السلام عليكم,
حبيت اطرح الموضوع ليستفيد الي بيسير العمرة في رمضان.
ممكن تحطون اسم الفندق وسعره في الليلة.
واذا حد يعرف وكيل, او اشخاص يقدرون يحجزولك بارخص من سعر الفندق يكون زين.
وشكرا مقدما.
9 thoughts on “ممكن اسعار فنادق مكة في رمضان”
Comments are closed.
جزاك الله خير اخوي الشامسي على الارقام وعلى النصيحة.
اتصلت على الراية للسفريات و بنشوف الاخ خالد بعد ان شاء الله وسفريات البرج وبقارن الاسعار وبحطها هنا ان شاء الله.
الاسعار غالية خاصة بعد التوسعة. السنة الي طافت. كنت محصل الليلة ب 250 عند السوفتيل كان اسمه رتاج مكة وشالوه الحين.
عمره مقبوله ان شاء الله
السعر اللي حصلتيه غالي الا اذا كان مع الفطور لشخصين يمكن
سفريات البرج -ابوظبي-يمكن تعطيك 825 وفي سفريات بتحصلين عندها ب 800 للغرفة الثنائية
انا سكنت في التوحيد قبل فتره بسيطة ب770 مع فطور شخصين عن طريق كويتي اسمه خالد-رقمه موجود
في نفس هذا الموضوع
حاليا الفنادق القريبة من الحرم قليله منها التوحيد والابراج وزمزم وايلاف كنده والماسة والمريديان يمكن
جربوا الراية للسفريات في دبي رقمهم 04-2899685
نصيحه مهمه واكيده –فقط احجز وادفع للغرف من مكتب السفريات
التذاكر خذها من اي مكتب طيران او سفريات مب شرط نفس المكتب الا اذا حصلتهم ارخص او نفس السعر
لا تدفع للمواصلات ابدا —التكاسي والسيارات الخاصة موجوده وفي انتظارك والسعر 150 عادة او 200 للسيارت لعائلية الكبيرة مع اني رجعت المره الاخيرة من مكه الى جده في سيارة جمس يوكن عائلي ب 150ريال من مكتب في فندف التوحيد اما مكاتب السفريت هنيه بتدفعك اكثر من 150
الفطور اشوفه مهم في رمضان فقط اما الايام الثانيه فتقدر تاخذه من المطاعم هناك وارخص الا طبعا اذا كان السعر معقول
تحويل العمله من الامارات اوفر
لا تنسون هذه الاشياء:-
احرام – سجاده – نعال عادي-جديم – مقص – فازلين – كواية صغيره مخصصة للسفر-
عمره مقبوله للجميع
جزاك الله خير اخوي alqnnas_reeal_estate على الموقع.
وجزاج الله خير اختي الغزال الشارد على الحملة.
بس شو كان نوع الغرفة. مثلا استوديو 1 او 2 ولا جناح صغير او كبير.
سألت واحد سعودي عن استوديو 1 في برج زمزم في اول عشرة ايام, قالي 25 الف او اكثر. غالي وايد الصراحة.
انا توني راجعه من العمره ..سكنت في ابراج زمزم وكانت الليله 900 درهم …بس طريق حملة حراء (ابوظبي)