ممكن خدمة للي عنده خبره في الديكور و الصيانة ؟

81 thoughts on “ممكن خدمة للي عنده خبره في الديكور و الصيانة ؟”

1. بالتوفيق وان شالله تلاقي اللي يسويلك الديكور المناسب انا اعرف واحد مصري يعرف يرسم على اليدران ودارس فن الايطالي وايد فنان فالرسم اذا تبا حد يرسم على اليدران ممكن اني ادق على المعهد واطلب رقمه لك….

   http://img188.imageshack.us/img188/7218/kok2vx.gif
   وهاتصميم مني طاولة صغيرة لغرفة يهال…

2. Abc طرش لي رقمك و انا بعطيه حق واحد هندي صباغ لاكن فنان وايد في بوظبي….بالنسبه للارضيه لا تفكر غير الباركيه…..و مادام الغرفه صغيره شوي لا تسوي لك ستاره كبيره…بالعكس ستاره خامه حلوه و بسيطه..ايه اعرف واحد بعدد مال ستاير باعطيه رقمك ….بالنسبه للاثاث ممكن تقول لي كم ميزاتينك حق غرفة النوم؟؟؟ بالتوفيق و بصراحه انا احب الانسان اللي يعتمد على نفسه في كل شئ حتى لو كان عنده مئه واحد يساعدونه…. مب بس يقول حق واحد روح سو لي هالغرفه او ييب لي حد و خله يرتب لي كل شئ….بالعكس يروح و يدور و يشوف و يتعلم مثل مل لنت مسوي…الله يوفقك…… بالمناسبه لبعض الاخوان….ترى الحمام اههمممممممممممممممممم مكان في البيت…..لول
   مرحبا بالقطري والله..
   الف شكر لك على الرد المقنع و المفيد و الوافي عكس ردود بعض الناس…انا من بوظبي لكن البيت الي ابي اعدل فيه في الشارجه مب في بوظبي ..بخصوص الستاره هذا الي انا سويته شتريت ستارة خام بسيط و جميل في نفس الوقت بس اتريا اشتري القواعد حصلت في ذا ون عاجي عجيب و كلاسيك و كل قاعده على 165 درهم تقريبا…
   الحينه انا مهتم في الصبغ و الحمام ..
   اذا تعرف حد في الشارجه فهذا رقمي 5222288
   مثل ما قلت انا معتمد على نفسي في اعادة تصميم المنزل لان المنزل مشترينه جاهز لكن الطراز قديم جدا ويباله تعديل بين فتره و فتره.. انا احاول اعدل غرض او غرضين كل فتره…

3. Abc طرش لي رقمك و انا بعطيه حق واحد هندي صباغ لاكن فنان وايد في بوظبي….بالنسبه للارضيه لا تفكر غير الباركيه…..و مادام الغرفه صغيره شوي لا تسوي لك ستاره كبيره…بالعكس ستاره خامه حلوه و بسيطه..ايه اعرف واحد بعدد مال ستاير باعطيه رقمك ….بالنسبه للاثاث ممكن تقول لي كم ميزاتينك حق غرفة النوم؟؟؟ بالتوفيق و بصراحه انا احب الانسان اللي يعتمد على نفسه في كل شئ حتى لو كان عنده مئه واحد يساعدونه…. مب بس يقول حق واحد روح سو لي هالغرفه او ييب لي حد و خله يرتب لي كل شئ….بالعكس يروح و يدور و يشوف و يتعلم مثل مل لنت مسوي…الله يوفقك…… بالمناسبه لبعض الاخوان….ترى الحمام اههمممممممممممممممممم مكان في البيت…..لول

4. اخوي تراه هو حمام وانت ماراح تنام فيه عزك الله يعني لو طولت وبالغنا نقول نصف ساعة
   ويوم اتقول دافع دم قلبك منو حدك على هذا
   بس احنا هذا طبعنا
   ونقول مديونين

   شو مديون وشو دم قلبك ؟؟

   بخبرك سالفة الحمام من البدايه الى النهايه…

   شو اسوي محصل بيزات ايجار العمارة في بوظبي و ابي اعدل البيت بجزء من البيزات و جزء اشتريت تذكرة سفر لاستراليا و اليابان و الصين و تايلند و الهند (درجه اولى) و جزء بشتري رنج روفر HSE ان شاءالله و جزء اشتريت اسهم اعمار على 14.65 (100000سهم) و جزء بدفع عضويه لهلتونيا بقيمة 6000 درهم و جزء بشتري بضائع من باريس غاليري و ببيعهم بخسارة في المنتدى و جزء بشتري لي شقة في دبي حق الويك اند… و الباقي بحطهن في حساب توفير و ياخذ عليهن فوائد وجزء من الفوائد بشتري فيهن صبغ حق البيت وجزء بعدل حمام السباحه و الجزء الاخير من الفوائد بحطهن في بنك اخر …. ان شاءالله فهمت السالفة الحينه ؟؟

   قل خير او لتصمت…

   وفقكم الله ورعاكم

5. اخوي تراه هو حمام وانت ماراح تنام فيه عزك الله يعني لو طولت وبالغنا نقول نصف ساعة
   ويوم اتقول دافع دم قلبك منو حدك على هذا
   بس احنا هذا طبعنا
   ونقول مديونين

Comments are closed.