من طمع طبع, وهذي قصتي اليوم

السلام عليكم,

كيييف حالكم وكيف رمضان وياكم.

اليوم سرت دبي عشان اخلص موضوع المطبخ في دبي. اتصلت للمحل الي بشتري منه اغراض المطبخ في مول الامارات, وقلت له بكم هالاغراض, الاغراض مثل الفرن والشفاط وغيرها. قالي ب 13500 يمين يسار وصلته ب 9500. طبعا هذا سعره النهائي. يسار يمين وها وهوه, قالي ب 8500.

استغربت لاني اعرف انه ما بيوصل لها السعر لاني مكلمنهم قبل وكلمت المدير, وصلت وياه 9700 عقب ضرابه. قلت كيف نقص هالالف مره وحده.

قلت اكيد يوم كنت عندهم كانو يقصون علي ويوم كلمتهم بالتيلفون قالولي الاسعار الصح. المهم فرحت. قلت له اسمي كذا ورقمي كذا وانا بعد كمن ساعة بوصل عندكم. قالوا اوكي.

سرت لهم وقلت لهم خلاص باخذ هالاغراض وابي اشتري شي ثاني بعد يوم الا جي ترخصون. وخذت بعد غرض ثاني. طلع المجموع 10045. قلت له شحقه ال 45. خلها 10000 صافيه وخلاص. شوف الطمع عاد.

قعد هو وربيعه يضربون بالحاسبه واكتشفوا ان حسابهم الاولي غلط. قالوا نحن غلطنا يوم قلنالك 8500. نحن منقصين 700 بالغلط ولازم تدفعها.

قلت بخارطي جان دفعت هال45 وانطميت مب احسن لي. طبعا كنت اقدر اضاربهم وما ادفع ال 700 هاي لان غلطتهم, بس بعد قلت مافيني يسحبون من رواتبه بسبتي. طبعا الجماعه مسلمين والظاهر ان الصيام كان مأثر عليهم ومافيني على دعاءهم.

ودفعت ال 700 وقاعد اقول صدق ان من طمع طبع.