اخواني حبيت أعرض هالموضوع لما فيه من أهمية كبيره …. وأهميته تكمن فالضرر الكبير الي ممكن تسببه .. و كل شيئ في شبهه الواحد يبتعد عنه لأن الانسان يبا التوفيق من الله ..
أستغرب في بعض الإخوان الي يعرفون ضرر أجهزة التجسس و التنصت وكيف يمكن استخدامها بشكل سلبي من قبل ضعيفين الإيمان و بعدهم يعرضونها للبيع … ناسيين انه ممكن انها تستخدم في أذيتهم هم قبل غيرهم … يعني ممكن يكون الضحيه أهله ((أخته .. أخوه)) أو أي حد من أهله و تعرفون ان هالأشياء صارت و تصير .. و غير هذا كله الواحد لازم يكون عنده غيره على أولاد و بنات المسلمين … و الي يفضح الناس ربنا يفضحه … و الي يساهم في هالفضيحه له اثم كبير لأنه السبب …
وين مخافة الله يالي تبيعون هالسوالف ؟؟؟!!!!!
و الأغرب انه من الي يبيعون هالأجهزة يعاندون … بالرغم من انه يعرف انه غلطان .. و فيها مساءلة .. و الدليل انه مرات ما يحط رقم مبايله .. و يحط ايميل و الي يأكد أكثر انه يقول : لا يوجد توصيل عن طريق شركات الشحن لأنه يعرف إن الدوله مانعة تداول هذه السلع ..
و في نفس الوقت الدوله مانعه تداول أجهزة التنصت و التجسس… لأن الحكومة الرشيدة تدرك الضرر الكامن من ورا هذي الأجهزة … ورغم هذا كله نشوف بعض الناس ((الي ما يهمهم غير الربح)) ولا مفتكرين فالناس يتجاهلون هالقوانين ..
ممنوع بيع كل أجهزة التنصت و التجسس بمختلف أشكالها مثل :
1- ريموت سياره فيه كيمرة سواء فيديو أو صور
2- ولاعه فيها كيمره
3- قلم فيه كيمره
4- جهاز تنصت صوتي
5- نظاره فيها كيمره .
لأنها بالفعل مثل ما قال واحد من الخوان تخرب البيوت و تزعزع الأمن الأسري … و الناس الي فيها كافيها
لذلك أرجو من الإخوان الإنتباه لهالشي … التاجر يحط مخافة الله بين عيونه علاشان الله يوفقه ((و أنا أقصد التجار الي ما يهمهم غير الربح ومتجاهلين القوانين و الضرر الي ممكن تسببه سلعهم))
و أرجو من الأعضاء اذا شافوا أي موضوع مماثل تبليغ المشرفين الموجودين على الفور .. علاشان نمنع من تداول ما يضر المسلمين .. و نمنع التجار الي ما يخافون الله .. و الأجر من عن الله سبحانه و تعالي
و الإدارة ما تقصر انشاء الله مع العلم انهم منوهين لهالموضوع لكن من الناس ما تدخل و تقرا
أتمنى من اللإخوان انهم يشاركون ويبينون أضرار أجهزة التنصت و التجسس لأني سبحان الله يمكن أكون نسيت شي ….
و السموحه منكم
جزاك الله الف خير اخوي … و أنا أضم صوتي لصوتك
موفق بإذن الله … لك مني أجمل تحية .
شـكــ وبارك الله فيك ـــرا لك … لك مني أجمل تحية .
من حقّك أخوي ترد … و كلامك يا خوي صحيح و أشكر لك تفاعلك وموقفك الإيجابي و ربي يجزيك كل خير ويكثر من أمثالك .. بس في عندي وجهة نظر و ادري انك تدري أكثر الي بقوله :
المشكله يا خوي ان الواحد يقايس الإيجابيات و السلبيات … و انت تدري يا خوي مدى خطورة سلبيات هالأجهزه و حجم الضرر الي ممكن تسببه .. يعني ممكن تسبب تعاسة انسان ولا دمار أسره طول العمر .. و أنا متأكد يا خوي انه ما يرضيك ولا يرضي عاقل هالشي .. و انت تدري يا خوي انه في ناس ايمانهم ضعيف و ما يفكرون الا في الخراب … و لا تلقى ناس ((مراهقين)) وما عندهم نضوج كافي و ما يفكرون صح ..
يعني شرات هالحرمه الي دخلت عرس الحريم وصورت الحريم و نشرت الصور عالنت وخربت بيوت الناس .. شو هدفها غير الخراب ؟؟؟!!!!
ولا واحد من الإخوان عارض جهاز هني فالمنتدى كاتب الجهاز تروم تستخدمه فالسياره ولا فالغرفه ؟؟!!! و لا فالمكتب ؟؟؟!!!
يعني الواحد يبا يسمع عمره فالغرفه و لا المكتب ؟؟؟!!!!!
الفكره يا خوي انا نمنع من وصول هالأجهزه في ايدين هالناس … و ما نكون سبب لا سمح الله في خراب بيوت المسلمين .. لأن الواحد ما يبا غير التوفيق من رب العالمين
يزاك الله خير مره ثانيه يا خوي
الأخ أبو جاسم
بداية شكراً لك على الموضوع
وبما أن الموضع 90 % عني فأتمنى أن تسمحلي أرد
حقيقة كلامك فيه جزء كبير من الصحة ، والأمثلة كثيرة على اساءة استخدام التقنيات الحديثة اللي صنعت لجعل استخدمها أسهل.
أما بالنسبة للريموت المزود بكاميرا :
عن نفسي أنا اشتريت الكاميرا هذي عشان استخدمها على طيارة هيلكوبتر جهاز
وكنت أدور على كاميرا صغيرة في الوزن والحجم عشان ما تأثر على قدرة الطيارة على الطيران ، ولو تدخل اليوتيوب بتلقى كثيرين استخدموا نفس الكاميرا لنفس الغرض.
بعد استخدام الكاميرا طلب مني عدد من أصدقائي اللي يشاركوني نفس الهواية الكاميرا
وجبتها لهم وطلبت كمية إضافية عرضتها للبيع .
ما أخفي عليك إن وساس احتمال اساءة استخدامها كان ولا زال يلازمني ، لكني ما بعتها إلا لأشخاص كبار في السن ومع هذا كنت أسألهم عن سبب شرائهم لهالكاميرا وكنت أطلب منهم عدم اساءة استخدامها ، وحصل إني رفضت بيعها لشخص (أعتقد إنه من المنتدى) لأني حسيت إنه بيسيء استخدامها .
القصد من كلامي ياخوي بو جاسم إن كثير من الأشياء والتقنيات المتوفرة عندنا ممكن يساء استخدامها ، لكن المشكلة مش في السلعة نفسها ، المشكلة في الشخص اللي يشتريها .
أنا عن نفسي أأكد لك إني ما راح أعرض مثل هالكاميرا لا في المنتدى ولا في أي مكان ثاني ، لكن كل الأشياء اللي ذكرتها (الريموت والقلم و الولاعة) وفي أنواع ثانية أيضاً متوفرة في الدولة !!
حد بيسميها كاميرات تجسس وحد بيسميها كاميرات مراقبة
لكن في ناس بتكتفي بتسمية “كاميرا” كل واحد وغرضه منها
شكراً لك مرة ثانية على التنبيه
والسموحة على الإطالة