فتحت لقيت مندوب يقولي أنت ربحت معانا تنظيف ( كامل ) للبيت ..!!
قلت طيب وبعدين ..خلصني قولي شو عندك وانت مكانك ؟؟
قال أصبر ياباشا لازم ندخل ننظف لك البيت وبتشوف بعينك الجهاز والي يعمله ..؟؟
قلتله طيب من الأخر قولي قصته وكم سعره وأنا بوفر عليك التعب هذا كله ..!
المهم أصر هو يدخل وينظف ( كل شي ) مجاناً لا وبيعطيني هدية ببعد قيمة ألف درهم ( أغسل أيدك )
قلت بخاطري أنا فاضي وأتريا المباراة بخليه ينظف ويسوي الي يباه وبعدين بصرفه
وقعد يشرح ويبربر واااااااااايد وأنا أقوله خلصني خلصني أنا ما بسمع تاريخ الشركة وهالحركات طول اليوم ..!!
ولااااااااااا كأنه يسمعني شو أقوله مصر أنه يتكلم كأنه كمبيوتر مبرمج على كلام واسئلة ويحاول يحرجك وان بيتك فيه وفيه وأن الجهاز هذا السوبرمان الي بينقذك من الكارثه الي أنت عايش فيها ولا أنت تدري
وأنا مطننننننننش
ويطلعلي العده وهو يقولي أنت أول زبون افتحله العده ( ومن هالخريط ) وهالجهاز من شكله لف على كل البيوت
ليييين وصلني للفراش مال الكرفايه وركب قطعه وشفط من الكرفايه وطلع غبار في الفلتر عنده وقالي شوف ياباشا هذي حشرة أسمها عثة الغبار (DUSTMITE) ( ويراويك صورتها المرعبه عنده )
ويقولك هذي حشرة أنت ما تقدر تشوفها لا،ها مكبره ألف مره وفي ملايين بفراشك ترضى أبنك أو حد من أهلك ينام على هذي الحشرة ..؟؟
( وكل شوي يقولك ترضى وترضى على أهلك )
المهم قلتله المفروض تييب وياك مجهر عشان تراويني كيييييف جهازكم الجبار يقتل أو يشيل هذي الحشرة فسكت لأول مره وما عرف يجاوب ..!!!
وقلتله هالحشرة تقلتلها أشعة الشمس فقط وبلا هالأفلام ..!!
والحبيب غير الموضوع وقالي طيب تخيل جهاز بهذه المواصفات كم سعرة مقارنة بسعر شركة ( كيربي ) الي ب 11000..؟؟؟
وقالي جهازنا بـ ( 9700 ) درهم بس تخيل ..!!
قلتله جهازك غالي وما أحتايه فأنصدم الريال وفي الأخير شاف مافي فايده وأنا ( معند ) أتصل على مديرة ومديره ومديرة على طول وصل ( سبحان الله ) وكأنه واقف على الباب ..!!!
وورد مديرة يعيد لي القصة ( بأحترافية أكثر ) ويحاااااااااول يقنعني بكل الطرق وكل السبل وأنا معنننننننننننننننننند
وقلتله أنتوا بديتوا بكذبه أنكم بتنظفون البيت كامل مجانا والي شفته بس عرض بسيط وقلتوا هديه بالف درهم وأنا فتحت النت جدامه والناس تسب في جهازهم وفي ضمانهم ( الي أونه 15 سنة )
وقلتله أنتوا ناس تعتمدوا على ( إحراج الناس ) بكل الطرق لتسويق بضاعتكم وتعتمدوا مبدأ الضغط للبيع وكأنه غصب طيب الواحد بيشتري منكم وأنا على قناااااااعه أن هذا الشي ما يفيدني وايد
لأن شركة تنظيف منزليه ما تكلف 300 درهم في الشهر
أو حتى شراء جهاز أقل مواصفات وبسعر أقل بعشر مرات من جهازكم ..!!!
وعلى العموم أنا أحذر من التعامل مع هذه الشركات وأدخالها البيوت خاصة لربات البيوت الي أعرف أن الأغلبية ما بيتحمل الضغوط والأحراج وحركات النص كم لهذه الشركات ومندوبيها ( بياعين الهوا )
والمنتج موجود في النت الي مقتنع يتصل عليهم وبيوونه ركض أسرع من أبو الحروف
والله ولي التوفيق
والله انك ما قصرت فيهم..
ههههههههههههه
ذكرتني بمكنسه كيربي على ايامها
من سنين ماذكر اي سنه
المهم وصلو الجماعه
وهالخريييييط
قلنالهم يالله غايته
نظفولنا نص الميلس هههه منه بالماي ومنه بالعطر ويعطونا من الصواريخ الي عندهم
اونه مكنسه الكيربي مكينتها نفس مكينه طياره
عقب قبضناهم الباب
ههههههه الله يعينك يالحارثي على بلواك
أنا ما قولك أن مامنه فايده أبد ..!!
بس بصراحه أنت جربت وشفت الجهاز قول جم يسوى سعره ..؟؟
وهو جهاز ممكن تلاقيه في المحلات المتخصصه وبسعر أقل بكثيييييير بس الفرق أن هالجماعه يسون دعايه بطريقه مستفزه داخل البيوت ويعتمدون على أحراج الزبون جدام اهله
وكل شوي يسألك يهمك حياة وصحة أهلك ولا لا ..؟؟
وكأننا للحين عايشين بفضله ..!!
ومن هالكلام الي لو تفكر فيه خمس دقايق بعد ما يقوله بتعرف أنهم بيااااعين كلام فاضي
والدليل أن الأغلبية ندمو بعد ما تورطوا فيه صح ولا لا ..؟؟
تحياتي للجميع
صدقك أخوي مصمم في أمور لازم نحتكم فيها بالعقل يعني بالمعنى الاصح يكون ويهك لوح
ما يمشي الا اللوح في هذا الزمن
شـكــ وبارك الله فيك ـــرا لك … لك مني أجمل تحية .
انا اشتريت هذا الجهاز من 5 شهور هو اوكيه لاكن سعره شوي غالي وعلى فكره ترى صح ضمان 15 سنه لاكن في رسوم تجديد الضمان يعني اول 3 سنوات بس وبعدين في رسوم كل 3 سنوات اعتقد 150 درهم ما اذكر في الورقه مكتوبه انا اخذته لاسباب اول سبب الاحراج هههههههههههه وثاني سبب الضمان لاكن تفاجات انه في رسوم للضمان يعني كله فشنك وثالث شيء انه ما حصلت نفسه جهاز يمسك الغبار بالماء كله قماش و دفع الهواء قوي وسحب الهواء قوي بعد ويمكن ميزه حلوه فيه تحط عطر وتطلع ريحه حلوه يالله هذي دعايا للجهاز لانى شبه متورط فيه ههههههههههههههههههههههههههههههههه