السلام عليكم ورحمة الله وبركاته
اليوم ييت تعبان من الدوام (في بريطاني]
و بعدين يالسين أنا والشباب لاقينا الهندية الي معانا
(سكن طلاب)
توقعو شو قالت……..
قالت الله يسلمكم أنها اليوم وااااااااااايد مستانسة
سألناها ليش؟
قالت اليوم برد البلاد
بعد دقيقة سألتها …
من أي مدينة من الهند
و انا مسوي فيها أقولها (بومبي – نيو دلهي – كاكوتا)قالت وين وين تبا شو تتوقعون بتقول
وقالت(i am from dubai) أنا من دبي
الصراحة بعدين انقهرت بقوة صح أنهم يو بلادنا بس مش لهاي الدرجة
عادي بعد كم سنة تنجلب الأية والله المستعان
ليش ازعل تره ادبي حق الكل
واحد من الشباب أستوالة نفس الموقف
بس الصراحة احرج الهندي
كان في جامعة امريكية و سألوة من وين ؟؟؟
قال من الإمارات ؟؟؟
الريال الي أعرفة عصب و سألة إنتة شو جنسيتك ….
طبعا جاوب الصراحة و قال من الهند
فــ صاحبنا إرتاح شوي
يا حليلك والله عيل لو شفت الي شفته وسمعته
كنت سايره ويا وحده من اهلي لمعرض الوضايف كونها هيه مسؤوله في ادارة من الادارة
وانا يالسه وياها
الا بالهندي الي ياي يقدم قالتله ما عندنا وظائف الوظائف حق المواطنيين
قالها انا مواطن
قالتله لا قصدي حق الاماراتيين
قالها انا مواطن اماراتي
وهيه تشوف الشيفه مالها خص بالمواطنيين وامه وابوه الي وياه نفس الشي
ويقوم ويظهر الجواز الاماراتي وصادر من بوظبي
هنيه انا شفته وهيه شافته وتمينا مستغربين
تخيلوا انتوا ها الموقف
والاسامي مغير من راج لعبد الله والام ما ادري شو اسمها
انا قمت وظهرت عنها وركبت سيارتي وروحت
وقلت صدق ما ينلامون الشباب ما يحصلون وظايف حتى في مكان شرات ها للتوظيف لحقوهم هذيل
الله يستر بس
وما زلت ارد واقول حق اهلي بدورلي حد يكفلني على الاقل اضمن محد يشوتني خلاف
والسموحه والسوالف وايد تراها
يعني جماعتها واهلها كلهم فالامارات
اكيد بتفرح لا ردت صووبهم
وبتحب الامارات لان اهلها فيها
وهاالهنود والمغتربين اي مكان يعيشيون فيه ويأمنلهم حياتهم
يصير مثل بلادهم
مب مشكلتهم انه دولتنا فاتحة لهم المجال
مب مشكلتهم اننا ماحصلنا حلول للتركيبة السكانية
مب مشكلتهم انه تجارنا همهم الربح المادي وبس
فليش تقولون عليها حقيرة؟!!!!! تعرفونها انتو؟
في هنود ماعرفو بلاد من فتحو عينهم إلا الامارات
ومستحيل يردون لبلادهم ،، بعد ماجربو عيشة البلاد
خلنا نترتقي بأخلاقنا ،، ونظبط اعصابنا
خاصة في مثل هالقضية الي كل يوم تتكلمون عنها
اللي يعيش ياما يشوف
واااايد بتحصل من هالاشكـال
خلها على الله