منو جرب الانتر ليزك يفيدنا!!؟

11 thoughts on “منو جرب الانتر ليزك يفيدنا!!؟”

1. ان شاء تقوم بالسلامه
   محشش يقول الكحول مفيده للنظر قالوا كيف !!! قال ياخي يوم اشرب اشوف الواحد اثنين

2. مشكورين

   راعي الهوى انا مسوي فحص ومخلص

   اللهم باقي العملية وبس

   بسويها في مستشفى الاسباني الملكي فالبطين ابوظبي شوديني جميرا ههه

   مشكورين

3. تفضل بعض الردود يمكن تستفيد منهااا وتفيدك

   معااااافي ان شاااء الله … واجر وعااافيه

   عاد انا سالفتي سالفة ويا الانتراليزك .. سويتها تاريخ 29-6-2008 وكنت وايد وايد متوتره لاني شفت العملية ع النت وها اللي زاد خوفي.. سويتها فمستشفى زايد العسكري اببلاش طبعا ..

   حليلي سرت بروحي لان الوالده كانت رادة من السفر وتعبانه واخواني وخواتي عندهم دوامات ف ماحبيت اعطلهم .. يوم دخلت غرفة العمليات متتتتتت خوووووف خاصة يوم لبسوني ها اللبس الاخضر مال العمليات ودخلت الغرفة وانصدمت اكثر لانها كانت شرات غرف العمليات اللي نشوفها فالتلفزيون

   غرفة فاضيه تقريبا وشبرية فالنص والليتات فوقي.. عطوني حبوب تهدي النفسية بس ماحسيت اني هديت إلا بالعكس زاد خوفي .. ومن انسدحت وبندوا الليتات بديييييييت الحنه وقعدت اصييييييح مب من الخووووف لا لا .. لاني فكرت اني بروووووحي ومحد يا وياي يعني اذا استوابي شي والعياذ بالله بكون بروحي

   بصراحه الدكتورة كانت نفسيتها زفت وما كانت تهديني .. عاد دموعي كانت اربع اربع مااااااوقفن وهي قعدت تصارخ وتقولي بسسس خلاص لااتدمعين عشان نبدا وكل ماترفع صوتها تزيد دموووووعي ..

   اللي قهرني فالسااااالفه انها كانت اتدخل وايد اشيا فعيني بدون لاتخبرني وتقولي بشو بحس.. ف كانت ردة فعل طبيعية مني اني اغمض عيني كل شوي وهذا اخطر شي طبعا فالعملية…

   كانت طول العملية تسوي شغلها وهي تتأفف! عكس دكتورة ثانيه سمعت عنها فنفس المستشفى قالولي انها وايد اوكي وانها وايد تشجعج فالعمليه وتهدي نفسيتج وتقولج بشو بتحسين وتشرح كل شي قبل لاتسويه .. بس حليلي انحطيت عند وحده وايد عصبية … هي شغلها وايد اوكي بس مشلكتها تعصب بسرعه ..

   قعدت ساعه بالضبط لين طلعت بالسلاااااااامه والحمدالله ان كل شي عدى ع خير .. والحين النظر 6/6 ولله الحمد .. نصيييحة اهم شي الوحده تلتزم بالقطر لانها نص العلاج …

   السموووووحه طولت عليكن بس حبيت انقلكم تجربتي انا بعد مع الانتراليزك

   /

4. أول شي تأكد ان قرنيتك سميكه ومش رقيقه ..ثاني شي ، خلك بعيد عن المركز الدولي في جميرا اللي جدام ميركاتو ..
   والافضل تروح بعد ما تسال كمن دكتور ….والله يسهلها عليك ….

5. الله يسهلها عليك إن شاء الله

Comments are closed.