السلام عليكم ورحمة الله وبركاته…
يا جماعه مشتري بيت في الشارجه و عدلت فيه و دفعت دم قلبي المهم بغيت اغير عزكم الله الحمام تغير كامل 100% علما بان الحمام صغير وشكلة مال سنة 1970s مساحته تقريبا 3 في 2 متر تقريبا او اصغر.. عالعموم بغيت اغير شكل الحمام لان شكله غش و ابي احط شور VIP (مابي بانيو) و مغسلة VIP و السراميك VIP الخ
ممكن حد يخبرني كم بيكلف الحمام تقريبا ؟؟ علما انا خاطري اسوي شرات حمامات الفنادق صغيرة لكنها حلوات..
انا سرت السوق الصيني و حصلت بلاوي لكن خفت اركب اغراض من عندهم لان خبروني اغراضهم فقط للعرض ام للاستخدام ما تنفع….
.يعني ابي اغراض اصليه
في خاطري اسوي نفس الي في الصورة الاخيرة
هلا اخوي
للاسف مشاكلك هالمره عويصه ههههههه
شوف اخوي هالسوالف لازم تستعين فيها بناس عندهم خبره انا ماعرف رحم الله امرئ عرف قدر نفسه
اذا اليدار ها مشترك مع حمام احتمال يكون في تسريب من البيبات او م الرطوبه
لازم تعرف السبب قبل ما ترد تصبغ ويخترب عليك الصبغ مره ثانيه
نتريا الصور بعد التعديل
السموحه ما فدتك بس شو اسوي ماعرف
اين انتي يا اماراتيه ؟؟؟؟؟؟
السلام عليكم ورحمة الله وبركاته
امممم صارلي كل نهاية اسبوع اسير الشارجه و اعدل في البيت و صورت صور البيت قبل التعديل و بصور لكم بعد التعديل (قبل و بعد) عسب تشوفون كيف تم التغير..
المهم عندي مشكلة اشوفها عوووووووووودة وايد ..
عندي في الغرفة ملح مادري طحين ويلا سمنت يظهر من اليدار.. انا قلت قبل ما اصبغ اليدار هل يوجد حل لهذه المشكلة.. انا صورت اليدار و بغيت رأيكم في المشكلة…
http://jrnas.org/uploader/uploads/IMG_0016.jpg
صورة المسبح بغيت حل للصقف
http://jrnas.org/uploader/uploads/IMG_00ff26.jpg
http://jrnas.org/uploader/uploads/IMG_0027rr99.jpg
اماراتيه شكرا و الف و مليون شكر بعد…
سرت هوم سنتر الي في الشارجه و كان عندهم خصم حلو و شتريت سريرين روعه.. من الخشب البني المحروق و من النص جلد نعام لون عنابي غامج روعه في الجمال.. صورتهن و بحط الصور عقب..توني و اصل من الشارجه تعبان لوول…
بخصوص الحمام سرت لمحل واحد فقط لاني شويه انشغلت لما كنت في الشارجه.. عند واحد سوري في شارع الوحدة و الحمام طلع علي 15 الف درهم ؟؟ فقط للشور و المغلسه و WCO g لووول لما عرف اني من بوظبي قال هذا بقص عليه ههههه المهم الاسبوع الياي بي و بدور في كل محلات المرافق الصحيه…
عندي سؤال للي عنده خبرة … توني صابغ الغرفة من شهر تقريبا و المشكله يظهر من اليدار ملح او مادري شو اسمه .؟. في حل لهذه المشكلة ؟؟ الحينه لازم اصبغ مرة ثانية لان شكل الغرفة غش بهذه الفقاعات الي هلى اليدار ؟؟
هيه نسيت و اشتريت منظره رووووووعه و فخمه من الخشب البني المحروق مع الجلد حق غرفتي…
امنا عن الستارة شو تنصحون ؟؟ انا احب الستائر العادية (نطام امريكي) اشتري الحديدة و القماش جاهز من ذى ون او هوم سنتر ؟؟ او اركب بلوك اوت (عازل للضوء) ؟؟
خاطري اركب بلوك اوت.. و انتو شو رايكم ؟؟
ان شاءالله في موضوع اخر عن الصالة و المطبخ و الممر..
اخوي اذا تبا مهندس ديكور بعطيك رقم مهندسه سعرها مناسب وشغلها حلو بس تبا رايي السالفه ما ترزى الا غرفه هي وانصحك تختار الاثاث خلاف تصبغ الغرفه وانصحك “باصباغ اللولو” ذوقهم راقي واسعارهم حلوه بعطيك الرقم اذا حبيت واخر شي الستاير واذا تبا محل اسعاره حلوه حق الستاير بييب لك كذا محل وانت اختار
بس خلنا في الحمام الحين
الارضيات سيراميك احسن
الخشب مع الوقت ينتفخ من الرطوبه
بالنسبه للسقف حلوه فكرة الجبس نحن مسوينها بس ماعرف بعد فتره الجبس شو بيستوي به فاحسن شي السيلنج اللي متعودين عليه اما انك تظهر السخان برع ما انصحك !!!
بالنسبه للالوان انت يوم بتشوف التشكيله اللي عندهم تقدر تختار صعب انك تحدد لون معين
المختار مثلا عندهم سيراميك معشق زيتي وابيض صدفي فيه لمعة اللولو شكله رهيب ونفس الشكل عندهم اسود وابيض ونفس اللمعه احسه فندقي وحلو بس ها من مده شايفتنه يعني جديم ماعرف اذا بعده موجود
بالنسبه لمحل المختار رقمه 5326183 6 في الصناعيه رقم 4 مجابل مخبز المختار عالشارع الثاني
انت لو تسير الصناعيه بتحصل وايد محلات يمكن تحصل محلات احسن
اما بالنسبه للخلاطات والشور الاخوان ما قصروا يزاهم الله خير
واي خدمه حاظره
سلام عليكم
السلام عليج اختي…
خلاص بحط سيلنج ان شاءالله وا ما بخصوص المهندس خلاص مابي حصلت شخص على الخاص بيساعدني و ببلاش والحمدلله… مثل ما ذكرت انا بركز اليوم على الحمامات و ان شاءالله باجر بشتري السرير.. اما سالفة الصبغ اعتقد اني لاحق على الصبغ و اقدر اصبغ في اي وقت …
المهم انا دونت كل المعلومات الي ذكرتوها و انا متأكد بتفيدني وايد…
وفقكم الله ورعاكم:dddvvv: