من فتره اشوف السمسره من بعض الاشخاص على سيارات من الوكاله ، شو سالفه الخصومات الي البعض يحصلها من الوكالات … لدرجه انه يسمسر وياخد عموله من الشراي بدون سبب مقنع غير انه يابه صوب الوكاله ورمس مدير المبيعات …
ليش هو يحصل سعر افضل من الشراي الثاني ؟؟؟؟
18 thoughts on “من فتره اشوف السمسره من بعض الاشخاص على سيارات من الوكاله ، شو السالفه”
Comments are closed.
الرزق على الله وهذا رزقه هو يفيدك ويستفيد …………………….
مثااااااااال::
انا اقدر اوفرلك مواتر من نوعية معينه الحين شرط اني اسويلك خصم اقل شي 20 الف من سعر السياره
ليش؟
لانه لي معرفه بفلان وعلان وقدر ارتب الموضوع وكون لصالحي
وبجي انا خذت فايدتي ونت استفدت غير انه مرات تكون في عروض والعالم مايدري فيها الا اللي له تواصل ومعارف والخ
هذه هي الطريقه يعني
السلام عليكم
أنا بوضح لك الصوره يالغالي …. لأنه الموقف صار وياي
أنا أعرف ريال يشتغل فالوكاله … و الريال قالي بييب لك خصم 20 ألف على الأفالون … و مالك شغل بالباقي الريال يروم يدبر خصم …. ^_^
يعني الريال يترزق الله … لو يايب لي خصم 20 ألف … و أخذ له 5 الاف .. ما فيها شي الغالي
انا موفر 15 ألف درهم … و ما فيها شي لو أخذ 5 الاف درهم ….
بدال ما ادفع الـ 20 ألف …. أوفر منهم 15
الريال يروم يدبر خصم أنا ما أروم أدبره و يوفر علي … و مقابل هالشي ياخذ أتعابه …
و رزق الناس على الناس … و ربك يسخر الناس للناس و يجعلهم سبب
و عسى وضحت الصوره …
و ربي يوفقك الغالي
.
.
أكيد عنده واسطه
هذا اللي يسمونه البزنس أو المصلحة
بالتوفيق اخوي
بعطيك مثال
مثلا انا مدير مبيعات التويوتا حصلت شاب اجتماعي و حركي و يبا بترزق بقوله تعال يا فلان مثال سعر الكورلا ب70 الف انا بعطيك سعر ب55 الف اتصرف يا فلان اتحرك حاول اتيبلي اقل شي 5 زباين هالشهر و كم ماتبى تزيد فوق ال55 برايك هذا حلالك
هذا مثال طبعا شي ناس يطلعون 500 درهم شي ناس اقل و اكثر و انا ماحب اسمي هالشخص سمسار او شريطي اسميهم بروكر
و الله يكثر امثال من هالمديرين المبيعات انا شخصيا استانس اشوف ولد البلاد يتحرك على رزقه كثره البطاله و هذا الشي بيخلهم يتحركون و يترزقون
و الله يوفق الجميع ان شاء الله