منو سهران و متفيج يسمع عيوز تتشكى؟

16 thoughts on “منو سهران و متفيج يسمع عيوز تتشكى؟”

1. شوفي اختي………
   انا كنت اشتغل بشركة كبيرة ومعروفة في راك واستقلت للأسباب التالية:
   أولا: شركة خاصة فقلت القطاع الحكومي أفضل للمواطنين
   ثانيا: الدوام طويل وبعيد عن البيت كنت أرد البيت جريب المغرب
   ثالثا: الاهل مب راضين اتم يبوني استقيل والسبب الاختلاط والبعد عن البيت مع اني كنت مرتاحة نفسيا ومديري وايد زين ومتعاون ويايه دايما يشجعني ويبغي يرفعني ومع ها استقلت!!

   فانصحج بما ان البنك ربوي استقيلي لانج ما بترتاحين فيه وان شالله الله بيعوضج بشغل فيه البركة والراحة النفسية

   الا هو بنــــــــــــــــــــك

2. طبعاً بعد رد متعني ومتصرف

   ما ظني تبين رد اقوى عنه

   ثانياً …

   يا اختي تمي في شغلتج لين ما تحصلين شغله ثانيه صعب انج اتكونين متعوده على راتب ينغنغج وبعدين تفقدين ها الدخل !

   ليش ما تقدمين في مطار دبي ؟

   ما ادري ليش عندي احساس انه عندهم شواغر
   بس نصيحه لا اتقدمين عن طريق النت صدقيني محد بيعطيج ويه !

   سيري في يوم اوفج ونشي من الصبح ودوري على الاماكن الحكوميه كلها يمكن انسب لج بعد…

   بلديه دبي ! ماشاء الله دوم اتوظف

   ادعي الله والله بيوفقج بشغله ما تحلمين فيها

   والله يوفقج اختي

3. الظاهر انتي فيج اعراض الضغط الله يبعده عنا وعنج.

   ومن العلاج, ابتعدي عن العصبية. كثري من الابتسامات. والاحياي لا تخلينه دون شرات رقم 7. خليها على شكل رقم 8, بالعربي. وبييج ارقاد لها السبب, ارقدي.

   انا اقول من تجربه فقط. ما ادري اذا في علاج غير الحبوب ولا.

   وبما انج مالج حاجة للشغل, انصحج لا تشتغلين. او سويلج شي اننتي ترتاحيله في لبيت.

   بالنسبة للصرصرة, انا يوم ولدي يصرصر حذالي افره من على الشبرية.

   زين يوم خبرتينا عن الاسباب, اخافه الا يفكر وايد.

   ولا تحاتين ظروسج, ترا يسوون ظروس تركيب الحين.

4. هذا ردّي باللون الأحمر.

   صبحكم الله بالخير صبايا و شباب

   اصبحنا و اصبح الملك لله

   اكيد تقولون هاي شو موعنها نص الليل

   بصراحه يعني و ترا الصراحه راحه ….انا ما رقدت لان كنت افكر

   ياخي موضوع شغل البنك ها مب عايبني …مع ان ما اسوي شي و دوامي متأخر و طول النهار مجابله منتديات …بس حاسه اني مب مستسيغه الشغله اللي ناوين يدربوني عليها << يمكن انا مب ويه شغل؟

   كلامج صحيح، إنتي مب ويه شغل.

   هذا و الله اعلم!!

   مع ان اونه حاطيني في مكان راقي في البنك و حركات و سخافه و اصلا حتى ماشي عندنا ضغط شغل و لا شي…الا مجابلين الكمبيوترات و فاجين حلوجنا

   كل اللي في المنتدى شراتج،
   عيل لو كان عندهم شغل و مضغوطين، بتلقينهم كل يوم مجابلين المنتدى ؟

   الموهيم
   كنت انبش في النت و قدمت كم مكان حكوميات …..و شفت موقع فيه اشغال للمواطنين …اغلب الوظايف في بوظبي و يا عيني على الرواتب …يعني نحن هل دبي نستلم معاشات فراريش بوظبي
   
   شوفي،
   أنا كنت أداوم في بوظبي، و من شهرين إنتقلت عيمان.
   صحيح إن الرواتب هناك عاليه، بس تفتقدين الراحه النفسيه. لأن بيتج في إماره و دوامج في إماره ثانيه تبعد 200 كم.
   أوّل الأيام بتشوفين الوضع عادي، بس عقب بتكرهين حياتج.

   الحينه انا ابا اتفجج من شغلة البنك هاي بس كل حد يقووولي تمي في شغلج << من هلي يعني
   نصيحة أخو،
   إن كان البنك ربوي، تخلّصي منه حالاً. لكن إن كان إسلامي، لا تفكرين تطلعين إلا إن لقيتي شغله ثانيه.

   مع إني شخصيا، ضد عمل المرأه إلا بشروط و ضوابط شرعيه.
   

   قلت بسوي خطه…خل يقبلوني مكان ثاني و بسير اداوم عندهم و اذا عيبني الوضع بستمر

   يعني مب حاله هاي …كل يوم انا يا متأخره…يا شارده من الدوام..يا ظاهره من وقت…يا راقده في البيت و مسوتلهم طاف …

   يعني موضوعي صعب للغايه
   
   هي والله، وضعج صعب للغايه. وايد تعانين وحليلج.

   عيل لو كارفينج شو بتقولين.

   و الاخس من هذا << انا انسانه اصرصر على ضروسي و انا راقده يوم انضغط…و من اسبوع يايني ويع مب طبيعي في الاسنان..سرت عند الدختر و ما ظهرت فيه عله…خبرته عن موضوع التصرصير و سوالي اشعه..قال مافي شي بس ضروسج بدن يتآكلن و لازم تهدين اعصابج و الا بتروح ضروسج << حشى اللي يسمع يتحراني اضرب شيول كل يوم مب دوام هذا << و الا انا حساسه زياده عن اللزوم و انا مادري؟

   على العموم انا كتبت الموضوع اولا افضفض

   و ثانيا اشوف جان حد من الاعضاء و العضوات الكرام عندهم خبر ان في شغله مني و الا مناك حق اختكم الكريمه انا

   و ثالثا اللي مر عليه موضوع صرصرة الاسنان من قبل و يعرف له حل يخبرني ..لان الدختر قالي بسويلج ربله حق ضروسج تلبسينها و انتي راقده << بس مافيه على لوعة الجبد عسب جي مأجله الموضوع و ما خليت حبة بندول في البلاد ما صرطها
   
   موضوع الصراصير اللي في حلجج ما عندي أدنى خلفيه عنه،

   إن شاء الله يفيدونج الإخوان.

   و هاي سالفتي يطولي بعماركم ..و اللي عنده رمسه حية الويه يحطها و اللي عنده رمسه تغث يدق علامة الاكس اللي على اليمين << روحه قولوني يعورني مب متفيجه حق الضرايب << ابشركم بعد اليوم يتني اعراض القولون العصبي

   يعني ما باقي الا سكر و ضغط و روماتيزم و بعلن اني عيوز رسميا

   و على حظّج،
   أول رد ياج من واحد يبا يغثّج. يقولج دام السالفه حق مكياج و خرابيط، إيلسي فـ بيتكم.

   شكلج عقب رده هذا، إنخمدّتي على طول.

   

5. سؤال اذا ممكن انتي تشتغلين ليش هل حق اكل وشرب ولبس وسياره وذهب ومكياج وتيلفون او تصرفين حق على العيال والاهل وهل هم محتاجين وهل في بنك ربوي فلوسه حرام

Comments are closed.