انا حبيت اطرح هالموضوع لاني شفت بعض الشباب يمدحون النيسان فتك ويذمون الاستيشن وبعض الشباب العكس
من خلال هذا الموضوع نبا نسوي مقارنة بين الفتك والاستيشن اليديدة
ياليت الشباب يشاركون ويقولون رايهم بكل صدق وامانة يعني مب يجيني واحد يمدحلي الاستيشن ويذم الفتك وهو اصلا عمره ماجرب الفتك وكذالك العكس بالنسبة للفتك تلقاه يمدحلي الفتك ويذم الاستيشن وهو عمره ماجرب استعمال الاستيشن
يعني ماابغي الشباب الي متعصبين للفتك يقولون رايهم ويظلمون السيارة الثانية وكذالك العكس
وياليت تكون المشاركات في اطار وصلب الموضوع ومايطلع لبرع
بالنسبة للاشياء الي نبا نسوي مقارنه فيها بين السيارتين طبعا الفتك فل ابشن والاستيشن فل ابشن وهي وكالترتيب التالي
السعر جديد
الشكل
المواصفات والفخامة
الوسع من الداخل
المشاكل والاعطال
اسعار قطع الغيار
الاستعمال في البر او الرملة من ناحية الخفة والقوة وهذي اهم نقطة بالنسبة لي انا شخصيا
السعر مستعمل
ياليت المشاركات تكون على نفس الترتيب عشان يكون الموضوع شيق ومبسط في الشرح
اصلن افضل سيارتين وتعيش ويانا هن
النيسان والاستيشن تقريبا من فتره كنا
رحنا موترين نيسان واستيشن بالروحه سرت بالاستيشن والرده رديت بالنيسان كلنا شله ربع
بصراحه فرق بين الموترين الاستيشن مريح ومب متعب بالخطوط والاستيشن مايتعب بالخطوط
والنيسان يتعب بالخط خاصه بالمسافات الطويله
الشباب ما قصروا كفوا و وفوا
انا بتكلم عن نقطة وحده بس من ناحية ان عندي السيارتين (بس طبعا عندي الاستيشن الجديم سته سلندر هب اليديد)
الرملة
صحيح الاستيشن ثبات بسبب وزنة و بسبب السكان انه ما فيه باور استيرنق شرات الفتك <<< هني الخلخله على قولت الشباب لان الباور يلعب دووور في الفتك
لكن لا تنسووون ان الاستيشن اكسل و النيسان ديفريشن
يعني الاستيشن معرض لانه يكسر الاكسلات في حالة قص و ضربة قوية بين عرقوبين حتى لو كان ثمانية سلندر ما بيسلم من الكسر في هالحالة
لكن الفتك لااااااا
يتحمل هالضربة و يرووووح
بس هالنقطة المهمه الي حبيت اضيفها
اما من ناحية السعر و الشكل و غيره فالشباب ما قصروا
اخواني انا بختصر الموضوع ……….
الي يبا موتر شبابي يختار الفتك لان ما عليه كلام …….
والي يبا الشخصية والراحة في الموتر يختار الاستيشن …………
والله ياجماعه أنا في نظري بالعاميه
السعر : وايد مبالغين بسعر السيارتين بالسيارتين
الشكل : كل سياره أحلى من الثانيه
المواصفات : مواصفات حلوه السيارتين
الوسع : أعتقد النيسان أوسع من الستيشن
المشاكل والاعطال : النيسان وااااايد في أعطال وقرقعه الاستيشن أفضل من ناحية الاعطال
أسعار قطع غيار : النيسان والستيشن سامانهم ضو
الكل ماخذ فكره ان النيسان والسيتشن سامانهم رخيص في الوكاله لان تويوتا
بس والله الاستيشن بالذات سامان غالي وتشييكاتهم ضو ومذلتهم كثيره وكلامهم واااااايد
البر والرمله : مافي كلالالالالالالالالالام وتنافس
طبعا النيســــــــــــــان مافي حيله ومن بعده الاستيشن بس عاد مثل الديناصور والسلحفاه
السعر والمستعمل : طبعا النيسان مافيه قيمه أبد
أما الاستيشن فهذا الشي الزين فيه ان سعره عالي وايدوهذي بس الميزه الطيبه بسسسسسسسس
اخوي انا ما بقارن بين السيارتين الحين
بنتريا الفتك اليديد ينزل وعقب بنقارن عشان تكون المقارنه عادله