هلا يالربع أنشاءالله بخير
اليوم بغيت أطلب منكم مشوره ومساعده كتوجيه بالنسبه لي..
أنا بغيت أفتح مطعم صغير في حي سكني مثل الكفتريا بس بمستوى شوي أحسن
بغيت أعرف كيف أبتدي.. لاني ماعرف في شغلات المحلات مب تخصصي بس بنتوكل
الأول كيف أحصلي المحل؟ هل من البلديه أو طابو أو فالوسيط؟ الموقع دبي
ثانيا شو المطلوب مني.. واحد أحصل المحل.. ورخصة مطعم أضن؟ يعني بغيت كل شي شو يلزمني..
وشو التكاليف يعني كم بيكلف لين ما أفتح المطعم أو الكفتيريا وأسعار الرخص..
ولو حد يملك مطعم يخبرنا عن التكاليف ولو فالموضوع ربحيه…
وكل شي قسمه ونصيب..
فيدوني الله يجزيكم الخير أتجملوا فيني بالمعلومات 
اقل كفتريا بتكلف في حدود ال200-250 الف هذا اذا فدبي
ودام انها بتكون في حي سكني ، نفس ما قالو الاخوان اغلب الظن انها فمسجد بس حبيت اقول انه 40 و 50 وحتى 60 هالاسعار مستحيل اتحصلونها وخصة فمحلات المساجد
نظام التأجير عندهم يكون كالتالي:
الأوقاف كل كم من شهر يسوون مزاد على المحلات الجاهزة وطريقة الامشاركة فالمزاد
دفع 5000 درهم كاش عن كل محل حاب اتزايد عليه
واعلا سعر يوصله راح يكون هو الاجار السنوي…
ويوم المزاد طبعا الله يخلي قوم بابو ما يخلون شي الا ياخذونه، فالموضوع مب بالسهوله ولازم الواحد يدفع مبلغ وقدره عسب يحصل محل واقل سعر يمكن اتحصله فحدود الـ80 الف وهالكلام عن واقع تجربة شخصية
===
اني الحينه لفترة بعد الحصول على محل
والحسبة بتكون لكفتيا صغيرة وكل ما كانت اكبر او مستوى ارقى يزيد السعر طبعا
لازم انظهر رخصة وبتكلف تقريبا 10 آلاف اذا حق كفتريا
ديكور المحل اقل تقدير 50 الف “ارضية وطاولات وجبس وغيره”
40 الف لمعدات المطبخ
5 آلاف للغاز
5 حق البورد
وحق كفتريا صغيرة تقريبا محتاجين 5 عمال من معلم شاورما وعصاير والويتر … والفيزة الوحدة بتكلف بين ال 8500 الى 11000 حسب اذا العامل عنده ورقة عدم الممانعة من الكفيل الحالي او لا “هالكلام فحالة نقل الكفالة”
5 عمال * 1000 تقريا = 50 الف
والحينه اذا بنجمع التكلفة بتكون تقريبا 160 الف غير الاجار طبعا
وبالتوفيج للكل
اخوي عشان ماتعور راسك
في مكاتب تخليص معاملات
بيخلصولك كل شي وانته يالس بالبيت
بس تعطيهم مبلغ معين على ماعتقد 5000 درهم
هذا طبعاً بخصوص الاجراءات
عقب ماتدرس المشروع وتفهمه عدل
1- معرفة الموقع
2- ا لمعدات
3-التصريف الصحي
4- مهم تروح رقابة الاغذية
وتعرف شروطهم والمساحة
5- بلدية ما تكلم تقريباً 12 الف
على حسب علمي
مطعم في حي سكني اكيد بيكون في المسجد
وهذا يتطلب الذهاب للاوقاف عشان تأجير المكان ومن ثم الذهاب للدائرة الاقتصاديه عشان الرخصه مااعرف التكاليف لان التكاليف تختلف على حسب المشروع
———————-
اللي اعرفه عن ايجار المكان بيكون في حدود الاربعين الف سنوياً
اما تكلفه المشروع ككل فماعندي فكرة بس ادوات الكفتيريا مااتكلف وايد الا السيارة عشان توصيل الطلبات الكبيرة وبالنسبه للطلبات الصغيرة الدراجات احسن
وارخص تكلفه
————-
اقترح ان الكفتيريا ايكون مثل المطعم اللبناني الاكل بيكون اجود واحلى
وشكرا
مرحبا اختي
عطي رقمي حد من اخوانج وخل يتصل بي انا عندي كفتريا 0552826282 خل يطرش مسج ويقول انا فلان قبل