السلام عليكم ورحمة الله وبركاته ..
اشحالكم يا الربع .. عساكم بخير ونعمة ..
عندي استفسار واتمنى انكم ما اتقصروون وياي يا اصحاب الخبرة ..
انا عندي نيسان 97 وكان عليه مكينة 4200 كاربيتر .. والحين ناوي ابدل المكينة بس محتاااااااار شو ابدل .. بين 3 مكاين ؟
1. مكينة 4200 انجكتر .
2. مكينة فتك 4800 .
3. مكينة استشين 4500 .
شو الاحسن والايجابيات والسلبيات لكل مكينة وبشو تنصحوني ؟
انا الصراحة خاطري في مكينة فتك 4800
واذا ركبت مكينة الاستشين هل بتعدي فحص المرور ولا لأ ؟
واتمنى اتفيدوني بالاسعار اذا ممكن واحسن الكراجات من حيث الشغل والسعر ^_^
والسموحة على القصة الطويلة والمغثة 
مشكور اخوي على الرد .. شكل الواسطة تلعب دوووور بعد بالفحص ..
اربيعي يقوبي ان اربيعه سجل نيسان بمكينة استيشن ..
ما قصرت يا بوحمده ^_^
مشكور وما قصرت … وفي شباب نصحوني مثل ما نصحتني فيه مكينة نيسان 4500 انجكتر ..
بس مثل ما قلت اسعار مكينة الفتك وااايد غالية … انصدمت الصراحة بالاسعار ..
واكيد سمعت عن سكراب جوي اللي في الذيد .. الصراحة اسعار مبالغ فيها ..
والله المستعان واشكرك مرة ثانيه على المرور والرد الجميل ^_^
. مكينة فتك 4800 .
تمشي فالمرور
يمدحوها مكينة الأرمادا
إذا تركب مكينة من شركة غير ما تمشي في مرور بوظبي
يعني لو عندك استيشن تركب عليه مكينة نيسان ما يمشي
بس استيشن تركب مكينة كورولا عادي
انصحك بمكينة فتك لانها الاقوى من اللي ذكرتهم
والشي الثاني تمشي في الفحص
اما الاستيشن ما بيمشي في الفحص
بس مكينة الفتك بشكل عام غاليه وايد
انصحك بمكينة نيسان 4500 انجكتر بتكون قويه
انا مركب على نيساني وما شاء الله قوية واسعارهم حلوه ما تتعدى 10 الاف
وبالتوفيق يا اخوي