ملخص آخر نتائج الدوريات العالمية ( الإسباني-الإيطالي-البرتغالي-الإلماني-الفرنسي )

9 thoughts on “ملخص آخر نتائج الدوريات العالمية ( الإسباني-الإيطالي-البرتغالي-الإلماني-الفرنسي )”

1. اشكرك شكرا جزيلا يا اخي ولكن في عتف بسيط ليش ما تحطي الدوري الانجليزي رغم انه انتهى

2. أخــــبـــار دســــمـــــة ويـــســـلــــــمــــو عـــلـــــــى الـــمــــواضـــــيـــــع

3. بسم الله الرحمن الرحيم

   الدوري الايطالي …… (((( البطل الانتر ))) وهاي البطولة رقم 15 للانتر والبطولة الثانية على

   التوالي بعد ما فاز ببطولة الموسم الماضي فالمحاكم بعد ما انسحبت من نادي اليوفنتوس ..

   الدوري الايطالي باقي على نهايته جولتين والدوري خلص حسابيا قبل 5 جولات من نهايته يعني

   قبل 3 اسابيع واقعيا الدوري كان منتهي من نهاية الدور الاول الانتر كان ماكل الاخضر واليابس

   ومحد قدر يوقف جدامه الانتر هالسنة كان قوي جدا فالدوري بس مع الاسف كان ضعيف فدوري ابطال

   اوروبا فقد خرج من دور ال 16 بعد تعادله 2-2 و 0-0 مع فالنسيا الاسباني يعني طلع بدون ما

   يخسر بس قياسا لمستواه فالدوري كان متوقع يوصل لابعد من الدور ال 16 فلادوري االانتر هزم

   الكبار كلهم وحد قدر ينافسه في بداية الدوري باليرمو وروما كانو منافسين لكن بعد مروم 6 جولات

   وضح تفوق الانتر عليهم …. الانتر كان قوي هالسنة فالدوري لان كان عنده دكة احتياط ممتازة

   الفريق فيه عدد كبير من النجوم الي ممكن يلعبون اساسيا فاي فريق اخر .. واعتقد ان اهم 3

   لعيبة هالموسم للانتر هم ابراهيموفيتش كريسبو فييرا ………. والانتر هالسنة حقق عدة ارقام قياسية

   على مستوى عدد مرات الفوز المتتالي وعدد مرات الفوز داخل الملعب وعدد النقاط السنة الانتر كان

   قياسيييييييي بس خربها في نهاية الموسم في بطولة الكاس بعد ما توقع الجميع فوز الانتر بهالبطولة

   للمرة الثالثة على التوالي .. والنهائي جمعه وللمرة الثالثة على التوالي مع روما الي حقق مقولة

   ((( الثالثة ثابتة ))) بعد ما خسر لمرتين متتاليتين هالبطولة على يد الانتر بس هالسنة خذا البطولة

   من الانتر بقوةةةة بعد ما فاز في مجموع المبارتين 7-4 وبذلك يكون الانتر انهى الموسم بثنائية

   الدوري وكاس السوبر الايطال

   بجي جولتين على نهايةالدوري الانتر وروما بيلعبون ابطال اوروبا السنة الجاية مباشرة فدوري

   المجموعات ولاتسيو ميلان بيلعبون فتصفيات دوري الابطال .. فيرونتينا صاحب المركز

   الخامس ضمن نسبيا التاهل الى كاس الاتحاد الاوروبي ب 54 نقطة والتنافس بينه وبين امبولي53

   نقطة وباليرمو 52 وهناك ايضا اتلاانتا فالمركز لثامن ب 49 نقطة لمكين اعتقد انه فرصه صعبة

   وف يمعركة الهبوط ضمن ميسينا واسكولي مكان لهم فالسيريا بي وفي صراع كبير فالمؤخرة بين

   الفرق من الترتيب 11 ونازل على البقاء فالدرجة الاولى لان جميع هالفرق لا يفصل بينها وبين

   صاحب المركز ال 18 الا 3 نقاط وباقي جولتين يعني في تنافس شديد على البقاء اما اصحاب المراكز

   الاربع الاولى اعتقد ان مبارياتهم بتكون تحصيل حاصل او اعداد للموسم القادم هالموسم خلاص انتهى

   بالنسبة لهم .. وباقي حسم مسالة الهبوط ومسالة الفرق المتاهلة لكاس الاتحاد الاوروبي …

4. بسم الله …..

   الدوري الاسباني باجي فيه اربع جولات يعني كل شي معقول وممكن تصير تغيرات وايدة …

   التنافس فيه بين العملاقين البارشا والريال .. اقوى فريقين فاسبانيا .. ومن اقوى الفرق فالعالم

   الفريقين ادائهم هالموسم كان متذبذب البارشا بدا بداية ضعيفة .. والريال بداية قوية

   بس البارشا عدل اموره وتحسن مستواه بس الريال مستواه نزل.. والفريقين ودعو ابطال اوروبا

   فنفس المرحلة.. البارشا من الليفر والريال من البايرن .. والفريقين ودعو الكاس الريال فدور ال16 على ايد بيتيس بعد ما تعادل معاه

   مرتين 0-0 و1-1 والبارشا ودع بشكل (( مذل )) امام خيتافي بعد ما فاز 5-2 .. لكنه خسر الاياب

   4-0 وكانت الصدمة من مستوى البارشا فالبطولتين .. الريال من وجهة نظري ادائه كان سئ فالكاس لكن مقبول فل ابطال البارشا سئ فل

   ابطال وخروجه كان مذل فالكاس … وهذا يخلي الفريقين مع بطولة وحدة وهي بطولة الدوري

   الي يتصدره الريال حاليا مناصفة مع البارشا لكن بفارق الاهداف (( وبفارق النتايج في

   المواجهات المباشرة )) يعني الريال هلسنة افضل من البارشا وانا اقيس كلامي بناء على نتيجت

   مباراتين الذهاب والاياب بين الفريقين الريال فاز فالبارنابيو بال 3 وتعادل فالكامب نو 2-2 وكان

   قريب من الفوز .. ..

   … وفي اخر 5 جولات

   ارتفع مستوى الريال وحقق انتصارات مهمة وما خسرالا مباراة وحدة امام رايسينغ واعتقد ان

   نقطة التحول كانت فالفوز على
   .
   اشبيليا وعلى فالنسيا اصحاب المركرز الثالث والرابع فالمقابل البارشا نزل مستواه فاخر 5 جولات

   فما فاز الا في 3 مبارايت وخسر وحدة وتعادل في وحدة ومستواه كان فالنازل وكان يفوز

   بشق الانفس … المنافسة شديدة والبارشا ما اعتقد انه بيفرط بسهولة فبطولة الدوري الي فاز

   فيه سنتين متتاليتين والريال متعطش يبغي بطولة وما يبغي يكمل 3 سنين بدون ولا بطولة

   الريال محتاج البطولة والبارشا ما يبغي يفرط فيها يعني الفريقين بيقدمون (( المفروض ))

   احسن مستوياتهم في الجولات الاربع الاخيرة الي بتكون مثل مباريات الكؤؤس لا يمكن

   التفريط فيها باي نقطة ولو صار وفاز الريال والبارشا في مبارياتهم الاربع البطولة بتكون مدريدية

   لتفوق الريال فالمواجهات المباشرة يعني البارشا حتى لو فاز فكل مبارياته محتاج خدمة من احد الفرق

   الاربع.. واعتقد ان المباريات الصعبة للريال بيكونون ثنتين الاولى ضد ريكرياتيفو والثانية

   ضد ريال سرقسطة .. فالمقابل برشلونة عنده 3 مباريات صعبة الاولى مع اتليتكو مدريد في مدريد

   واظنان الكل يعرف ان اتليتكو عقدة لبرشلونة وشوفو نتايج لقائات الفريقين فاخر 3 سنين

   بتشوفون ان الافضلية لاتليتكو .ز والمباراة الثانية بتكون مع خيتافي .. الي غلبهم 4 فالكاس

   والمباراة الثالثة بتكون مباراة ديربي برشلونة مع اسبانيول وصيف كاس الاتحاد الاوروبي يعني

   مباريات البرشا اصعب بكثير ( الله يستر )) ..

   يوم الاحد الساعة 10 يلعب الريا ل و 12 يلعب البارشا فهل يسترد البارشا الصدراة بعد منتصف الليل ؟؟؟؟؟؟؟؟

   ولي عودة مع باقي الدوريات

5. يسلمو على الموضوع الحلو الطيب واتمنا منك انك تجدده وتحدث الموضع باخر التطورات .. ولي

   عودة على رواق وبتكلمعن كل دوري حبة حبة ..ههههههه

Comments are closed.