السلام عليكم

يوم الخميس كنت سايرة الميجا مول بعد ما لعبت الصغارية سرت انا وبو العيال صوب المطاعم نبا نتعشى وكانت الطاولةعليها صحون مال ناس قبلنا.. شلينا الصحون وشفنا كيس على الطاوله .. قلنا بنعطيه لسكيورتي قلت لريلي لا اتريا يمكن يردون اصحاب الكيس .. اترينا لين 11 الا ربع ما حد مر .. طبعا انا سرت المحل وسألت عن سعر وووووو…. المهم عرفت ان اللي مشتريتنه وحدة ياية مع ريلها وهي من بوظبي .. و انا عطيت للي تبيع رقمي عسب اذا يت الحرمة تسأل تعطيها رقمي
فاللي ناسية او ناسي ,, اوتعرفون حد نسى شي ايراسلني ع الخاص عسب ارد له غرضه .. فلازم تذكرون لي شيئين من اوصافة .. وياليت اذا تعرفون حد كان الميجا من ربعكم او اهاليكم ساير تسألونهم لأنه حرام بيتم بذمتي سنه كاملة .. لأنها تعتبر لقطه في حكم الشرع..
ولا تقولون اللقطة حلال لووووووووووووول …لازم تمر سنه وخلال السنه واخبر الناس عنها ……. بعديييين بتكون حلال عليه ….
وحتى لو مرت سنه و محد نشد عن الغرض بصدق بقيمة الغرض …….

وانا حطيت الموضوع في هالمنتدى لأن اعرف وايدين يدخلونه . وبليز اللي يشوف ان رده في نوع من الدفاشه احسن له ما يرد..

19 thoughts on “منو اللي نسى شي بالميجا مول يوم الخميس تاريخ 18/12بالليل!!!”

  1. عسى ربي يجزيج على قد نيتج

    ما قصرتي

    ومن الافضل لو رديتيه للسيكيوريتي وهم بيتصرفون

    حتى تبرين ذمتج

    الله يحفظج ويحفظ لج ابو العيال ويحفظ لج العيال

  3. الموضوع غريب وتصرفج اغرب

    الي افهمه من الموضوع انج حريصه على ارجاع الغرض لاصحابه ..

    لكنج متناقضه في تصرفج انج مااعطيتيه سكيوريتي المركز

    لان الي ينسى شي في اي مركز

    اول مكان بيسال عنه مركز الامن الي في المركز

    مب ايدور عنه في المنتديات

    الله يهديج

    الي اشوفه تردين الغرض المركز وتبرئين ذمتج

    واذا الغرض سعره غالي وانتي مب واثقه من الامن الي في المركز

    سلميه للشرطه وحطي رقمج عندهم عسب تتاكدين ان اصحابه استلموه

    والسموحه منج

  4. السلام عليكم

    انا ما برد بدفااااشة بس بعلق تعليق خفيف …..

    نسبة وجود الشخص و أحد معارفه بالمنتدى هي 2% و يمكن أقل كككككك

    عل عموم الله يوفق الجميع و تحصلين صاحب هل ” شيئ “

  5. كان المفروض تسلمينه للمحل أو السيكيروتي وهم يتصرفون فاحتمالية كبيرة يتصلون بالمحل أو المركز للإستفسار عن غرضهم

    خالص الاحترام

Comments are closed.