والله يا اخوان انا ببدأ في قصه كنت حاضرنها ولا حد قالي عنها….
صار حادث جدامي عالكورنيش في بوظبي الساعه 2.45 دقيقه….حادث بسيط…اخ سوري واخ اوروبي (ما عرف شو جنسيته)…
المهم…الاوروبي تم في السياره والسوري اتحمدناله بالسلامه…وصلوا اصحاب المرور…نزلوا من السياره وانا واقف ..سلم عالسوري….بدون ما يتحمدله عالسلامه…وبعدين:
ليسن والملكيه…(بدون لو سمحت)…
السوري: اتفضل..0عطاه الليسن والملكيه)
اتحرك الشرطي للاوروبي (وبدت المسرحيه)
الشرطي:الليسن والملكيه….
الاوروبي: what??
الشرطي: ليسنس بليز…(ما كمل لانه ما يعرف الملكيه بالانجليزي)
حرك الشرطي واتجهوا لسيارة الشرطه…وبعد 5 دقايق وصلت دوريه ثانيه….ونزلوا 2 واتجهوا للاوروبي….
المهم طلبوا منه الملكيه….المفاجأه انهم اكتشفوا ان الاوروبي سكران….يعني لازم يتفاهمون معاه ويقولون له تعال معانه…ردوا كلهم وانتظروا 15 دقيقه تقريبا…
وصلت دوريه ثالثه..وفيها ضابط…وتعالوا اسمعوا…والله العظيم يا جماعه اني احترقت يوم سمعت السوري يضحك مع ربعه على افراد الشرطه…ورحت عسب اساعدهم….”تبون اي مساعده يا اخوان” تدرون شو قالوا…:ما في داعي اخوي
شو رايكم؟؟ّّّوفي 3 قصص ثانيه في دبي والشارجه وابوظبي
بالتأكيد دبـــــــــــــــــــــي … أنا هذا رايي …
بصراحة شرطة ابوظبي اذا كان الشرطي مواطن ميقصر يعني يبيلك تتفاهم معاه بكل هدوء لاكن اذا كان وافد الله يعينك اخالفك يعني ايخالفك وتحذروا من اصحاب الدراجات يعني مايرجع الي مخلص الدفتر كله والتفاهم معاهم صعب دبي ماعليهم كلام والشارقة متفاهمين
انت متحـــيز
من خــبرتي شـــرطة دبـــي فقط هي الأفضل و الفرق شاسع و لو إنـــي من العـــين
لوا سافرتوا باتعرفوا معني الذل من قبل رجال الشرطه الحمد لله على النعمة
والله العظيم هذا هو الكلام …. فديت بلادنا والله ،، وكل شي في بلادنا ،، حتى لو كان في نظركم ..؟؟؟!!
والله العظيم اللي يسافر برع البلاد يعرف قدرها وقدر الخير اللي فيها .
الحمدلله على النعمة .. الحمدلله على النعمة .. والله يطول في أعمار شيوخنا ،، والله يرحم أبونا زايد .. سوالنا سوق في كل بلاد ،، كفاية تقولهم إنك من الإمارات .. وأنا شخصيا حصلى موقف من أسبوع ، وبصراحة حسيت فيه بقيمة البلاد .. والموقف : إني كنت مسافر إلى إحدى الدول العربية وميود هالكاميرا وطايح تصوير ( مب مصدق .. عندي كاميرا ديجتال خخخخخخخ) وانشالله نمر من جدام القصر الجمهوري مالهم وأنا ما عندي خبر .. وطايح تصوير في كل شي .. وفجأة طلعلنا شرطي ،، من وين ما أدري ؟؟ وقال : من اللي كان يصور ؟؟ قلتله أنا ،، قال : وين الكاميرا ؟ طلعناله الكاميرا .. خذها ( وشكله بيضربني ) وقال امشي وراي .. مشينا ومشينا ومشينا .. آخر شي قلناله تعال اركب معانا بنوصلك ( الشعب في خدمة الشرطة ) ووصلناه إلين …. لا أسلوب ، ولا غيره ،، ولا أول ولا تالي ؟؟ تقول زاخين إرهابي .. المهم كلام في كلام ،، قلنالهم يا جماعة نحن من الإمارات ويايين يومين ومروحين ، ومن عرفوا إنا من الإمارات تغيرت ملامحهم .. مثل اللي استحى أو فرح إنه شاف ناس من الإمارات .. والله ما كملنا خمس دقايق إلا ونحن في السيارة وكل شي منتهي .. وتذكرت على طول … الشيخ زايد الله يرحمه .. وقلت ( الله يرحمك يا أبونا .. سويتلنا احترام وسوق في كل بلاد )
يا جماعة .. والله نحن في نعمة .. وتذكروا دايما ..” كما تكونوا يولٌ عليكم “