السلام عليكم ورحمة الله وبركاته

لا تخافون ما اترشحت لمنصب وزيرة الاقتصاد

هو وصلني الترشيح عشان التشكيل الوزاري اليديد بس قلت لهم بفكر وبرد عليكم لووووول

الموضوع كالتالي
لو تكرمتو وتفضلتو ادشون الرابط ويهمني رآيكم وزيارتكم وتصويتكم لشغلي

هو عرض لمشروع ملجأ للحيوانات

.. فكرة بسيطة عن الموضوع بس ..
نحن طالبات قسم الماركتنغ سوينا هالفيديو كشرح لمشروع راح نقوم بعمله وهو عبارة عن مركز او ملجأ للحيوانات طبعا نحن راح نقوم بحماية القطاوة او الكلاب عزكم الله المتشردة والمهملة فالشوراع ونرعاهم ونهيأهم عشان أي شخص مهتم بالحيونات يقدر يتبنى أي واحد منهم ونحن نضمن له رعاية صحية دايمة واهتمام حتى بعد التبني ..
وطبعا ادريبكم ما بتقصرون يا اهل المروة والشهامة والفزعة

وهيلب هيلب آي نيد هيلب

هوسو عالرابط واستمتعو .. دشو عاليوتيوب نفسه لو تكرمتو

واسمحولنا عاد بنعبل عليكم ..

61 thoughts on “ممكن اتصوتون حقي ..”

  1. فكره جميله ونادره وفيها اجر ان شالله

    انزين ماقلتي كيف بتعرفون ان هذا الحيوان مشرد او عنده سكن؟

    يعني مثلا القطاو الي في الشارع والي 24 ساعه من يوم ولدنا وهم مسوين شلل عند درامات الكشره بتعتبرونهم مشردين والا لاجئين والا مقيمين والا شو ؟؟

    ومن بيكون الداعم او الراعي لهذا المشروع لان المشروع محتاج مكان لاقامة الملجأ طبعا شامل الاكل والعلاج والكوادر المأهله للتعامل مع الحيوانات لانه هب اي واحد يعرف يتعامل وياهم ؟

    اذا تبوني ادلكم على مكان للمشردين من الكلب والقطط انا جاهز في مكان مزحوم قطط وكلاب عوائل كامله يتامى ومعاقين وفيهم من كل العاهات ههه

    خبروني والله وقت ماتبدون في البحث اريد اشاركم الاجر

    شلة الانس معزومين على الغدا عند خويهم

    مشرد غدر فيه الزمن ههه

    ان شاء الله هالامور بناخذها بعين الاعتبار في البروجكت والريبورت اللي بنقدمه .. وطبعا اللي احنا انسويه بمثابة دراسة جدوى ودراسة الفكرة من كل جوانبها .. اما سالفة تنفيذ هذا المشروع بنخليه للزمن والله كريم ..

    هذا الفيديو كتعريف بسيط لفكرة المشروع .. والدكتور عنده شروط معينة عشان ناخذ الدرجة الحلوة ^_^

    يزاك الله خير والتصويت لازم يكون بالتسجيل في اليوتيوب مثل ما ذكرت ..

    مشكور وااايد يا خوية

  2. صوتنا…..بالتوفيق..

    انصحج تزورين موقع k9 freinds وتتواصلون معاهم عشان تستفيدون اكثر …متخصصين بهالسوالف وموجودين بدبي

    ::: K9 friends :::dogs, dog, dog shelter, k9 friends, kennel, dog sponsor, kennel club, pedigree dogs,protect and rehome dogs, foster homes,lost & found dogs, vet, dubai, uae, middle east, arabia

    gulfnews : Animal shelter moves to new premises

    مشكووور وما تقصر شيخي

    وانا جفت الروابط وحلو تنظيمهم والمعلومات اللي فيه

    يزاك الله خير

  3. الإدارة موافقة .. وبالعكس نحن تشجع مثل هذه المشاريع والمواهب الشابة والقدرات المتميزة للأعضاء .. وروابط اليوتيوب غير ممنوعة في المنتدى دامها ما تحتوي على محتوى مخالف للدين الإسلامي أو للعادات والتقاليد العربية والإسلامية أو شي مخل للآداب وما شابه ذلك .

    السموحة على الإطالة .. وبالتوفيق إن شاء الله أختي الغر .. والله يعطيكم العافية .

    وصراحة انا اشكر الادارة على هذا التشجيع والاهتمام بالأعضاء.. وأشكرك اخوي العميمي على التوضيح ..

    حتى انا بصوت في البيت
    [/center]

  4. بتتعبون من القطاو

    مادري كم كان عددهم في اخر احصائيه

    بس اتوقع طافوا المليار نسمه

    لكن شي حل للقطاو بيوفر عليكم وااايد

    بما انكم بتتبنون حيوانات متنوعه قدموا القطط كـ وجبه للحيوانات المفترسه

    وانا مستعد اييب لكم القطاو بكميات كبيره مقابل مبلغ رمزي للراس

    وانتوا عليكم الفرم والهرس والتعليب
    __________

    الله يوفقكم يارب

    وتم التصويت

    شو هالاجرام يا مجرم ..
    شو يقربون لك اللي في بريزون بريك

    قطاو وارد اليابان ها جاهزين للتعليب لوووول

    مشكور اخوية بن دبي عالتصويت .. موفق بان الله
    ولكل الاخوان اللي صوتو كل الشكر لكم

    ..

  5. بتتعبون من القطاو

    مادري كم كان عددهم في اخر احصائيه

    بس اتوقع طافوا المليار نسمه

    لكن شي حل للقطاو بيوفر عليكم وااايد

    بما انكم بتتبنون حيوانات متنوعه قدموا القطط كـ وجبه للحيوانات المفترسه

    وانا مستعد اييب لكم القطاو بكميات كبيره مقابل مبلغ رمزي للراس

    وانتوا عليكم الفرم والهرس والتعليب

    __________

    الله يوفقكم يارب

    وتم التصويت

Comments are closed.