السلام عليكم ورحمة الله وبركاته
أخواني وأخواتي بسافر أمريكا للعلاج
سويت عملية في ظهري في شهر 7 في المانيا ومانجحت (عسى الله لا يبليكم)
ورجعت للدولة وطلبت أسافر أمريكا لتعديل العملية الأولى وأتعلم انجليزي (عصفورين بحجر واحد)
المهم والمطلوب هو الفيزا الامريكية كم تاخذ لين ماتخلص
أحسن طيران ودايركت إلى أمريكا .
طبعاً الموافقة على السفر ماطلعت ولا أعرف أي ولاية رايح
المهم شدو حيلكم معايه يعني اللي راح او يعرف حد راح مستشفى عدل ومعروف لا يبخل علينا
القوانين المتبعة في المطارات في أمريكا.
المهم من طقطق لي سلامو عليكو
طبعا اللي يريد شي من أمريكا فاله طيب أول ما أوصل بحط رقم تلفوني والريال اللي بيخاويني
وجزاكم الله خيراً
ودمتم سالمين
—————————
————————–
جزاك الله خير والله يشفي والدتك ان شاء الله…..
وفعلا السفر مباشرة متعب ، كان ف بالي أقول له الطيران البريطاني ، بس الريال طلب يعرف الرحلات المباشرة لأمريكا بشكل عام ، وعلى حسب معرفتي مافيه طيران مباشر لأمريكا من الإمارات إلا على طيران الإمارات.
بالنسبة للأخ القبيسي ، من كلامك أستشف أن الجهة المسؤولة عن العلاج هي اللي بتختار لك المستشفى ، ومن خلال معرفة المستشفى بتعرف المدينة ، فلو فرضنا مثل ماقلت لك قبل أنك يمكن تروح روشستر فعندك مثلا هذي الخيارات :
1. طيران الإمارات ( دبي -نيويورك) مباشر. بعدين مثل ماقال لك المجنون : رحلة داخلية. (طيران أمريكان إيرلاينزز) إلى مدينة روشستر.
2. طيران الإمارات ( دبي – لندن) ثم طيران الإمارات ( لندن – نيوورك) ثم طيران داخلي لين روشستر.
3. الطيران البريطاني ( دبي – لندن ) بعدين (لندن -شيكاغو) بعدين الطيران الأمريكي (شيكاغو- روشستر).
4. طيران الإمارات ( دبي – لندن) بعدين الطيران الأمريكي (لندن -شيكاغو-روشستر).
طبعا الإختيارات مثل ماشفت متعددة ، وأنته يوم بتروح تحجز ، لازم تعرف مدة كل رحلة ، وكم مطار بتمر، وكم ساعة ترانزيت بتوقف ، وشو أفضل الخيارات ، وأعتقد يمكن تسافر على الدرجة الأولى ، فممكن أنك تقارن كراسي الدرجة الأولى لكل طيران وتشوف الأنسب، ترى هالأيام يخبرونك كل شي عن الطيارة والكراسي وحتى الأفلام اللي تنعرض ، ومثل ماقال لك الأخ المجنون لا تسافر إلى مطار نيوورك مباشرة، لكن الخيار يعود لك، وفي النهاية ترى يقول لك أسأل مجرب ولا تسأل طبيب.
السلام عليكم
اخوي انا سرت هالصيف الي فات .. ووديت الوالده .. الله يشفيها .. مدينة بوسطن .. صح انها غاليه بس احسن مستشفيات امريكا فيها .. واذا بتقارن بعد .. احسن مستشفيات العالم على حد قولتلهم .. !!
اما عن الفيزا .. ما خذت 3 ايام مقابله على السريع وكم من سؤال .!!
اما عن الرحلات .. فما انصحك بدايركت .. صدقني بتموت من التعب لا بتقعد 16 او 14 ساعه متواصله .. انا رحت بالبريطانيه .. من ابوظبي.. لندن وعقب ترييت هناك 3 ساعات .. و عقب سرت من لندن بوسطن ..
لا تسير نيويورك وعقب مدينتك بتتوهق .. بالطيران الداخلي .. يعني لازم تنزل الشنط وحاله و تشيكهم مره ثانيه و بهدله .. وصدقني ما انصحك بمطار نيوبورك .. اسمع من اخوك المجرب !!
اذا تبى اي شىء علمني و ان شاء الله بساعدك ..
بالنسبة للفيزا الطبية : المفروض أنها تاخذ يومين بالضبط ، ويعطونك 10 سنين ( هذا اللي حصل معي).
بالنسبة للطيران : يعتمد على وجهة سفرك. يعني مثلا ( طيران الإمارات دبي – نيوورك-دبي ) مباشرة. لكن والله العالم انك بتروح ولاية مينيسوتا – مدينة روشستر – مستشفى مايو كلينينك . يعني ياخوي حتى لوخذت طيران الإمارات مباشرة إلى نيوورك لازم من نيوورك تاخذ طيران ثاني.
بالنسبة للإجراءات – ماأدري بالضبط بس احسب حسابك على التأخير في المطار لمدة ساعة أو ساعتين.
الشر يتعداكم إن شاء الله
ويزاكم الله خير
محد يبخل علينا ياجماعة الخير
ما تشوف الشر والله
والله ما عندي علم
بس اخويه طلعها في اسبوع بس فس ضني عن طريق دوامه