من فضلكم الطريق برا من دبي الى المدينة المنورة

22 thoughts on “من فضلكم الطريق برا من دبي الى المدينة المنورة”

1. 

   حصلت لك خريطه مبسطه ان شاء الله تفيدك ..

   واتمنى لك رحله طيبه ..

   بشكل عام لاتسرع اكثر من 140 وقت الليل .. لانه الشارع فيه حفر + رمل + بدون اناره

   أخوي هذه الخريطة قديمة، الحين يوم نروح العمرة ما نمر على الهفوف..

   أخوي instant link بعد منفذ البطحاء ومقابل محطة البترول الثانية (محطة الجبيل) فيه فتحة دوران U-Turn ترجع على منفذ البطحاء، اول ما تلف اللفة بتحصل على يمينك شارع يسمى بطريق الثمامة، تطلع عليه وبيوصلك إلى الرياض بدون ما تمر لا على سلوى ولا الهفوف..

   +إذا كانت أول مرة أنصحك تأخذ لك جهاز ملاحة GPS مركب فيه برنامج جارمن Garmin وحدد على المدينة المنورة وأختر Shorter distance مب Fastest time وهذا عن تجربة آخرها كان الأسبوع الماضي.

   تروح وترد بالسلامة..

   تحياتي

2. تسير وترد بالسلامه اخوي

   ولا تنسى تدعيلنا هناك

   وخل بالك وانت مسافر

3. تروح وترد بالسلامه بإذن الله

   دير بالك على نفسك و خل بالك من طريق زين و انتبه لأنه فيه شاحنات واااايد

   وطمنا عليك أول ماترد بالسلامه

   ربي يوفقك ويسرلك أمرك

4. وعليكم السلام ورحمة الله
   خذ بالك زين عند وصولك منطقة الهفوف
   كثير منا يضيَع الدرب فيها لانها تقريباً تخشيشات
   بين الشوارع الداخليه إلى أن توصل للشارع اللي
   يوديك للشارع العام السريع بتحصل لافته لمنطقة خريص
   أتبعها وبتوصلك من ثم لطريق الرياض – المدينه .
   أخر سفره لي كانت قبل 10 سنوات تقريباً ، ممكن الحين
   صار تعديلات لشوارع الهفوف ماأدري .
   موفق بإذن الله .. ولاتنسانا من دعائك أُخيه (^_^)

5. موفق بإذن الله … لك مني أجمل تحية .

Comments are closed.