من ساهم في محفظة العضو نايف ؟؟

140 thoughts on “من ساهم في محفظة العضو نايف ؟؟”

1. الاخ نايف مشارك وياه تقريبا من 5شهور والحمدلله الارباح في وقتها
   ولابعد توصلني متقدمه قبل نهاية الشهر وانشالله بيكون فرع للشركه قريب في العين
   وبيكون الاشتراك اسرع واسهل من قبل الاول يفزعنا لين البحرين عسب نشترك ونوقع العقود
   والله يرزق الجميع الرزق الحلال الطيب

2. السلام عليكم ورحمه الله

   اخواني شحالكم ان شالله طيبين

   السموحه منكم على الانقطاع وانا والله ماكان ودي اكتب الا بعد ماانهي كل الاجراءات بس قلت بكتب الحين لان اشوف صار شد بين الاخوان ..

   اخواني الله يسلمكم المنتدى مفتوح لوجهات النظر واخونا kash تراه ماقال شي غلط وكل الاخوان اللي سالوا او شككوا ترى هالشي من حقهم كلهم لان للحين ماشافوا اي تراخيص رسميه ولا شافوا اي شي ملموس وهني اللوم يقع علينا احنا مش عليهم هم

   لان نشوف بعد ان في الغير عرضوا محافظ ومحد قال لهم شي الا بالعكس الكل شجعهم والسبب ان وضحوا كل شي مباشره وهذا شي الزامي على كل صاحب محفظه اصلا بس مثل ماانتوا عارفين ان السبب عندنا ان الشغل في اكثر من دوله هذا السبب التاخير في التوضح الله يسلمكم

   السموحه منكم اخواني على التاخير في التوضيح بس هذا التاخير هو للتجيهزات النهائيه ان شالله عشان انهي كل الاجراءات وبعدها اجاوب على كل اسئلتكم لان مثل ماانتوا عارفين هاذي اجراءات محافظ وعارفين شغلنا طول اليوم ففضلت ان تنجمع كل الاسئله وارد عليها مباشره بتوضيحات مفصله سواء عن العمل واليته والشركات وتراخيصها ومواقعها وادرايينها ومحاسبينها القانونيين وكل اللي لازم تعرفونه ان شالله

   اشكر كل الاخوان اللي مدحونا واشكر بعد اللي انتقدونا لان هذا من حقهم وواجب علينا احنا نوضح كل لبس يصير

   فمن الحق الجميع ان يسال ويستفسر لان هاذي بعد حقوق ناس فالف سموحه منكم اخواني ان خليت الموضوع يوصل لهالوضع

   بس ان شالله كلها كم يوم اخلص الاجراءات النهائيه للموقع والرخص الجديده واكتب كل شي بالتفصيل وبكل مكان ان شالله

   والعذر منكم بعد مره اخيره لبعض الغموض اللي حصل وهو اللي ادى ان الوضع يوصل لهالدرجه بس ترى محد نيته ان يخرب على احد او يشوه سمعه احد الموضوع ومافيه ان الكل يبي يعرف اللي له واللي عليه

   والله يوفق الجميع ان شالله

3. السلام عليكم ورحمة الله وبركاته

   اخواني الأعزاء : اعتقد أن كلنا أخوان وجمعنا منبر رائع لكي نتحاور بالحسنى وياليت مثل ما قال الأخ فادي تكون الشفافيه عنوان .

   وما يكون فيه كلام ملغوم . الأفضل أن اللي عنده شيئ يطرحه على العام وقدام الكل لأن التشكيك مب زين بحق أي حد .
   قطع الشك باليقين هو افضل السبل والوضوح يجب أن يكون وسيله لتحقيق الغايات وليس بمنطقي طرح مواضيع فيها تشكيك في الوقت اللذي كلنا نعلم فيه بأن لنا أخوان قد طرحو محافظ للمساهمه وبنفس الوقت القسم الأخر من اخواننا قد شاركو في هذه المحافظ ..
   ليس منطقيا بأن نشكك بهذا الاتجاه لمجرد الشك .. فمن يملك يقينا فليطرحه على الملأ لكي يكون الوضوح عنوانا للتعامل فيما بيننا .. ولا اعتقد بأن بينننا شخص لا يحب الوضوح والصراحه في هذا النوع من التعامل .

   تقبلوا وافر الاحترام جميعاا

4. اشووف الاخ كااش متشااائم من المحااافظ

   لايكون مستويلك موقف ويااهم

5. عَنْ أَبِي هُرَيْرَةَ رَضِيَ اللَّهُ عَنْهُ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: “مَنْ أَخَذَ أَمْوَالَ النَّاسِ يُرِيدُ أَدَاءَهَا أَدَّى اللَّهُ عَنْهُ وَمَنْ أَخَذَ يُرِيدُ إِتْلَافَهَا أَتْلَفَهُ اللَّهُ”. أخرجه البيهقى فى شعب الإيمان (4/403 ، رقم 5550) . وأخرجه أيضًا : البخاري (2/841 ، رقم 2257) ، وابن ماجه (2/806 ، رقم 2411)

Comments are closed.