من فتره اشوف السمسره من بعض الاشخاص على سيارات من الوكاله ، شو سالفه الخصومات الي البعض يحصلها من الوكالات … لدرجه انه يسمسر وياخد عموله من الشراي بدون سبب مقنع غير انه يابه صوب الوكاله ورمس مدير المبيعات …
ليش هو يحصل سعر افضل من الشراي الثاني ؟؟؟؟
18 thoughts on “من فتره اشوف السمسره من بعض الاشخاص على سيارات من الوكاله ، شو السالفه”
Comments are closed.
تم غلق الموضوع
باختصار شديد الالي يبيعون لكزس وتويوتا (في المنتدى) من الفطيم
وبعض الاحيان ليبرتي و شركة بي ام دبليو
عندهم ورقة خصم من الديوان وخصوصا من عجمان او رأس الخيمه لان الورقة تطلع اسهل من غيرهم
متأكدة من كلامي لاني كنت اداوم في الوكاله فتره
واللي يقول خصم للي يداومون في الحكومه فهذا الشي غير موجود الا اللي الخصم من قبل مدير المشتريات او ورقة من قطاع او وزارة معينه لديها صلة تعاون في بينهم , مثال : الـrta و شرطة دبي لان معظم ساييرهم تويوتا فيعطونهم خصم .. الخ
يعني اللي يبا خصم محترم ويبا يتاجر بالسيارات يروح الديوان (بشرط وجود اثباتات انه في حاجه للتجارة بسبب) .
واللي يتأكد يقدر يسأل اللي يتاجرون بهذي السيارات بمكان تسليم السيارة في اي امارة .
وشكرا
على ماعتقد الريال صاحب الموضوع ماعنده اعتراض على العموله، اظني الريال يبي يعرف السبب بس، فعلا السالفه تحير، واحيانا تقهر، تخيل انت تروح الوكاله وتشتري موتر و تطلع من الباب و تكتشف غيرك ماخذنها باقل منك ب 20 الف !! والسبب شو …انك ما تدخل منتديات …انا ماعندي اعتراض على العموله ، لكن خلنا نتفق انه الوكاله تحطي لافته مكتوبه عليها روح عند فلان و بيعطيك خصم 20 الف …لكن انه ناس تدري وناس ماتدري ، هذا غلط واحتيال من الوكاله ويعتبر غير اخلاقي من الشركات. عسب جيه انا يوم اسير السوق احب اشتري من المحلات اللي ماتفاصل و اسعارها ثابته للجميع ، مب والله ناس وناس ، لان هذي مب شطارة هاذي سرقه.