السلام عليكم و رحمة الله و بركاته

اخواني و اخواتي

اتمنى انكم تساعدوني بأفكاركم الحلوة و اهم شي تكون بسيطه على قدي

كيف استثمر 10.000 درهم ؟

بطريقة بسيطة

يعني حتى لو كان في تجارة ..

بس حطوا في بالكم ان يكون هالمشروع ما يحتاي لطلعه وايد

لاني انا ما اطلع وايد

يعني اقدر اخلص شغلي و انا فالبيت ..

و حد يعرف شو المنتجات المطلوبه ؟ و من وين اقدر اييب اغراض بالجملة و تكون مطلوبه سواء للشباب او البنات

او اي مشروع آخر ..

ولا تقولون لي ال10.000 ما تسوي شي !

انتظركم ..

19 thoughts on “ممكن اقتراحاتكم ( 10.000 ) كيف استثمرها ؟”

  1. اذا خارج البلاد منتجات الصين حلوه ورخيصه خذيلج كميه وسوقيها هني والاشياء المطلوبه والمرغوبه اكثر بينا القمصان الشنط الاكسوار جواتي بجايم فساتين اطفال ……….الخ

  2. اختي اقترح عليج شي ..و هو شراء قطعه أرض

    في مناطق مثل فلج المعلا ..و 10 آلاف ممكن

    تييب لج ارض مساحتها 30 *30 ..لان الفوت هناك

    تقريبا 12 درهم ..هذا اذا ما تغير سعره لاني اسمع

    عن فلل تنبي هناك ..

    ها رايي و لج الحريه ..

    دمت بخير

    =====================

    وين ياخوي ماشي أرض في فلج المعلا بها السعر ان لقيت الاسعار اتدبلت عشر وفوووووق الحين اللي يعينا بس

    =====================

    روحي سوق مرشد ونايف فدبي واخذيلج اغراض جملة يعني عادي اللي تاخذينه بدرزن تبيعي الحبة منه بسعر الدرزن اللي خذتيه

    يعني اخذيلج مستلزمات البنات من ملابس وغيرها

    بس ركزي اكثر شي على المستلزمات النسائية لان الرجالية مابتمشي وياج وايد …تعرفي البنات مايصدقن ………

    والسمووووحة منج والله يوفقج يارب.

  4. 10.000 تساوي شي وشوي اختي

    تعاقدي مع خياط يكون شاطر لعمل كفرات لاب توب باشكال مختلفه وبعدها قومي بعرضها بالمنتدى . وهو بيسوقها لك .
    والموضوع ما يكلف أكثر من 3000 درهم

  5. اختي اقترح عليج شي ..و هو شراء قطعه أرض

    في مناطق مثل فلج المعلا ..و 10 آلاف ممكن

    تييب لج ارض مساحتها 30 *30 ..لان الفوت هناك

    تقريبا 12 درهم ..هذا اذا ما تغير سعره لاني اسمع

    عن فلل تنبي هناك ..

    ها رايي و لج الحريه ..

    دمت بخير

Comments are closed.