مكرمة رئيس الدولة حفظه الله

40 thoughts on “مكرمة رئيس الدولة حفظه الله”

1. الف مبروك

   وعقبال موضوع القروض السكنيه اللي ظاربين عليه مخفي شااااامل من سنتين !!!!!!

   بس ان شاء الله خير الواحد لازم تم متفائل

2. الله يطول عمر بو سلطان ….خيره مغطى البلاد كلها

3. عقبال باقي الإتحاد

   عدنا في عيمان إذا تطالب بعد ما تلوع جبدك يعطونك 80*80
   وما يطيعون يملكولك إياها يقولولك ملك لحكومة عيمان مع إن من حق المواطن أراضي صناعية – زراعية – سكنية – تجارية
   وأنا كملت 30 سنة في عيمان ما حصلت طاولة كيرم

   الله المستعان

   خخخخ … الله يعينك ..

   ترى كل اماره لها قوانيها الخاصه ..

   مثلا ابوظبي اذا مب متزوج ما بيعطونك أرض .. (طبعا نستثني الواسطات هنا و نتكلم عن الاشخاص العاديين) في الفجيره أعتقد نفس الشي .. و بالنسبة للبيت الشعبي ما بيعطونك الا اذا عدد أفراد الاسره 5 فأكثر في بوظبي .. طبعا تختلف المده .. في ناس تتريا سنه و تحصل و في ناس تتريا 10 سنين و في ناس تتريا 20 سنه فأكثر

   قانون الشارقه يقول من يكمل الولد 18 على ما أعتقد (أو 21 يمكن) يحق له التقدم بالطلب لأرض سكنيه و لازم تبنيها خلال فتره معينه و الا تنسحب منك و تعطى لغيرك …

   قانون دبي لا يشترط الزواج بس ما أدري اذا الارض تنسحب أو لا ..

   قانون راس الخيمه لا يشترط الزواج على ما أعتقد ..

   أما بالنسبة للمساحات و الموقع و المميزات فانت و قوة الواو اللي عندك
   __________________

4. عقبال باقي الإتحاد

   عدنا في عيمان إذا تطالب بعد ما تلوع جبدك يعطونك 80*80
   وما يطيعون يملكولك إياها يقولولك ملك لحكومة عيمان مع إن من حق المواطن أراضي صناعية – زراعية – سكنية – تجارية
   وأنا كملت 30 سنة في عيمان ما حصلت طاولة كيرم

   الله المستعان

5. احم احم
   بدون مجاملة ..عقبال الامارات الثانية انشالله
   بصراحة شيوخ بوظبي ,دبي والشارجة وانعم فيهم ومهتمين في امور الشعب جزاهم الله خير ..
   وبعض المناطق عندنا الناس حتى متر في متر ما محصلين من غير ما اذكر المناطق انتو ادرى ..مهتمين فمشاريعهم ووو!!
   والله يحفظ شيوخنا يارب

Comments are closed.