انا حبيت اطرح هالموضوع لاني شفت بعض الشباب يمدحون النيسان فتك ويذمون الاستيشن وبعض الشباب العكس
من خلال هذا الموضوع نبا نسوي مقارنة بين الفتك والاستيشن اليديدة
ياليت الشباب يشاركون ويقولون رايهم بكل صدق وامانة يعني مب يجيني واحد يمدحلي الاستيشن ويذم الفتك وهو اصلا عمره ماجرب الفتك وكذالك العكس بالنسبة للفتك تلقاه يمدحلي الفتك ويذم الاستيشن وهو عمره ماجرب استعمال الاستيشن
يعني ماابغي الشباب الي متعصبين للفتك يقولون رايهم ويظلمون السيارة الثانية وكذالك العكس
وياليت تكون المشاركات في اطار وصلب الموضوع ومايطلع لبرع
بالنسبة للاشياء الي نبا نسوي مقارنه فيها بين السيارتين طبعا الفتك فل ابشن والاستيشن فل ابشن وهي وكالترتيب التالي
السعر جديد
الشكل
المواصفات والفخامة
الوسع من الداخل
المشاكل والاعطال
اسعار قطع الغيار
الاستعمال في البر او الرملة من ناحية الخفة والقوة وهذي اهم نقطة بالنسبة لي انا شخصيا
السعر مستعمل
ياليت المشاركات تكون على نفس الترتيب عشان يكون الموضوع شيق ومبسط في الشرح
قال الشـــــــــــــــــاعر
خذلك فتك ياخي وخل المصخرة
الفتك شبابي النيسان من 88 وللحين الكل يدوره ويحب يسوقه
ثانيا في البرالموتر ما عليه كلام ابدااااا
وعند الاشاير تدور حد تتحرش فيه ؟؟؟
ووقت المسيرات دخااااااااااااااااااااااااااااااااااااااااااان
وعلى كل لفة بصمة سودة بطول 20 متر
مشكور عالرد
بس شو المواصفات الباقية الحلوة فيه … هل هي أنظمة ثبات ولا أنظمة ثانية …
الفتك مافيه نظام الثبات او الاتراكشن او مانع الانزلاق ولا باقي مواصفاته حلوة ولا باس بها
حبيت أسأل
هل الفتك فيه أنظمة ثبات ولا لأ … ؟؟