انا حبيت اطرح هالموضوع لاني شفت بعض الشباب يمدحون النيسان فتك ويذمون الاستيشن وبعض الشباب العكس
من خلال هذا الموضوع نبا نسوي مقارنة بين الفتك والاستيشن اليديدة
ياليت الشباب يشاركون ويقولون رايهم بكل صدق وامانة يعني مب يجيني واحد يمدحلي الاستيشن ويذم الفتك وهو اصلا عمره ماجرب الفتك وكذالك العكس بالنسبة للفتك تلقاه يمدحلي الفتك ويذم الاستيشن وهو عمره ماجرب استعمال الاستيشن
يعني ماابغي الشباب الي متعصبين للفتك يقولون رايهم ويظلمون السيارة الثانية وكذالك العكس
وياليت تكون المشاركات في اطار وصلب الموضوع ومايطلع لبرع
بالنسبة للاشياء الي نبا نسوي مقارنه فيها بين السيارتين طبعا الفتك فل ابشن والاستيشن فل ابشن وهي وكالترتيب التالي
السعر جديد
الشكل
المواصفات والفخامة
الوسع من الداخل
المشاكل والاعطال
اسعار قطع الغيار
الاستعمال في البر او الرملة من ناحية الخفة والقوة وهذي اهم نقطة بالنسبة لي انا شخصيا
السعر مستعمل
ياليت المشاركات تكون على نفس الترتيب عشان يكون الموضوع شيق ومبسط في الشرح
لا تنسى انت تقارن 8 سلندر مع 6 سلندر
مشكور ياخوي عالمشاركة
بس عندي ملاحظة عن صرفية البترول
بالنسبة لصرفية البترول تبون الصراحة اشوف الفتك احسن عن الاستيشن بدليل كان عندي فتك شكل 2008 كنت اطلع من ابوظبي (ام النار) لين الشارقة وارجع لين ابوظبي (ام النار) كان يستهلك نص الخزان الرئيسي بسرعة 140 كم
والحين عندي الاستيشن اليديدة 8 سلندر
جربتها على نفس المسافة وبنفس السرعة استهلك عندي بعد نص الخزان مع العلم ان الاستيشن اليديدة فيها خزان واحد يعني دمجوا الخزانين مع بعض الرئيسي والفرعي يعني الخزان صار اكبر بكثير بالنسبة لخزان الفتك الرئيسي
المفروض يستهلك اقل من نص الخزان مب نص الخزان
يعني الفتك صرفيته اقل و احسن بوايد عن الاستيشن اليديدة
هذي الاختبار سويتة بنفسي على السيارتين مع العلم السيارتين جير تماتيك مب عادي
السعر جديد
طبعا الاستيشن أغلى من النيسان بترول
الشكل
ماتقدر تقارن لأن النيسان الشكل اليديد بعده مانزل
بس اذا بتقارن بهذا الموديل الاستيشن احلى
المواصفات والفخامة
نفس ماقلت شكل النيسان اليديد مانزل
الاستيشن مواصفاته ارقى شوي من النيسان وافخم من ناحية التصميمات الداخلية..بس لو صبرت على هالموضوع الين ماينزل الفتك اليديد
الوسع من الداخل
الاستيشن أوسع فقط في المقاعد الخلفية..ووضعية الكراسي وايد احسن عن الفتك
المشاكل والاعطال
من ناحية الصيانة انا اشوف الفتك مايباله صيانة كثر الاستيشن
اسعار قطع الغيار
الفرق بسيط بس المشكلة في سرعة استهلاك السيارة للقطع
الاستعمال في البر او الرملة من ناحية الخفة والقوة وهذي اهم نقطة بالنسبة لي انا شخصيا
أكيد أكيد أكيد الفتك..بس مشكلته يتخلخل بسرعة مب شرات الاستيشن يابس
السعر مستعمل
اكيد الاستيشن..سعره ماينزل بسرعة
وعلى فكرة الدولة الوحيدة اللي النيسان يمشي فيها وايد هي الامارات..من وجهة نظري الشخصية
من ناحية القوة…النيسان أقوى حتى في التزويد…
يعني تخيل لامبورجيني مايقبض وياه..والله صارت ويا واحد من ربعي
ارجو اننا قدمنا الفايدة
أبا أضيف شي الا وهو صرفية البترول..
اعتقد ان النيسان يصرف أكثرمن الاستيشن بفرق بسيط
ولو تلاحظون ان تقنية صناعة النيسان شوي قديمة من ناحية جهاز التعليق..
وبعد سواقة الفتك وايد احلى عن الاستيشن وأريح
وسلمتوا
ياخوي
اليوني جيب كمبيوتر يركب على كمبيوتر الوكاله ويعدل الريشيو مال الهوا والبترول ويعطيك من 15 الين 30 هورس بوور زياده مع تقليل في صرفية البترول
واعتقد جيمته من 3000 الين 3500
وان شاء الله اكون افدتك
ماشالله عليكم مافيكم حيلة ونتريا المزيد من الشباب