ملاحظه على سهم اعمار

السلام عليكم .. يا جماعة الخير .. عندي أخبار والله أعلم لكن سمعتها من شخص تقدر تقولون أنه من الهوامير في هذا المجال .. أن سهم أعمار قاعد ينزل لأن كبار المستثمرين قاعدين يشترون الأسهم وهيه نازله .. وضربت السهم بتكون في بداية شهر 9 والله أعلم .. أنا بالنسبه لي أملك 5000 سهم ولا ببيعه حتى ولو نزل .. أنا من سكان دبي .. وأشوف مشاريع أعمار .. مستحيل يكون نزول السهم جذيه .. إلا ورى هذا الشيء هوامير كبار .. إلي حاب يشوف شو أعمار قاعدة تسوي تدخل موقعها وشوف http://www.dubaidb.gov.ae المهم هاي وجهة نظر ومعلومه سمعتها .. ولو تنظرون أعزائي أن بنسبة 60% من المستثمرين هم يبيعون ويشترون على المويه يعني شاف سهم أعمار نزل قال ما فيه أخسر وايد خلني أبيع .. ويوم يشوفه يرتفع قال خلني أشتري وبكل الحالتين خسران .. لأن الوسيط يستفيد منك في المشري وفي البيع .. يعني لو تحسب فايدة الوسيط في المشترى والبيع بتشوف عمرك قاعد تخسر وأنت ما تدري .. ومتوسط فايدة الوسيط هيه 5 دراهم على كل 1000 درهم .. يعني لو إشتريت بـ 10000 درهم الوسيط بيأخذ 50 درهم .. بس أنت إحسبها أن مستثمر صغير يعني تشتري ما بين 5000 و 30000 ألف درهم وربحك هذا لو ربحت ما بيتجاوز 600 درهم .. إحسبها بعملية بيع أو شراء صارتلك وبتشوف الفرق .. المهم نصيحتي للمستثمرين الصغار .. أنهم يدخلون موقع الشركه ويشوف شو جديدها وشو مستواها ومن ثم يشتري .. ولا يأخذ بكلام فلان وفلان .. لأن فلان على قولتهم هوه واحد منهم من المستثمرين الصغار يعني إشترى وقال لربيعه إشتر لأنه بيرتفع ..
وإسمحولي على طول الرساله .. أتمنى الرد على هذا الموضوع والإستفاده