بسم ا لله الرحمن الرحيم
السلام عليكم والرحمه
السموحه يا اخواني بس ياليت اللي عنه فكره عن البورش كايين لا يبخل علينا ،،
انا حاجز بورش كايين s من شهر 9 وبيوصل على شهر 2 على حسب كلامهم
والسعر طلع علي 356 الف ،، لاني طلبت وايد مواصفات وعدلت في الالوان الداخليه وطبعا كت التيربو وسستم صوت مع ديفي دي خلفي وكل شي ..
ومتردد اخذ الموتر ولا لا
البعض يقولي لا تاخذ بسبب الازمه الماليه ويمكن يرخص وحتى لو ما رخص يمكن المواتر الثانيه مثل البي ام والرنج والمرسيدس وغيره تنزل اسعارها بفرق كبير
والبعض يقولي سنة 2011 بيتغير شكله
واللي يقولي تشيكاته غاليا 5000 وفوق كل تجيك !!
واللي يقولي وايد غالي !!
وللحين ما سمعنا اي خبر حول نزول اسعار البورش !!
فياليت اللي عنده فكره عن الموضوع ما يبخل علي واللي بينصحني يعطيه الف عافيه
والموتر بخاطري ورسمته رسم من كثل ماهو بخاطري
دمتم بوده
356 الف بتدفعهاا ع كايين S ..؟
جان بتدفع هالسعر خذلك جي تي اس بنفس السعر
او خذ نصيحتي وشوفلك Ml63 2008 او 2009 احلى واروع واقوى
واذا ماتعيبك Ml63 عيل خذ G55 2008 احسن
السعر مرتفع عسب المواصفات الزياده يعني لو ييت بتبيعهاا ثاني يوم محد بيهتم بالزيادات اللي طلبتهاا وبياخذونها منك بالسعر العادي اللي هو 250 الف بس
طبعا انت واختيارك بس شوري انك ياتاخذ Gts وماظنتي متوفره حالياا الا في المعارض اذا ماتبا تتريا 4 شهور او خذ المرسيدس
لو منك دام واصل ال356 .. باخذ G55 البورش تيكسي للاسف.. وجان هاوي لمغازل بعد هوووهووووو اسال مجرب P:
الجوكر555
تسلم اخوي عالمعلومه وانا استفسرت عنه قبل قالولي انه بيتغير ومثل ما ذكرت
ولكن شكله للحين مب معروف يمكن يكون اللي بالصوره ويمكن لا مافي شي اكيد
اخاف يطلع شكله بايخ او فرق بسيط ،، وسعره يرتفع فوق !!
امرؤ القيس
مشكور اخوي عالنصيحه الطيبه
بس انا خذت مواصفات الـ ْs احسن بكثير من الجيتي اس
يعني الخشم من جدام ومن ورا شرات الجيتي اس مع كروم وكل شي !!
وحتى القزوز سستم ركبته ب 15 الف
بالنسبه للناس اللي حجزو استغرب من مواصفاتهم يعني اللي مركبلك شاشه وبدون تحكم في السكان واللي مركب خشم تيربو ومن ورا عادي
يعني كل واحد اختار الواصفات اللي تعيبه
وانا اخترت كل الموصافات عشان ما اشوف بورش فيه ميزه عن موتري
وشكرا لك على توضيح موضوع التشيكات اذا هالسعر فهو لاباس فيه
مشكوره اخوي وما قصرت
hassan01
تسلم عزيز
بالتوفيق ان شاء الله
مرحبا
الموتر بيتغير على بدايه 2011 وبيصول لين ما ينزل عندنا وبيكون Face Left
لحد الان ما في صور اكيده وواضحه عن البورش في الانترنت
ومن رايي اللي انته طالبنه وايد غالي ومواصفات مالها داعي وبسرعه تنمل
خذالك Gts ولون احمر وشويه حركات وبيوقف عليك بين 310الى 315 احسلك بمليون مره عن الاس
ولا تنسى Gtsفي اكزوز سيستم وشامواه ومنزله شوي وخشم التوربو وما بتندم اذا خذت الجي تي اس
وليش تترييا لين شهر 2 مر الوكاله وقولهم ابا سياره الحين وبيطلعولك لان وايد ناس حجزت بورش وما اشترت لانهم كانوا يفكرون يتاجرون بالحجز
وبخصوص التشييكات تشييكات البورش شوي غاليه مقارنه بالسيارات الباقيه تشيك 30000مثلا يكلف 2800 وكل 10000 تدفع بحدود 1500