قامت شركه اداك لتطوير مطار ابوظبي بمنع الموظفين من دخول المواقف القديمه الملاصقه للمطار
واجبارهم على توقيف سياراتهم في الموقف الذي جهز حديثا ويبعد عن مدخل المطار بحوالي نصف
كيلو متر تقريبا .او استعمال المواقف القريبه مقابل عشره درهم في الساعه . وقامت بتوفير باصين لنقل
الموظفين من الموقف الى المطار .ولان الموظفين ياتون باوقات لاتتناسب مع الباصات يفضلون المشي
ليصلوا دوامهم في الوقت المناسب . اذا ماالعمل ونحن مقبلين على اشهر الصيف ودرجه الحراره تصل
الى الخمسين .مع العلم بان المواقف القريبه تكون اغلب الاقات فاضيه .
***اكيد باتسألون وباتقولوا ليش خصصت الموظفين المواطنين ؟؟
انااقول لكم … جميع العاملين في المطار تابعين شركات وشركاتهم موفره لهم باصات مكيفه ومعظمهم
غير مواطنين حتى الي عنده سياره يفضل يركب الباص للتوفير وهم ليس بحاجه للمواقف .
*** اذا لم يبقى الا العمود الفقري للمطار … الشرطه … الجوازات …. الجمارك.. وجميعهم مواطنين
وعددهم يقارب 300 وبينهم العنصر النسائي هم من تم نفيهم الى المواقف البعيده .
عندما كانت اداره المطار بيد ابن الدار كان الصف الاول للموظفين ومحطوطه لوحه ( خاص للموظفين )
لانه يفكر في راحه ابن البلد قبل الفلوس .
اما وقد سلمت الامور الى جون وستيفن وبابو … فنقول الله يعينكم ياموظفي مطار ابوظبي …
………………………………………….. ………………………………………….. ……………………..
*** شو ريايكم يالربع اليست هذه ميزه للموظفين المواطنين بمطار ابوظبي
وين يوقف مسؤولك؟؟هل معاكم ويدق خط!!؟
اقراء الموضوع مره ثانيه وثالثه وان لم تعرف سبب كتابه الموضوع الله يعينك فهمك !!!
__________________
ان شاء الله ربي يرزقك وظيفه في المطار
مافيه شي
نمشي نص كيلو متر توصل دوامك ساعه 1340 في عز القيظ تمشي تطلع الساعه 2200 في عز الرطوبة تمشي توصل الساعه 740 وفي عز الرطوبه والحر تمشي تطلع الساعه 1400 تمشي في عز القيظ ترد تدوم في الليل ساعه 2140 وفي عز الرطوبه تمشي تطلع الساعه 800 صباحا وفي عز الرطوبه والحر تمشي ….
من قالك لك ان المشي مو زاين المشي مناسب والجماعه قرو خبر ان نسبة37% من سكان يعانون من السمنه قالوا خلينا نسوي لهم رياضه صباحية ومسائية وظهريه ؟؟؟
القهر انك تمر تشوف المواقف فاضية
__________________
ياريال .. يبالكم (شور) بعد هالمشي
اهم شي شيك بطاقتك تلفونك اغراضك كلها وياك قبل لا تنزل من اسياره
عن تضرب الخط مرتين