعدني . وانا صدقوني مب عشان ال 8400 . صدقوني باذن الله اول ما يرجعونه
لي ادفعه لجمعية الاعمال الخيريه . والسموحه منكم طولت في الموضوع
ههههههههههه
والله ضحكت من خاطري على الموضوع
في يوم من الايام سوولي تلفون وقالولي ربحت معنا تذكرة على اي وجهه في العالم قلت زين يوم ربحت شي …
قلتلهم وين مكانكم ..قالولي مكانا في الشارقة -شارع التأمينات
وجان البس كندورتي وطييير <—– طبعا الي ترمسني بنية تتكلم وهي تتدلع
المهم وصلت للمكان المذكور ….وفي الاستقبال وحده سودانية ^_^
وجان تيني هذيج الجميلة وقالتلي تفضل معاي ^_^
المهم قعدنا على طاولة حلوة وفيها عصير <—- طبعا اول ما وصلت خلصت العصير وانا اشرب …..
المهم دخلنا في الموضوع وقعدت تشرح وعطتني المواصفات والاسعار … والتخفيضات ….
المهم عقب ما خلصت كلامها …
قلتلها وين الهدية !!! قالتلي موجوده عند الاستقبال قلتلها حلو
المهم قالتلي ما يتشترك قلتلها انا هاي السنه ما بسافر وجان اضحك في ويها ….قالتلي على راحتك وهذا رقم تلفوني ؟؟؟
المهم وانا طالع تتوقعون شو …..
شافوا مني ماشي فايدة ينصبون علي وانا بعيوني شفت واحد كشييييييييخ يالس في الطاولة الي حذالي ووياه وحده لبنانية حلوة وكاشخه والحبيب مطلع بوكه ودافعلهم دم قلبه ….
وانا من هناك ميت قهر ….. المهم نرجع لسالفة السودانية الي في الاستقبال وانا طالع زقرتني قالتلي ما تبي الهدية قلتلها امبلا
قالتلي ادفع امية هههههههههههههههههه قلتلها ليش هب مجانية قالتلي لازم تدفعها ….
قلتلها خلي الجائزة المجانية لج ما اريدها ….وطلعت عنهم
المكان هذا كله نصب في نصب وين الحكومة عنهم ؟؟؟؟
ومن هناك ولا طشه حرامية وينصبون على الناس …وين الرقابة عنهم …معقولة ما يعرفون بسالفتهم مستحييييييييل …ز
ما اقول غير حسبي الله ونعم الوكيل ….
حسبي الله ونعم الوكيل
اخوي نصيحة لك اذا بتحجز احجز من النت اضمن و ارخص
حسبي الله ونعم الوكيل فيهم
بس عندي سؤال
هذيلا هم نفسهم اللي ايونك فالمولات يقولولك نحن بنسفرك ببلاش بس عليك تخبر ربعك عن السفره بعد ما ترجع .. ؟؟
طبعا ما انسويلهم سالفه
يقولولنا سيروا الشارجه وهناك المكتب واستلم التذاكر ومن هالكلام
بس هم نفسهم ولا غير ؟؟