انا حبيت اطرح هالموضوع لاني شفت بعض الشباب يمدحون النيسان فتك ويذمون الاستيشن وبعض الشباب العكس
من خلال هذا الموضوع نبا نسوي مقارنة بين الفتك والاستيشن اليديدة
ياليت الشباب يشاركون ويقولون رايهم بكل صدق وامانة يعني مب يجيني واحد يمدحلي الاستيشن ويذم الفتك وهو اصلا عمره ماجرب الفتك وكذالك العكس بالنسبة للفتك تلقاه يمدحلي الفتك ويذم الاستيشن وهو عمره ماجرب استعمال الاستيشن
يعني ماابغي الشباب الي متعصبين للفتك يقولون رايهم ويظلمون السيارة الثانية وكذالك العكس
وياليت تكون المشاركات في اطار وصلب الموضوع ومايطلع لبرع
بالنسبة للاشياء الي نبا نسوي مقارنه فيها بين السيارتين طبعا الفتك فل ابشن والاستيشن فل ابشن وهي وكالترتيب التالي
السعر جديد
الشكل
المواصفات والفخامة
الوسع من الداخل
المشاكل والاعطال
اسعار قطع الغيار
الاستعمال في البر او الرملة من ناحية الخفة والقوة وهذي اهم نقطة بالنسبة لي انا شخصيا
السعر مستعمل
ياليت المشاركات تكون على نفس الترتيب عشان يكون الموضوع شيق ومبسط في الشرح
نصيحتي لكم الفتك أحلى من الاستيشن
وجهه نظر
سبحان الله
للرفع 000000000
خل النيسان الشكل اليديد ينزل و عقب قارنه بالشكل اليديد للإستيشن ,, و يكفي إنه النيسان فتك مصنع في اليابان ,, هب شرات الإستيشن تجميع إسترالي أو تركيب قطع في جبل علي و السعودية
انا من ناحيتي اايد النيسان للاسباب الاتيه:.
اولا النيسان الجديد بعد ماطرح في السوق علشان تكون هناك مقارنة.
ثانيا من ناحية الضمان وخدمة مابعد البيع انا اايد المسعود ولا اايد الفطيم لان المسعود سعره حلو واسرع في الفحص.
ثالثا اذا مثلا قلنا انا الاستيشن 245الف وينباع 215 هذا لان السوق رافع سعرهم السوق يعطيك اغلى من الوكالة فلما تروح المعرض تبى سيارة احيانا تحصل السيارة المستعملة اغلى من السيارة جديده في الوكالة وهذا شي ماتقدرون تقارنون فيه .
رابعا النيسان احسن سواقة في الرملة لاسباب عديده :.
خفه في الوزن .
دفريشن وليس اكسلات.
منول الدبل وليس اتوماتيك لان الاتوماتيك اي ضربة غلط يخترب اما العادي فتقدر تضرب وتقطع النقيان على راحتك ولا تحاتي شي.
اخر شي انا اقول مالكم حق بالمقارنة لان النيسان بعده مانزل.
والسموحة على الاطالة..