السلام عليكم
يوم الخميس كنت سايرة الميجا مول بعد ما لعبت الصغارية سرت انا وبو العيال صوب المطاعم نبا نتعشى وكانت الطاولةعليها صحون مال ناس قبلنا.. شلينا الصحون وشفنا كيس على الطاوله .. قلنا بنعطيه لسكيورتي قلت لريلي لا اتريا يمكن يردون اصحاب الكيس .. اترينا لين 11 الا ربع ما حد مر .. طبعا انا سرت المحل وسألت عن سعر وووووو…. المهم عرفت ان اللي مشتريتنه وحدة ياية مع ريلها وهي من بوظبي .. و انا عطيت للي تبيع رقمي عسب اذا يت الحرمة تسأل تعطيها رقمي
فاللي ناسية او ناسي ,, اوتعرفون حد نسى شي ايراسلني ع الخاص عسب ارد له غرضه .. فلازم تذكرون لي شيئين من اوصافة .. وياليت اذا تعرفون حد كان الميجا من ربعكم او اهاليكم ساير تسألونهم لأنه حرام بيتم بذمتي سنه كاملة .. لأنها تعتبر لقطه في حكم الشرع..
ولا تقولون اللقطة حلال لووووووووووووول …لازم تمر سنه وخلال السنه واخبر الناس عنها ……. بعديييين بتكون حلال عليه ….
وحتى لو مرت سنه و محد نشد عن الغرض بصدق بقيمة الغرض …….
وانا حطيت الموضوع في هالمنتدى لأن اعرف وايدين يدخلونه . وبليز اللي يشوف ان رده في نوع من الدفاشه احسن له ما يرد..
تصرف خاطئ منج…
يعني لو انا صاحبة الكيس أكيد باليوم الثاني بروح عند السكروتي وبنشد عن الغرض بما أنه نفس اليوم كان الوقت متأخر…
وأكيد السكروتي بيقول ماجفنا شي لأنه الغرض عندج أنتي.. ولين الحين عندج ومضى على الغرض عندج يومين…وبعد بتخلينه سنه كامله…
يعني أكيد مابحصل الغرض..
السكورتي موجودين لها الشي… عيل لو حصلتي ياهل ضايع في المول بتشلينه وبتودينه البيت واتخلين أهله يدورون عنه في النت ….!؟ ولا بتخلينه سنه كامله عشان يستوي ولدج….!؟
أخوي القلم الحر،
مع إحترامي الشديد لقلمك، بس أشوف إن المقارنه اللي حطيتها مجحفه للأسف.
السبب إن المركز حاط صندوق أمانات خاص لهالمواضيع، في حين إن المطعم مجرد محل لبيع المأكولات فقط. هل ندرج ما فعله الهندي في المطعم على كل المراكز اللي فيها صندوق أمانات ؟
و لو فرضنا إن كل شخص عمل بمشورتك، فما أعتقد إن بيكون للصندوق هذا فايده.
مثال،
نفرض انك سمعت أن أحد أفراد الشرطه أساء إستخدام وضيفته و قام بإخبار عصابة ما متورطه بالقضيه بمعلومات مهمه أفاد بها أحد الشهود و الذي بدوره أدى الى قتل هذا الشاهد.
هل سيكون هذا دافعا لك بأن تنصح الناس بأن لا يدلوا بشهاداتهم للشرطه في القضايا الأخرى خوفا من القتل؟
من رأيي،
الأخت لازم تودي الغرض للمركز فورا.
همممم بس عيل اذا كل واحد خذا اغراض غيرة وروح محد بيحصل اغراضه
المفروض يعطيه لمكتب الامن بشهادة الجميع يعني ما بعطيه لللسكيرتي اللي يدور في المول
بس ما يصير يا خويه انه الواحد يشل الاغراض ويروحبهن يمكن الاخت اتاخر عليها الوقت ومارامت اترد ويتا اليوم الثاني الصبح ودورت عليه على طول بتحط في بالها انه الاغراض انسرقت وما بدور عليهن مره ثانيه لكن لو الاخت الكريمه اللي حصلت الشيء سلمته على طول اكيد حد بيكون له علم بالموضوع
يا الله ان شاء الله صاحب الشأن يقرأ ويانا الموضوع
والله أني معاج بالفكرة ،،،، لكن ياختي هل الأشخاص اللي بالمحل عندهم أمانة وأمينين للأغراض ؟؟
يمكن ياخذون الأغراض لهم ويقولون للناس أنهم ماشافوا شي …
شرات ماحصل بمطعم ( !!!!!!!)
واحد من ربعي لقى موبايل فوق الطاولة وعطاه للعامل بالمطعم ،،، على أساس يرجعه لصاحبه وبعد يومين لقى العامل يستخدم الموبايل ،،، يعني خذ الموبايل له
معقولة صاحبه ما سأل عنه ؟؟؟
معقولة الموبايل جديد وغالي وصاحبه مايمر يسأل عنه ؟؟؟
أكيد العامل خذ الموبايل له وقال للباقيين أنه ماشاف شي …
هالأيام ماحد يأمن بالهنود وغيرهم
طالما موب مسلمين وطالما ماعندهم دين يعلمهم الأمانة
والسموحة عالمداخلة مرة ثانية
من ردود بعض الاخوان
اقترح تغيير اسامي السكيورتي في المراكز الي حراميه
لان الظاهر من كلامهم ان اي شي يوصلهم ضايع ايحطونه في مخابيهم ويودونه وياهم البيت
واي حد يلقى شي يعلن عنه في الجرايد والانترنت
ويفضل بعد في اخبار الامارات وعلوم الدار
وبعد في عمود سامي الريامي في الامارات اليوم