السلام عليكم
يوم الخميس كنت سايرة الميجا مول بعد ما لعبت الصغارية سرت انا وبو العيال صوب المطاعم نبا نتعشى وكانت الطاولةعليها صحون مال ناس قبلنا.. شلينا الصحون وشفنا كيس على الطاوله .. قلنا بنعطيه لسكيورتي قلت لريلي لا اتريا يمكن يردون اصحاب الكيس .. اترينا لين 11 الا ربع ما حد مر .. طبعا انا سرت المحل وسألت عن سعر وووووو…. المهم عرفت ان اللي مشتريتنه وحدة ياية مع ريلها وهي من بوظبي .. و انا عطيت للي تبيع رقمي عسب اذا يت الحرمة تسأل تعطيها رقمي
فاللي ناسية او ناسي ,, اوتعرفون حد نسى شي ايراسلني ع الخاص عسب ارد له غرضه .. فلازم تذكرون لي شيئين من اوصافة .. وياليت اذا تعرفون حد كان الميجا من ربعكم او اهاليكم ساير تسألونهم لأنه حرام بيتم بذمتي سنه كاملة .. لأنها تعتبر لقطه في حكم الشرع..
ولا تقولون اللقطة حلال لووووووووووووول …لازم تمر سنه وخلال السنه واخبر الناس عنها ……. بعديييين بتكون حلال عليه ….
وحتى لو مرت سنه و محد نشد عن الغرض بصدق بقيمة الغرض …….
وانا حطيت الموضوع في هالمنتدى لأن اعرف وايدين يدخلونه . وبليز اللي يشوف ان رده في نوع من الدفاشه احسن له ما يرد..
الله يجزيج الخير
اقترح عليج اتردين الاغراض باسرع وقت لانه صاحبه ممكن يسال عنهم خلال ها الايام واذا فقد الامل بيستخلف الله
نادرا مانلاقي شخص أمين هالأيام
وهالكلام ينطبق للسيكيورتي وراعي المحل (وخاصة لو كانوا موب عرب وموب مسلمين)
الأخت في رأيي سوت الصواب
وخاصة لما تركت رقمها عند المحل ،،، ومع ذلك خوفي يكونوا اللي بالمحل مافيهم خير ومابيتصلون لو حد سأل عن الأغراض
ومع ذلك هذا أفضل من أن نترك الأغراض بيد الغير ،،، لأنهم بياخذون الأغراض لهم بدون مايسألون عن صاحبها
أما نحن المسلمين والعرب والإماراتيين فحمدلله ديننا علمنا الأمانة
هب شرات الآسيويين وغيرهم ، من شافوا شي خذوه بدون مايسألون عن صاحبه
هذا رأيي ونظرتي للموضوع والسموحة
ويا أخوي UNISCO
لما الأخت حطت هالموضوع فهذا الشي إيجابي
أسباب كثيرة ومن الأسباب هي :
أنا الحين بقول للأخت اقتراح ممتاز:
ليش ياختي ماتسويين إعلان بالجريدة عن المفقودات وبإذن الله حد من أصحاب الأغراض بيقرأ هالخبر ..
المفروض تسلمه للسيكيوريتي و ادارة المركز دايما عندهم قسم ” مفقودات و موجودات ( لوست اند فاوند) ” و هالشي رسمي و يتم توقيع اوراق بالاستلام و التسليم و تصرف الاخت كان خطاء و لكن تشكر طبعا لانه النية سليمة.
شو الغريب في الموضوع؟
ثانيا الاغراض اذا كانت غالية او مب غالية السيكيورتي شو بيسوبها؟
يمكن ما يكون مسلم وما يخليها عنده سنه والشرطة اخوي مب صندوق امانات كل ما ضاع غرض وديته عند الشرطة ؟
الحرمة بغت تسوي خير وتشوف يمكن في امل انه راعي الاغراض من زوار المنتدى
والسموحة منك