السلام عليكم ورحمة الله وبركاته
انا حاب اشتري شاحنة 6 ويل واخليه حق الشحن مثل اشحن بضايع من شركة الى شركة
هل لازم اظهر رخصة ؟؟
وشو من الارقام احط عليه؟؟
اللي عنده فكرة عن هالشي اتمنى انه يفيدني
لكم تحياتي
8 thoughts on “ممكن تدخلون”
Comments are closed.
تسلم اخوي الونيس على هالمعلومات المفيدة
ويزاك الله الف خير
لك تحياتي
هلا اخي الكريم
اولا انت من اي امارة
اذا كنت من ابوظبي
الرقم عمومي عادي جداا حالة حال اي رقم
بس لازم ان تراجع اللجنة قسم العمومي و يعطوك طلب بان السيارة ملكك و ليس ملك شخص وافد
وبعدين عن التاجير عادي ممكن تتفق ويا اي شركة وتكتب وياهم عقد بالمبلغ المتفق علية
بس لازم تنتبة
1- السائق عليك ولا عليهم ( راتب )
2- المحروقات على اي طرف
3- عدد الساعات العمل
اما اذا كنت ناوي تعملهاااا تاكسي
طبعا غير اهني
نوع السيارة
اذا كنت حاب تشتري تريلا ( سطحة ) ولا قلاب ( نجال )
ضروري ان تحط في بالك
1- العمل خطوط داخلية ولا خارجية
2- العمل شارع مستوي ( قار ) ولا شارع رملي ( كج )
اما اذا كنت بتعمل على شارع قار والحولة عادية يفضل فور ويل لانها خفيفة
اما اذا كانت حمولتها اشياء ثقيلة مثلا حمل معدات كرين – لودر – وغيرها يفضل سكس ويل
للعمل الخطوط الخارجية — فور ويل احسن
طبعا الاسعار
الوارد المانيا
مديل 90 الى 94
مابين 80 الف الى 120 الف درهم
95 الى 98 غير الاكتروس
مابين 120 الى 160 الف درهم
98 الى 2002
مابين 160 الى 200 الف درهم
النصيحة
نوع السيارة
مرسيدس ال بي
8 سلندر
يفضل كبينة كبيرة ( كبينة ونصف )
واذا حبيت بالمزيد او معلومات اكثر حاضرين
دمتم
اخوي بالنسبة للرقم حسب معلوماتي انها تختلف بين دبي وباقي الامارات
واعتقد انه لازم رخصة حاليا عشان يعطون الرقم
وعليك تسال الدائرة الاقتصادية بدبي – وزارة المواصلات – ادارة المرور في حالة اصدار الرخصة
تحياتي