من له تجربة الطلب عبر موقع بيدز ؟
لاني طلبت المرة الاولى وكل شي تمام اما المرة الثانية طلبوا مني صورة بطاقة الماستر كارد وصورة الهوية ترسل على الفاكس او الايميل ..وحاولت اتملص منهم وخبرتهم ان ماعندي فاكس وscan قالوا لي صوريهم بالجوال وارسليهم بالايميل
واصروا عليها واخبروني ان المرة الاولى تمموها تعاونا منهم بدون طلب البطاقة والهوية فتخوفت منهم وشكيت فيهم ..
فهل احد منكم صار له نفس التجربة ؟؟
يعني انا لو مرسله لهم الصور ومسحت الارقام الثلاثة الاخيرة السرية كان بسهولة يوصلون لها مو صعبة بس انا بانتظار الطلب والله يستر ماتوصل ناقصة
بخبركم ايش يصير معاي بعدين
بتوصل ان شاء الله ولا فيها شي ناقص ارتاحي ولا تحاتين
بالتوفيق ان شاء الله
احب اخبركم انه جاني ايميل بأنه تم شحن طلبي وانا الى الان ماارسلت لهم اي شي تصدقووون ؟
ماادري ايش التلاعب هذا
يعني انا لو مرسله لهم الصور ومسحت الارقام الثلاثة الاخيرة السرية كان بسهولة يوصلون لها مو صعبة بس انا بانتظار الطلب والله يستر ماتوصل ناقصة
بخبركم ايش يصير معاي بعدين
طرشيلهم الصورة واخفي كل الارقام هههههه انا جي سويت حق موقع من المواقع وطرشوا لي ايميل قالوا اونه ليش مخفي كل الارقام بين لنا اول اربع ارقام واخر اربع ارقام سويتلهم طاف والشحنة اطرشت عادي .. وبالتوفيق
المواقع المعروفة والمشهورة لا تطلب مثل هالأمور
أنا حصل لي موقف مشابه مع موقع لبيع قطع غيار السيارات
المشكلة إنهم بعد سحب المبلغ طلبوا نسخه من آخر كشف حساب للبطاقة + صورة أي اثبات للهوية سواء جواز أو ليسن + صورة الكريدت كارد من الجهتين
طبعاً أنا ما ارتحت للموضوع وطلبت منهم إلغاء الطلب وإعادة المبلغ المسحوب
صحيح إن الموضوع خذ له 3 أسابيع ورد المبلغ ناقص
لكن ما أنصح أبداً بإرسال أي وثائق رسمية لمثل هالمواقع
بالنسبة لي تعاملت مع مواقع وايد
ولا موقع طلب مني صورة الماستر ولا صورة عن أي وثيقة ثانية
يفضل الابتعاد عن مثل هالمواقع
حتى لو حذفتي آخر ثلاث أو أربع أرقام في هاكرز يرومون يطلعون رقم الفيزا أو الماستر بكل سهولة
ادفعي عن طريق حساب الباي بال أحسن وريحي عمرج من الشكوك والوساوس والنصابين