طبعا تعرفون شو هو الهامستر
نوع من انواع القوارض لكن يربونه في البيت كحيوان أليف
وهو يقولون عنه و الله اعلم انه خليط بين الارنب و الفأر
ويقولون بعد و الله اعلم انه نتاج من فيران تجارب
المهم انه ما يسبب امراض و كيوووووووووووووت وايد
والاهم منو فيكم عنده من هالحيوان ويبي زود او منو فيكم خاطره يربي منه؟!!
انا عندي هامستر واحد ذكر…. و عيال اختي عندهم اثنين بعد ذكوره
والمطلوب كالأتي:
طبعا اليوم اخوي ياب لي هدية قطوة صغنونه….وامي من شافتها شلت البيت فوووووووق تحت
وقالت شلي حيواناتج و طلعي برع وديهم اي مكان و اي جلعة ابليس وما تردين البيت الا و انتي متخلصه منهم..وان شفتج راده وياهم ما تدخلين البيت…
وبعد ترجي وزعل ودموع سحالي…اقصد دموع تماسيح…و مخاطتين وشهقتين…واستغلال عاطفي بحت…
رضت امي اني احتفظ بشي واحد
اما القطوة او الهامستر
وبعد تفكير عميق …وجهد جهيد…..وقرعات و حظ يا نصيب
قلت بحتفظ بالقطوة…..وبشوف صرفه مع الهامستر
وعيال اختي قالوا لي خالوه سوي في هامستراتنا خير و شوفي لهم صرفه بعد لانه مالنا خلق نحط لهم اكل و ماي و خرابيط…..ونجابلهم مساكين
فقلت مالي الا ربعنا في منتدى الامارات يمكن حد منهم يربي شراتهم و يبغي زود او خاطره يربي منهم
وماخذتنهم من محل بت زون..ومطعمينهم…كانوا اربعه بس نثايتي ماتت..مسكينه طاحت من فوق الثلاجة و ياها شلل…جنها لاعت جبدها من برودة و بلادة و جبانة الذكر و انتحرت..لوووول
وعندي قفصين واربع باكيتات نشارة خشب وبيت العابهم مادري جانه صاحي ولا مكسور
وكللل هذا ببلاش…توتالي فريييي…ما يهونون علي ابيعهم مع انهم كلفوني تقريبا الف وشي….
والي يباهم يخبرني و فاله طيب…
هامستري و واحد من هامسترات عيال اختي يتشابهون..والثالث لونه افتح و عيونه حمر ..وشيطان يعض..
هاي صور هامستري توتي…..خجول و خواف و يحب البسكووت الحلو واااااااااايد
هني اول لقاءه مع القطوة….طبعا طلع جليييل حيا ما سلم عليها طالعها قال لها نعم شوو!! خير منووو!!…دوري ربعج….و رد دش بيته….فشلنااا
وجاان ازخه و اشرشحه و اهزبه و اقول له هاي اخر تربيتي لك ما تحشم الضيوف ..خاصة نثاية دلوعه شراتها…صدق انك ريال ما تخيل ولا تستحي امف عليك…..الحيين تعتذر لها ….ولا ترى بطلع مصاريينك
خاف و قال لها انا اسف…بس هي تمت تتدلع عليه ما تبا ترضى
قام يضرب كف بكف و يقول لا حول ولا قوة الا بالله هاتي راسج ببوسه انا اسف
بضرابه و ترجي سامحته…وعقب قالت له يلا زين فكنا لا ترمس وايد واقلب ويهك وانجلع…رياييل ما توون الا بالعين الحمره ((( انا ما يخصني هاي القطوة قالت ))
المهم اللي يبااااااااااااااااااااااااااااهم يخبرني
ببلاش بلاش بلاش
لييلااام لييلااام
هههههههههههههههههههههههههههههههههههه
انا ماضحكني الا هالاسود اللي تزقره ابلييس
وحليله
موضووووع كيووووت لوووول مع اصدقائنا الحيوانات
الوالدة اله يخليها مانعة منعا باتا كل انواع الحيوانات الطائره و الزاحفةو اللي على اربع
مرة ربيت صيصان و كبروا…بس كنا مسافرين و عطيناهم للناطور….
المره الثانية سلاحف النينجا .. قصدي برمائيه و كانوا اربع و ماتوا ورا بعض… عندكم فكره ليش ..؟؟
حطولهن سم فيران وافتكوا منهن
ونحن نشوف الانكليز يربونهن وسوينا شراتهم
لو ربيتيلج كمن راس من عطايا الله وتذبحينهن وتعزمين ربعاتج اخير من تربية الفيران
القطاوه انا ما احبهم …
لكن هالفار شكله حلوووو
انزين الدوده بياخذ وااحد
وانا باخذ انثى وذكر اذا عندج عشان
حرااااااااااام ما يهون علي اخذ واااحد ويعيش وحيد ….
ونتواصل يا الغاليه
تحياتي
اختكم
سهمي عالي
…………
بعض النصاااااااااااااايح
….؟
شوفي
1- لاتعطيينهاا اي شي اسمه سمج .. لانه السمج يعق شعرهااا ويخيس البقعة …….
2- .. بين فتره وفتره حاول تمشطيين شعرهااااااااااااااا لانه الشعر لو ماتمشط بيتم يتيمع وبيسوي لها مثل شعر مجعد وبتستوي ريحته خايسة ….
3-حاولي تنوعيين بالاكل لهاا مره كروااسوووون جبن وله هريس وله لحم وله دياي .. لاتعودينهاا تاكل شي نييي يعني لحم مب ناظج او لحم مع دم .. خليها تاكل كل شي مطبووخ ……………..
4- بين فتره وفتره حاولي تحكينهاا على ظهره ها الشي يحببها لج واذا شفتي القطوة اتي وتتمسح على ريلج او اتم تحك جسمها على ريلج ها يعني تترك ريحتهاا عليج علشاان مره ثانية تعرفج …
5- كل ست شهوور ودييها العيادة البيطرية .. وعطيهاا ابرة تعقييم من الامرااااااااااض وجي
6- لاتعطينا اي اكل فييييييييييه دهن او سمن ……………….نصييييييييييييحة لانه ها الشي … يسوي لها اسهااااااااااااااااااااااااااااااااااااااااااااااا ااااااااااااااااااال وتخيس البقعة ………………….