السلام عليكم اخواني بخصوص حليب اطفال بروجرس
ولدي عمره ثلاث سنوات ويشرب حليب بروجرس من هو صغير ولكن من فتره شريت علبه ماطاع يشرب منها ابدااااااا
طبعا طبيت الموضوع ويبت له علبه ثانيه شرب منها عاااادي
البارحه شريت من الجمعيه حليب بروجرس وانتاج شهر 8 الي طاف وماطاع ولدي يشرب يخبرني انه مب حلو …استغربت وسرت وشريت علبه ثانيه انتاج شهر 2 الي طاف (2008) شرب منه عااادي
طبعا سرت وقلت بتذوق طعمه وطلع غيييير عن الي يشرب منه ولدي فيه طعم مب حلو وكأنه منتهي مع انه انتاج شهر 8 (2008) وطبعا اللون فرق وااايد ….شو الحل مع انه نفس العلبه ونفس بلد الانتاج ومن نفس المكان من الجمعيه التعاونيه والحمدلله انه ولدي يفهم وخبرني ………شو الحل برايكم

8 thoughts on “منتجات بروجرس حليب الاطفال…كيف اشتكي”

  1. مرحبا

    امسات حرمتي تخبرني انه ما حصلت ستيج 2 لا في الجمعية و لا الكارفور لا دبي و لا الشارجة

    زين يوم انها ماخذه كمن قوطي

    امم مادريبه هالحليب

    سمعت بعد نان الي في الجمعية يختلف عن الي في السبينس مثلا

    يمكن الدول الي تنتجه تختلف

    أحينه حرمتي تقولي و انته ياي من الدوام هات وياك حليب امم مادري وين بحصله اتصلت بالرقم الي عطتني اياه حرمتي قالولي توه واصل المينا و بتحصله بعد يومين

    ليش هالحليب قليل في الجمعيات هل الطلب وايد عليه و الا شو السالفة

    ما قمت اداني أسير أشتريه يصويلي صدعة راس

    شكلي باخذ حق 3 اربع شهور و بخزنه لول بفتك

  2. انا ولدي نفس الشي بس لان عمرة سنتين ومايتكلم وانسويله كذا وحدة يمكن يشرب لين النص ويقول يع

Comments are closed.