السلام عليكم ورحمة الله وبركاته
أخواني هذه سيارة وارد أمريكا وأوراق جمارك
لكزس ls400 أبيض بيج بدون حوادث وماشي 180000 ميل وبدون تنزيل عداد (طبعاً حرام )
السيارة مطلوب 41000 قابل للتفاوض فقط للحلويين (أبتسامة) السيارة نظيفه واللون له دور في السعر ايضا في السوق وأتركم مع الصور .
وهذا رقمي للتواصل 0555046767
اسم على مسمى محطم الاسعار الفلكيه!!!!!
سبحان الله 700 اف كم صراحه سياره عمليه بس ما اعرف لو احصل سياره ماشيه ها المشي ما اشتريها وسامحوني لأني كل ما اعرض سياره تكون ماشيه فوق 100 الف تطول بيعتها لأن الجو عندنا حار والسيارات ما تتحمل وتبدأ الاعطال تظهر والله أعلم
اعتقد هذي Platinum series عندي وحده ذهبيه موديل 2000 يوم خذتها كانت ماشيه 40000 ميل والحين امشنها 200000 ميل ما شاء الله عليها… بدل تواير وايل وسوق.سياره بكل معنى الكلمه.
طبعا يبالك موتر جديد بس حق المشاوير القصيره والكشخه.
بالتوفيج ياخوي
السياره الوحيده اللي مايعيبها ولا يضرها الممشى اهي فعلا هالسياره
طبعا لي تحفظ كبير على الوارد مادري عنه ولا استخدمته لاكن اتكلم عن الخليجي
اشتريت 98 الله يذكرها بالخير ب 238.000 والله
تمت معاي لحد 2008 ومن اروع مايكون واللي اشتراها يتشكر لي لحد الحين
بعتها ماشيه فوق ال700 ألف ماشاء الله تبارك الله اروع موتر شفته واقتنيته ولو الاقي مثلها اصفار اشتريها بأي سعر شرط تكون خليجي طبعا عموما انا مااذم في الوارد ولا تزعل علي ياصاحب الموضوع
اسأل الله ان ييسر لك امرك ويرزقك
ما شاء الله عروس
موفق بإذن الله … لك مني أجمل تحية .