انا حبيت اطرح هالموضوع لاني شفت بعض الشباب يمدحون النيسان فتك ويذمون الاستيشن وبعض الشباب العكس
من خلال هذا الموضوع نبا نسوي مقارنة بين الفتك والاستيشن اليديدة
ياليت الشباب يشاركون ويقولون رايهم بكل صدق وامانة يعني مب يجيني واحد يمدحلي الاستيشن ويذم الفتك وهو اصلا عمره ماجرب الفتك وكذالك العكس بالنسبة للفتك تلقاه يمدحلي الفتك ويذم الاستيشن وهو عمره ماجرب استعمال الاستيشن
يعني ماابغي الشباب الي متعصبين للفتك يقولون رايهم ويظلمون السيارة الثانية وكذالك العكس
وياليت تكون المشاركات في اطار وصلب الموضوع ومايطلع لبرع
بالنسبة للاشياء الي نبا نسوي مقارنه فيها بين السيارتين طبعا الفتك فل ابشن والاستيشن فل ابشن وهي وكالترتيب التالي
السعر جديد
الشكل
المواصفات والفخامة
الوسع من الداخل
المشاكل والاعطال
اسعار قطع الغيار
الاستعمال في البر او الرملة من ناحية الخفة والقوة وهذي اهم نقطة بالنسبة لي انا شخصيا
السعر مستعمل
ياليت المشاركات تكون على نفس الترتيب عشان يكون الموضوع شيق ومبسط في الشرح
النيسان احسن عن الاستيشن بسعره وركوبه ريف وللرمله مايتقارن بالاستيشن ودفريشن
بس عيب النيسان الوحيد الهواء من وين تسمعه مدري شوي ازعاج بس
السلام عليكم
انا عن نفسي اقول ان الفتك من ناحية الشكل احلى من الاستيشن بوايد والدليل على هذا الكلام ان الاستيشن اول ماطلع 2008 قالو عنه برادو على باجيرو لكن صح انه انتشر وهذا بسبب انه اسمه استيشن وتعودو الناس على شكله ومادري ليش بعض الناس يقولون ان الفتك شكله غلط ياخي والله احلى من الاستيشن .
واعيد واكرر الاستيشن احسن من الفتك من كل النواحي ماعدا القوه والشكل
سبحان الله
كلامك صحيح بس معنى ذلك ان المكينة مريحة وماتحكر شرات الفتك المفروض تكون مكينة الاستيشن اقل فصرفية البترول ولا تنسى ان خزان الاستيشن اليديدة يعادل مرة ونص من خزان الفتك الرئيسي
وعلى كل هذا تصرف اكثر عن الفتك
غريب امر الاستيشن في صرف البترول مقارنتا بالفتك
الشباب ماقصرو
بس فيه نقطه
مشكلة الفتك يدخل هوا والاستيشن يدخل هوا بس مب شرات الفتك