ممكن خدمة للي عنده خبره في الديكور و الصيانة ؟

81 thoughts on “ممكن خدمة للي عنده خبره في الديكور و الصيانة ؟”

1. فيه سيراميك مال راس الخيمة زين و أسعاره معقولة..بس يبالك اتضارب وااايد إلين ما توصل سعر محترم (المتر تقريبا بحدود 25 درهم بدون ضرابه) موجود ف الصناعية ف الشارجة و هناك نازو و غيره..بس انصحك بسيراميك راس الخيمة لأنه عملي و رخيص..
   بالنسبة للحجرة مثل ما اتفضلت اختي (إماراتية) المحلات اللي طرحتها جميلة..و فيه محل مارلين بعد صوب هوم سنتر.. أثاثهم حلو و سمبل مال غرف النوم..
   يدران الغرفة..؟ ليش ما تصبغه من ألوان الهادية (بيج) و تخلي أثاث غرفة النوم بني.. و الستاير متدرجة الألوان بين البني و البيج و الذهبي؟؟
   ممكن هالموقع يفيدك شوية..بس كله يرجع لك ف النهاية شو الألوان اللي تفضلها..!
   http://albeet.hawaaworld.com/modules…ticles&secid=1

2. لي عودة …

3. اخوي محل مارين في صحارى عنده غرف نوم خشب روعه اذا انت تحب الكلاسيك
   واسعارهم حلوه مب غاليه وعندهم بعد ديكورات حلوه واذا بغيت اكسسوارات عندك لايف ستايل فصحارى اكسسواراتهم عجيبه وتعطي جو حلو وهوم سنتر عندهم تنزيلات حاليا يمكن تحصل عندهم شي يعيبك
   وعندك حول الامارات اسعارهم وايد رخيصه والمحل كبير وفيه تشكيلات حلوه
   اذا تبا رقم صباغ عجيب شغله ترتيب ممكن اييب لك

   بالنسبة للحمام مثل ما قلت لك الصناعيه اخوي عندهم كل المستويات اللي تباها الرديء والممتاز واسعارهم وايد حلوه بس كاسرهم في محل هناك اسمه المختار عنده سيراميك حمامات رهيب

   واي خدمه معلومه حاظره اخوي

4. اخوي بتحصل ف الشارجه في الصناعيه محلات فيها شغلات حلوه ورخيصه شورات اشكال والوان وسيراميك رخيص وحلو نفس اللي عدنا فدبي في المحلات الكبيره نفس النوعيه وارخص بوايد
   اما اذا تبا شي فخم ويكلف عندك محلات لوتاه فدبي
   وانا بحاول اسال لك اكثر عن اسماء المحلات وبرد عليك
   والسموحه ع القصور

   يعلج تسلمين يا بنت بلادي (امارتيه)

   انا افضل المحل يكون في الشارجه لان اسعارهم حسب ما سمعت ارخص من دبي و بوظبي… انا بغيت شي اصلي و ممتاز و حلو ومابي شي فخم لان البيت عادي بس حق الاجازات…مرة اخرى مشكورة و هذه الخدمه ما بنساها لاني من بوظبي ومادل وايد في الشارجه و دبي….

   في نفس الوقت ابي اشتري سرير حجم (كوين) بغيته كلاسيك من الخشب و بغيت حد يعدل لي غرفتي الخاصة (فاضيه ما فيها اي شي) الغرفة صغيرة الحجم 4 في 4 تقريبا لكن بغيت اعدل فيها كل شي الارضيه خلاص حطيت سراميك لكن الصبغ ما عجبني شكله مب حلو بالمرة (يمكن لان الغرفة فاضيه ما فيها أثاث)..

   الاهم اني اعدل الحمام في الاول و عقب بتفرغ للغرفه

   اذا حد عنده خبره في هذا المجال ممكن يخبرني كم تقريبا يكلف الحمام ؟؟

5. اخوي بتحصل ف الشارجه في الصناعيه محلات فيها شغلات حلوه ورخيصه شورات اشكال والوان وسيراميك رخيص وحلو نفس اللي عدنا فدبي في المحلات الكبيره نفس النوعيه وارخص بوايد
   اما اذا تبا شي فخم ويكلف عندك محلات لوتاه فدبي
   وانا بحاول اسال لك اكثر عن اسماء المحلات وبرد عليك
   والسموحه ع القصور

Comments are closed.