منتجع النخيل الرياضي في العين !! اممم رياضي؟؟؟

السلام عليكم ورحمة الله وبركاته …

منتجع النخيل الرياضي في العين في منطقة قصر المقام ..

أتوقع البعض يعرفه ..

قررت أسجل في الجيم الي عندهم لأنه قريب من بيتي .. دقيقتين بس ..

المهم .. يوم دخلت .. شفت أول مبنى .. اسمه نادي الرجبي ..

دخلت علشان أشوف شو عندهم …

شفت مرقص ليلي .. والأصوات ما شاء الله .. لو تكلم أي حد .. محد بيسمعك من صوت الأغاني ..
والأجانب طايحين في الشرب الخمر .. والسوالف البطالية !! والريحة .. الله يعزكم بس !!

المهم ما عرفت وين مكان الجيم .. لأن الجميع مشغول في الرقص وشرب الخمر..

طلعت وكملت طريقي .. وشفت مبنى ثاني ..

كان مبنى الغولف .. بس قسم الغولف مسكر والمطعم مفتوح .. يوم دخلت المطعم .. ما شاء الله الكل مشغول بعد بشرب الخمر !! وللأسف المواطنين طايحين فيه شرب !!

والمطعم الي عداله نفس الشي .. الشباب كلهم يشربوا ومسوين يلسات شعبية !! وغرش الخمر في كل مكان ويوم شافوني .. تقول شافوا ملك الموت !! الظاهر الي منهم وفيهم يعرفونه من بعيد خخخخخخخخ

يحزنك يوم تشوف أخوانك المواطنين في ها الحالة الخايسة !!

الحين هذا هو المنتجع الرياضي الي حاشرينا باعلاناته؟ !!

وين الرياضة .. وين الخمر والمراقص ؟؟ !!

للأسف انه المنتجع أقيم في منطقة تابعة للقصر الرئاسي ((المقام)) وكانت فيه مزارع للدائرة الخاصة !!

تراني لين الحين .. مب مصدق .. مرقص وبار خمر قريب من بيوتنا ؟؟

لا حول ولا قوة إلا بالله !!

هذا الموقع http://www.palmsportsresort.com/