أولا كل عام والجميع بخير وعيدكم مبارك … أحب أطرح هذا الموضوع وعسى يلاقي التفاعل منكم … طبعاً
بعد كم شهر راح ينطلق شاعر المليون النسخة الثالثة إن شاء الله … لو كان بيدكم منو تحبون
يشارك من شعراء الإمارات وتتوقعون أنه راح يكون منافس قوي لشعراء الدول المشاركة واللي ممكن راح يحصل دعم قوي من جمهوره …
ولماذا ؟ أرجوا ذكر إسم الشاعر اللي تشوفونه لو دخل المسابقة راح يكون قوي وممكن يشرّف الإمارات وياخذ البيرق والتوضيح
لماذا . بعض الأسماء المقترحة:
جمعة بن نايم الكعبي
علي الخوّار
محمّد المر بالعبد
سعيد بن دري
محمّد بن طنّاف
وإذا عندكم أسماء ثانية حطّوها
تحياتي لكم
ريانة العود .. ستشارك بإذن الله في هذه الدورة من برنامج شاعر المليون
يعجبي القــــاء وكلمــات الشــاعره المميزه ريــانه العــــود ،،،،،،
حضــورها قوي جدا …واسلوبها جدا معبــر وجاذب ….
بالاضافه إلى ان الكلمات منتقــاه وذات معاني عميقه …..
اتمنى لها المشــاركه …لامتــاع المسابقه وكمال جماليتها ….
ويا مرحبــا الســـاع ،،،،،،،،
حمدان السماحي أحد شعراء العصر الجميل
له العديد من القصائد الرائعة
سأحاول الحصول على بعضها وعرضها هنا
بإذن الله
أعتقد تقصدين مداخلتي أنا ؟
إذا تقصدينها أرجو انج ترجعين للمداخله وتقرينها عدل لأني ماذميته .. مدحته
وهوه من الشعراء اللي احترمهم و تفضلي بعض قصايده :
المعركه
كلّما قالت النيران هَل من مزيد
———— قلت يا (نوح) أكْثَرْ أمّتك مشركه
من كفَر بالله الرحمن يحسَبْ فقيد
———— مثل من يرمي بْنَفسه على التهلكه
تحمِلْ الفِلْك من هُم آمنوا من عبيد
———— والذي يكفر بْرَبّه يا (نوح) اتركه
ذَرْ عجوزٍ وَلَدْهَا ما بقى له حفيد
———— دام ما طاع شورك.. ما وَرَاه بْرِكه
الوَعَدْ يا (سفينة نوح) غير الوعيد
———— والممالك لها معنى عدا المملكه
شِفْت بعض الصعاليك أبدعوا بالنشيد
———— لاجل هذا بديت أتْقَبَّلْ الصعلكه
كلّما قالوا الشَّعَّارْ ما من جديد
———— قلت: أكْثَرْ بيوت الشِّعر مسْتَهْلَكَهْ
قِلْت لِلّي يظن أنّه على الشِّعر سِيْد
———— نحن نَفْتِقْ لك المعنى لاجل تحبكه
كم دعوك الكرام وْسِقْت عِذْرٍ زهيد
———— بعض الاعذار تحمِل نَبْرِةٍ مِضْحِكَهْ
ما تنزَّلْت.. والاَّ خِفْت بَحْرٍ عنيد
———— يدركك موج تيّاره قبل تدركه
لا يا (بوزيد) عذرك لو حمدته طريد
———— مثل عذر المنافِقْ حَزّةْ المعركه
ثوب عرْضك ولو زَلّيت يبقى نضيد
———— عرْض الانداد لو يخطون ما نهتكه
لابتك ناس ما نقبل بهم دَمّ جيد
———— والله أنّا لَنَسْفِكْ دَمّ من يَسْفكه
ما هنالك دخَان بْدون نارٍ تقيد
———— والرصاص ان خطا ضلع البتيل اربكه
القصايد تِعَنَّى لك ولو من بعيد
———— تبرِقْ فْـ (بوظبي) وِتْهِل في (فيلكه)
إفْرِكْ إيْدِكْ على خاتمْك دامه حديد
———— في يدي خاتم (سْليمان) لا تفركه
تسعفك عالقصيد الإنس.. واحنا القصيد
———— تسعف أمّه علينا جِنّ وِمْلايكه
وانت يوم أن روحك حشرجت بالوريد
———— إسْلِكْ الحَق والاَّ خَلّها تسلكه
كل من مات في (طشقند) خِلْته شهيد
———— وش لك بـ (أوزباكستان) والأزبكه
مَسْجِدِكْ عند هَلْنا إسمه أصْلاً مِسِيْد
———— نقلب الجيم (يَا) والثابت نْحَرّكه
نزعَلْ إن صارت الحيتان من صيد لِيْد
———— وانت فرحان لانّك صدت ذيل سْمكه
أمسية عام الاوّلْ شِعْر وِكْلاب صيد
———— الشِّعر مَعْ كلاب الصيد لا تشركه
أكثَرْ الجَمْهَره.. حَشْرٍ مَعَ الناس عيد
———— وَلَّفْ العيد لك جمهور ما تملكه
صار ما لا توِد وجاك ما لا تريد
———— والذي ما قدرت لْقَافيَتْه اشْتكه
اشتك الدرب لى حَدّك على خشم حيد
———— وانْدِبْ الحَظ لى عَقّك بوسط شْبكه
وش بلا الأرض قامت بك تدور وْتميد
———— إركب أكْبَرْ خيولك والسحاب ارتكه
ناب نمْرك على القرطاس كيده شديد
———— رِد نمْرك عن القرطاس لا يعلكه
أشْهَد أنّك على سَبْك السوالف فريد
———— لكن الشِّعر طبّه.. وش تبى تسبكه
طَبّلوا لك على الصفحات (زيد) وْ(عبَيْد)
———— وانت تحتاج للتَّطبيل والفبركه
إسطوانَتْك مَكْسوره تقول وْتعيد
———— ودها تمسِك المعنى ولا تمسكه
——————————————————————
صباح الوطن
لعل القصيد اللى تناشى من الوجدان
يغنّم قلوبٍ تنتمي له وتبرى له
قلوبٍ على حب الوطن تشتعِل نيران
إذا قيل من يفدي الثرى.. طيّبت فاله
صباح الوطن سَل عن صباحه غريب أوطان
يجاوبك وعيونه تعبّر عن أحواله
شَرَفْ الارض عَرْض ومن تهاوَنْ بعرضه هان
ومن ذلّت أرضه ما تعلّت به أمواله
حقوق الوطن ترجح على كفّة الميزان
تهون المنايا دون حَبّه من رْماله
ويبقى العَلَمْ عالي.. ولو كان مهما كان
يخز الغيوم.. وتبطي الشمس تختاله
ومن كان في وقت الرخا يتبَعْ الدلهان
تهب الخطوب.. وهو على دولته عاله
ثرى الدار يغريه السنافي من الفتيان
إذا صكّت الحلقه.. وقالوا من رْجاله!
يبان الدويني.. والمذب التليد يْبان
نهار (أم قشعم) تطلب الحتف وتناله
تخال القروم نجوم ليلٍ تخَبْط الجان
لواهيبهم في ساحة المجد نَزّاله
ويبقى الردي في حضن بيته يجر ألحان
يبيع العزوم.. وتشري أعذاره أقواله
وكم طير نفسه غَرّته واسْدَل الجنحان
يبى يلحَقْ الحر النداوي ولا طاله
—————————————————————-
الوطواط
يا ليت الردي حطوا ضلوعه على مخباط
يا ليته قطع قبل امه تنعم قماطه
ردي كلما قلط بقوله رجعت أحتاط
أنا انكرت قوله وانكر القلب مقلاطه
يبي الناس تفرش له على كل درب بساط
مع إن الثنا لا مر صوبه ولا حاطه
يساعدك باطك وش تبى الريش يا ” الوطواط
ومن كان مثلك يسعفه للسما باطه
——————————————————————————
همي وبل (زايد) وانجلى الكروب عن (زيزون)
برق في الإمارات .. وهمي بارض (سوريا)
حيت به شعوب وحيته عن سماه مزون
غشيم الى عدى ب ..(زايد) ولا حيا!!
يحيون (زايد) من (مراكش) يلين (دمون)
ومن ساحل أهل العاج لاطراف (تركيا)
ومن غرب (تركيا) باسم (زايد) يحيون
هل (البوسنه والهرسك) أنداد (صربيا)
ولازال (زايد) قبلة العزوين يكون
ولا زال زي العز بازياه يتزيا
موازين طيبه ما خلطها بكيل وزون
يسوق الثنا من طيبه ويدحر السيا
بليا رسن عزمه .. وحزمه بليا هون
وكل وله عيبه .. لكن (زايد) بليا
يمد (الفلاحي) أجنج الطاير الميمون
علشان العرب بظلاله الورف تتفيا
توارف ظلاله مثل عود ورف بغصون
ومن حب يتليا بيمناه .. يتليا
وصوفه تقر لها عقول وتقر عيون
لها ري بقلوب الشعوب ولها ريا
جمع خيل (زيد) ونار (صخر) وندى (المامون)
و(سيف ابن كلثوم) ودروع (ابن عاديا)
وفي، حر، غر، محنك، مثيب، مدهل، عون
سخي، ساس، راس، أبلج، بهي، طلق المحيا
إذا مال فعل الدهر وامسى كما العرجون
تقول المكارم : يا جيوش الفخر هيا
وانا اقول خل اللي على قدهم يحكون
على قدهم .. واللي يبى المجد يتهيا
وهذا العلم دونه محافل ودونه دون
على اكتاف (زايد) عانق أطراف الثريا
تحت رايته ناس يقولون ويطولون
سموا للوغى من كل قرم عرابيا
يمدون في وجه المسالم غصن وزيتون
ويمدون خشم النار في وجه من عيا
عليهم سلام الله عدد ما تهل مزون
وعدد من تعزوى باسم (زايد) ومن حيا