صبحكم الله بالخير صبايا و شباب
اصبحنا و اصبح الملك لله
اكيد تقولون هاي شو موعنها نص الليل
بصراحه يعني و ترا الصراحه راحه ….انا ما رقدت لان كنت افكر 
ياخي موضوع شغل البنك ها مب عايبني …مع ان ما اسوي شي و دوامي متأخر و طول النهار مجابله منتديات …بس حاسه اني مب مستسيغه الشغله اللي ناوين يدربوني عليها << يمكن انا مب ويه شغل؟
هذا و الله اعلم!!
مع ان اونه حاطيني في مكان راقي في البنك و حركات و سخافه و اصلا حتى ماشي عندنا ضغط شغل و لا شي…الا مجابلين الكمبيوترات و فاجين حلوجنا
الموهيم
كنت انبش في النت و قدمت كم مكان حكوميات …..و شفت موقع فيه اشغال للمواطنين …اغلب الوظايف في بوظبي و يا عيني على الرواتب …يعني نحن هل دبي نستلم معاشات فراريش بوظبي 
الحينه انا ابا اتفجج من شغلة البنك هاي بس كل حد يقووولي تمي في شغلج << من هلي يعني
قلت بسوي خطه…خل يقبلوني مكان ثاني و بسير اداوم عندهم و اذا عيبني الوضع بستمر
يعني مب حاله هاي …كل يوم انا يا متأخره…يا شارده من الدوام..يا ظاهره من وقت…يا راقده في البيت و مسوتلهم طاف …
يعني موضوعي صعب للغايه
و الاخس من هذا << انا انسانه اصرصر على ضروسي و انا راقده يوم انضغط…و من اسبوع يايني ويع مب طبيعي في الاسنان..سرت عند الدختر و ما ظهرت فيه عله…خبرته عن موضوع التصرصير و سوالي اشعه..قال مافي شي بس ضروسج بدن يتآكلن و لازم تهدين اعصابج و الا بتروح ضروسج << حشى اللي يسمع يتحراني اضرب شيول كل يوم مب دوام هذا << و الا انا حساسه زياده عن اللزوم و انا مادري؟
على العموم انا كتبت الموضوع اولا افضفض
و ثانيا اشوف جان حد من الاعضاء و العضوات الكرام عندهم خبر ان في شغله مني و الا مناك حق اختكم الكريمه انا 
و ثالثا اللي مر عليه موضوع صرصرة الاسنان من قبل و يعرف له حل يخبرني ..لان الدختر قالي بسويلج ربله حق ضروسج تلبسينها و انتي راقده << بس مافيه على لوعة الجبد عسب جي مأجله الموضوع و ما خليت حبة بندول في البلاد ما صرطها 
و هاي سالفتي يطولي بعماركم ..و اللي عنده رمسه حية الويه يحطها و اللي عنده رمسه تغث يدق علامة الاكس اللي على اليمين << روحه قولوني يعورني مب متفيجه حق الضرايب << ابشركم بعد اليوم يتني اعراض القولون العصبي 
يعني ما باقي الا سكر و ضغط و روماتيزم و بعلن اني عيوز رسميا 
ارقد …والله ارقد بطريقه جنونيه ….عادي ارد من الدوام و ارقد لين ثاني يوم الصبح من الارف اللي انا فيه
والله احساسي يقولي اني انا مب ويه شغل
بالنسبه للتصرصير في الاطفال عادي هذا يكون بسبب الاسنان و يوم بيكبرون يخوز
لكن الكبار و يصرصرون معناته ضغط نفسي على قولة الدكتووور الا اذا كان في خلل في الاسنان
الحين بس يبالي ازهب طقم اسنان من الحين
…….. غادي***
هههههههههه وانته ليش شااد حيلك غالي سنافي هب ريح اترجم منوه عبلك
واذا عن علم الهند هذا شي راجعلي مالك خص فيه لانهم …….عنك
وصدق ما تستحي انته مشبه ثم البنت بالبالوعه
يالسنافي انته غادي علوم
قرينا و فهمنا
انا مب اني ابا اشتغل في بوظبي..بس شي يقهر الصراحه
و مشكلتي تدبست الحين و حتى اليوم انا ظاهره من البيت متأخره كالعاده …و ابويه واقفلي بالمرصاد و عطاني هزبه على الطاير..شحقه متأخره و كل يوم متأخره و مادري شوووو
وااااااااااااااااااااااااااااااااااااااااء صدق دبست عمري شر تدبيسه
الحين شو بيفججني؟؟
و هاذوووه الجواب
هيه اخوي بنك ربوي و الله المستعان
و لا ما صرف و لا اكد على شي ..راتبي شرات ما هو بس العب به يوم يدق في راسي على امور فاضيه