من له تجربة الطلب عبر موقع بيدز ؟
لاني طلبت المرة الاولى وكل شي تمام اما المرة الثانية طلبوا مني صورة بطاقة الماستر كارد وصورة الهوية ترسل على الفاكس او الايميل ..وحاولت اتملص منهم وخبرتهم ان ماعندي فاكس وscan قالوا لي صوريهم بالجوال وارسليهم بالايميل
واصروا عليها واخبروني ان المرة الاولى تمموها تعاونا منهم بدون طلب البطاقة والهوية فتخوفت منهم وشكيت فيهم ..
فهل احد منكم صار له نفس التجربة ؟؟
موفقة بإذن الله …
اشكرك اخوي على التوضيح الطيب
انا صار مشكلة تفعيل البطاقة بالبي بال وللحين ماانحلت للاسف
علشان كذا مضطرة مااستخدم الدفع عن طريقهم بس حاليا ناوية ارجع احاول احل الموضوع معهم وادفع عن طريقهم اسلم لي
عادي …. ترا السيتسيم مال المبيعات عبر الانترنت يسو Flag على بعض بطاقات الدول في حالات معينة. يمعنى ثاني انه حاطين نقطة سوده لفترة بسيطة على بطاقات من دول معينة. لانه في حد يالس يحاول يشرتي من الموقع والبطاقة الي عنده منتهية ولا ارقامها غلط عشان يمشي الاوردر ماله لاكن السيستم زخه . وهو تم يحاول اكثر من مرة فسو فلاج على الامارات وانتي ييتي طلبتي في فترة هل flag عشان جي يبون يتاكدون هل فعلا انتي صاحبة البطاقة من ناحية الهوية.
ومثل ما قالت اختنا حوراء للعطور … صوري البطاقة من الامام واشطبي اول 12 رقم وخلي اخر 4 ارقام ظاهرات. وبس عشان يتاكدون فعلا انتي راعية البطاقة وبس.
هاذي تقنية الفلاج جديمة لاكن عشان مصلحة الشركة والزبون لانه وايد حالت سرقة تستو فل مواقع… اهم شي اذا الموقع مشهور خلاص ما عليه كلام. والدفع عن طريق بي بال أامن لانه في اي وقت ترومين تردين فلوسج بس ياخذ وقت.
شكرا لك يالغلا على توضيحك ومرورك الطيب..
لكن الان هم ارسلوه بدون ان ارسل الاثباتات وهذا الشئ غريب طبعا..
عادي انا لما اكثر طلبات منهم يطلبون مني صورة اثبات مثلا جواز او ليسن
+ صورة البطاقه بس اشطبي الارقام وخلي الظاهر منها فقط اخر 4 ارقام
عادي جدا
وانا صار لي سنتين اتعامل وياهم وعادي ما ضروني س هم يبون يتاكدون
ولا تعطينهم كلللل ارقام الفيزا
اخفيهم عدا اخر اربع او ثلاث ارقام