من شاور ما خسر .. مطلوب رايكم في فتك 2009

9 thoughts on “من شاور ما خسر .. مطلوب رايكم في فتك 2009”

1. لاقنه ب 160 وماتباه ؟ حرام عليك ياريال لابعد تشاور تلالالاحق عليه وان مابغيته طرش رقمه على الخاص

   انا باخذه واللون الاسود توووب ويا التخطيط وماعليه كلام والشكل اليديد والشكل حالي بيمشي سنه وعقب بيتوقف حسب

   الكلام

2. اذا انت ما تباه تكفى حوله صوبي ..

3. خذه بدون تررد

   واذا مابغينه رد بيعه اب 200 وخذلك اللؤلؤي

   فرصه ماتتفوت لو حق تجاره

   لو مكانك جان وديتله كاش وشليت الموتر

   والله يوفقك

4. مرحبا اخوي ,

   بصراحه اذا الموتر على الزيروا واللون داش خاطرك لا تتردد , لكن انصحك صل لك ركعتين واستخير وشوف اذا قلبك ارتاح للسياره توكل , بس ترى اهم شي تكون من محبين هالشكل مب الشكل اليديد لانه قرب بينزل يا هالسنه يا بعد سنه , لو نزل الشكل اليديد ما اعتقد ان خصومات المسعود ولا العربيه على السياره( الشكل الحالي ) بتوصل 40 الف حدهم بينزلون 20 الف او بيقولون للناس تأمين مجاني وفي كول وبترول سنه يعني كله على بعضه ما يوصل 20 الف درهم .

   يعني هي فرصه وهي حيره في نفس الوقت , هاي نصيحة ووجهة نظر شخصيه وفي النهايه اذا انباع الموتر لا تندم لانه مب مكتوب لك ويمكن خيره لك . شاور عمرك ولا تستعيل هاي 160 الف مب الف او الفين ولو شريته وحسيت انك استعيلت عليه وحبيت تبيعه بينزل من قيمته وايد لانه ما بيكون اصفار , انصحك فكر عدل ولا تشتريه الا من قناعه قويه لان الناس صعب ترضيهم وتسايرهم .

   ( لا تنسى كل اللي يقولونه الناس لك هي مجرد أراء شخصيه , في النهايه انت الشخص المعني يعني اهم شي رأيك)

5. وعليكم السلام ورحمة الله وبركاته
   
   مرحبا اخوي سعره هب مغري ولا انصحك تاخذه لان شكله بيتغير قريب

   تريا كمن شهر وبتتضح الصوره بالنسبه للشكل اليديد ،،

   موفق بإذن الله … لك مني أجمل تحية.

Comments are closed.