مناظرة بين الفتك والاستيشن والي يحب يشارك يدخل

47 thoughts on “مناظرة بين الفتك والاستيشن والي يحب يشارك يدخل”

1. شو هو الفور ويل اللى يوم تفزعه بالرمله ومايردك

   اعتقد الاجابة معروفة لدى الجميع

   بالتوفيق 74407

2. السعر جديد

   السوبر سفاري 2009 فل أبشن سعره 195 الف الأستيشن أغلى بكثير

   الشكل

   صراحه الفتك وخاصه لاكن من برى كامل المواصفات

   المواصفات والفخامة

   الفتك فيه مواصفات رهيبه والأستيشن فيه مواصفات رهيبه

   الوسع من الداخل

   أنا أشوفهم شرآت بعض وهي تعتمد على الراكب الأمامي

   المشاكل والاعطال

   كل موتر بتحشمه بيحشمك وكل موتر بتذله بيذلك

   اسعار قطع الغيار

   متفاوته في قطع للفتك غاليه وفي قطع للأستيشن غاليه

   الاستعمال في البر او الرملة من ناحية الخفة والقوة وهذي اهم نقطة بالنسبة لي انا شخصيا

   عاد هالشي الفتك المركز الأول فيه 1 >>>

   السعر مستعمل

   على حسب اللي بيبيع يعني في فتكات أسعارهم معقوله وفي فتكات رخاص والأستيشنات كذالك

3. الاستيشن احسن عن الفتك فـ وايد نقط

   السعر جديد
   الكل يعرف ان الاستيشن 6 سلندر فل اوبشن بسعر فتك سوبر سفاري تقريبا 195 الف و 8 سلندر حوالي 265 الف

   الشكل
   اممم انا احب شكل الاستيشن اكثر معنّه الشكل الاولي كان افخم وارقى بس بعد للحينه هو الاحلى والنيسان من جدام حلو بس من ورا بايخ خصوصا الليتات جيه طويله وايد احسهاا

   المواصفات والفخامة
   مواصفات الاستيشن اكثر عن الفتك ومن داخل فخم تقدر تقول انه انفينيتي بالنسبه لـ فتك والفتك من داخل عادي جنه سني

   الوسع من الداخل
   عن الوسع استيشن اليديده شوي اوسع لو تاخذ بالارقاام بتعرف

   المشاكل والاعطال
   هممم ماسمعت عن اعطال في الاستيشن ولا الفتك مااروم احكم في هالنقطه

   اسعار قطع الغيار
   الاسعار يعتمد عاد ع مزاج الوكيل او محلات قطع الغياار

   الاستعمال في البر او الرملة من ناحية الخفة والقوة وهذي اهم نقطة بالنسبة لي انا شخصيا
   معروف ان الفتك احسنعن الاسيشن في البر بس عاد يعتمد ع الدريول والاستيشن اليديده وايد يمدحونه في البر

   السعر مستعمل
   اذا قصدك اعدة البيع اكيد الاستيشن احسن وسعرها فيهاا عكس الفتك عقب شهر ينزل 40 الف من سعرها
   واذا عن اسعار المستعمل في المعارض بعد الاستيشن اغلى

   طبعا في نقطة مهمة نسيت اذكرها للنقاش وهي الفرق في ( قوة المكينة ) وعدد الاحصنة
   بالنسبه للمكينه الفتك اقوى من ناحية الاحصنه (280) مقارنه بالاستيشن 8 سلندر (270) و 6 سلنر (250) تقريبا بس الاستيشن 8 سلندر يروح عن الفتك

   في شي بعد بالنسبه للمكينه
   مكينة الاستيشن واايد اهدا عن الفتك
   هات استيشن 2002 ووقفها عدال فتك 2008 واسمع الفرق
   النيسان من 89 وصوت قرقعة المكينه موجوده لين الحين وهذا شي مااحبه ومادري متى بيشلون هالصوت!

   وفي النهايه شوف هالفايل عن الاستيشن ^^

   4shared.com – online file sharing and storage – download LC 2008.pps

4. سلام عليكم

   وجهة نظري ونا على فكره مجرب سيارتين وحاليا عندي فتك

   الاستيشن وخاصتن اليديد فل فخامه فخم وما يتقارن مع الفتك فهناحيه .. بس الفتك اكثر شبابيه وحلات خفته فرمله تقز تحكره حكر تضرب رونات ما يقولك لا .. الاستيشن فرمله قوي بس ثقيل خاصتن الاستيشن الي مكينته 4000 عندنا واحد ثقيل حيل ومكينته ضعيفه مقارتن بحجمه .. عسى فدناك براينا

5. بالنسبة للاشياء الي نبا نسوي مقارنه فيها بين السيارتين طبعا الفتك فل ابشن والاستيشن فل ابشن وهي وكالترتيب التالي

   السعر جديد

   الاخوان ذكروا الاسعار فوق

   الشكل

   اشوف الاستيشن افضل

   المواصفات والفخامة

   الاستيشن افخم والمواصفات تقريبا نفس الشي من ناحيه الجلد والشاشه ..الخ

   الوسع من الداخل

   الاستيشن اليديد اوسع وحتى السيتات اللي ورا تقدر تجدم وتأخر فيهن

   المشاكل والاعطال

   الاعطال الاستيشن معروف بقله اعطاله والفتك اذا مالعبت فيه بعد قليله اعطاله

   اسعار قطع الغيار

   يختلف من قطعه للثانيه عموما الاشياء الاستهلاكيه مثل السفايف والدرامات والجامبيلات النيسان اغلى شوي

   الاستعمال في البر او الرملة من ناحية الخفة والقوة وهذي اهم نقطة بالنسبة لي انا شخصيا

   اذا دريول لو تسوق اي موتر بتمشي بس من ناحيه الخفه الفتك اخف لكن يتخلخل بسرعه ومن ناحيه القوه ماعليه كلام اما الاستيشن اثقل لكن ما تتخلخل والقوه ما عليها كلام بس لاترحمها لانها ثقيله شوي..

   السعر مستعمل

   مثل ما الكل عارف الاستيشن اغلى

   حاليا الاستيشن 2006 و 2007 ينعرضن من 150 الى 170 الف !! بينما الفتك نفس الموديل تحصله من 115 الى 130 حسب النظافه..

Comments are closed.