عندي سؤال لكم
اعرف مواطنة عندها اخت وحدة و مالهم حد بس الاخت طايشة اشوي و هي تبي تمنعها من السفر يعني تحط حظر عليها بس ما تعرف الاوراق المطلوبة عمرها 33 مب متعلمة و الطايشة عمرها 25 هههه حلوة اسم الطايشة صح
الوالد و الولدة متوفين و ماعندهم حد و هم من دبي وين لازم تروح؟ الهجرة؟ بس هي ما تبى اختها تعرف انها ممنوعة من السفر
هي بعد تخاف ان اذا اختها خذت الجواز و الادارة في المطار قالولها بالمنع انها تشرد منها
معقدة السالفة
لا يستطيعون منعها من السفر لانها مب صغيرة اما انه الاخت تخش الجواز فبعد هذا ممنوع و ممكن الطايشة تسويلها قضية اذا بغت لانه مب من حق اي حد ياخذ الجواز الا اذا جهة رسمية.
مشكورين لكل الردود و انا كتبت قبل بس اتحريت ابوها حي فهو يقدر ياخذ امر منع سفر بس ما كنت اعرف ابوهم متوفي هم اصلا صديقات اختي
اللي يبا الصلاه مابتفوته ،،،
أخوي Sir
شكلك راعي بطايق واصل
إذا عليك فاتورة في الإتصالات يبلغون عليك ويتعمم عليك في النقاط الحدودية وما تروم تسافر لين تدفع الفاتورة وتاخذ إعفاء من المحكمة
مافيه حد يقدر يمنعها إلا الشرطة .. يعني تكون عليها قضية أو فواتير اتصالات .. بس حتى فواتير اتصالات سهل التحايل عليهن ..
وبعدين ليش يعني ؟؟ إذا هي عمرها 25 سنة فهي مكلفة شرعا وقانونا .. يعني رب العباد يحاسبها ع الاثم و قانون الدولة يحاسبها ع الجرايم .. وإذا هي ما عقلت بروحها ما بتعقل إذا منعتوها من السفر أو غيره .. اليوم الحرام متوفر في البلاد وكود بعد .. للحرمة أو للريال موجود .. وسالفة السفر تحصيل حاصل ..
إذا هي حست إنها لازم تغير حياتها بتغيرها بدون منع من السفر أو غيره ..
والأفضل إن الاخت الكبيرة تدور طريقة تحسين وتصويب السلوك الغير سوي بدال البحث عن طريقة منع الاخت من الطيش…
وهذي عقدتنا نحن دايما نبا نمنع .. ما نبا نغير وازع الاثم الموجود في النفس البشرية .. والمنع ما يحل المشكلة بالعكس يزيد الطين بلة ويزيد الضغينة في النفس ..